ଦେଶର ଇଂରାଜୀ ନାଁ ଉଠେଇ ଦେବେ କି ମୋଦି ସରକାର ? ମେଣ୍ଟକୁ ଘାରିଲା ଚିନ୍ତା

ନୂଆଦିଲ୍ଲୀ: ଜି-୨୦ ସମ୍ମିଳନୀ ପରେ ପରେ ସଂସଦର ବିଶେଷ ଅଧିବେଶନ ଡାକିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସଂସଦର ବିଶେଷ ଅଧିବେଶନରେ କ’ଣ ହେବ ତାକୁ ନେଇ ଚାଲିଛି ଅଟକଳ ।  ମଙ୍ଗଳବାର ଏକ ନୂଆ ପ୍ରସଙ୍ଗ ସାମ୍ନାକୁ ଆସିଛି । ଯାହାକୁ ନେଇ ଅନୁମାନ କରାଯାଉଛି, ସଂସଦର ବିଶେଷ ଅଧିବେଶନରେ କେନ୍ଦ୍ର ସରକାର ଦେଶର ନାମ ପରିବର୍ତ୍ତନ କରିବାର ପ୍ରସ୍ତାବ ରଖିପାରନ୍ତି । ଦେଶର ନାଁ ଇଣ୍ଡିଆ ପରିବର୍ତ୍ତେ ଭାରତ ରଖିବା ପାଇଁ ପ୍ରସ୍ତାବ ଆଣି ପାରନ୍ତି କେନ୍ଦ୍ର ସରକାର ।

ଯଦି ନାମ ପରିବର୍ତ୍ତନ ହୁଏ ତେବେ ଦେଶର ନାମ ସାର୍ବଜାନିକ ଏବଂ ସାର୍ବଭୌମିକ ଭାବେ ଭାରତ ହିଁ ରହିବ । ଯଦି ଏପରି ଅନୁମାନ ସତ ହୁଏ ତେବେ ଇଣ୍ଡିଆ ମେଣ୍ଟ ପାଇଁ ଏକ ବଡ ଝଟକା ହେବ  । କାରଣ ମେଣ୍ଟ ଉଦ୍ଦେଶ୍ୟମୂଳକ ଏହାର  ନାମକରଣ ଇଣ୍ଡିଆ କରିଛି  ।

ତେବେ ଆସନ୍ତା ସ୍ୱତନ୍ତ୍ର ଅଧିବେଶନରେ ଏପରି ଦେଶର ନାମ ପରିବର୍ତ୍ତନ ପ୍ରସ୍ତାବ ସରକାର ଆଣିପାରନ୍ତି ଏପରି ଅନୁମାନ କରିବା ପଛରେ ଅନେକ କାରଣ ରହିଛି । ଜି-୨୦ ସମ୍ମିଳନୀ ପୂର୍ବରୁ ଲଞ୍ଚ ହୋଇଛି ପ୍ରେସିଡେନ୍ସି G-20ର ନୂଆ ହାଣ୍ଡେଲ G-20 ଭାରତ । ସେହିପରି G-20ର ଏକ ଅଲଗା ଏକ୍ସ ଆକାଉଣ୍ଟ ହେବ । । ଏଥିରେ G-20 ସମ୍ବନ୍ଧିତ ସମସ୍ତ ସୂଚନା ଓ ନିୟମ ବିଷୟରେ ତଥ୍ୟ ନିୟମିତ ପ୍ରଦାନ କରାଯିବ ।

ଅନ୍ୟ ଏକ ସୂଚନା ଅନୁସାରେ, ରାଷ୍ଟ୍ରପତି ଭବନରେ ସେପ୍ଟେମ୍ବର ୯ ତାରିଖରେ G-20 ଡିନର ପାଇଁ ନିମନ୍ତ୍ରଣ ପତ୍ର ପଠାଯାଇଛି । ତାହା ମଧ୍ୟ ଭାରତର ରାଷ୍ଟ୍ରପତି (‘President of Bharat’)   ନାମରେ ପଠାଯାଇଛି । ବର୍ତ୍ତମାନ ସୁଦ୍ଧା ପ୍ରେସିଡେଣ୍ଟ ଅଫ ଇଣ୍ଡିଆ କୁହାଯାଉଥିବାବେଳେ ଏଥିରେ ପ୍ରେସିଡେଣ୍ଟ ଅଫ ଭାରତ ଲେଖାଯିବା ସମସ୍ତଙ୍କୁ ଦ୍ୱନ୍ଦ୍ୱରେ ପକାଇଛି ।

Mr. Modi can continue to distort history and divide India, that is Bharat, that is a Union of States. But we will not be deterred.

After all, what is the objective of INDIA parties?

It is BHARAT—Bring Harmony, Amity, Reconciliation And Trust.

Judega BHARAT
Jeetega INDIA! https://t.co/L0gsXUEEEK

— Jairam Ramesh (@Jairam_Ramesh) September 5, 2023

ଏ ସମ୍ପର୍କରେ କଂଗ୍ରେସ ସାଂସଦ ଜୟରାମ ରେମଶ ତାଙ୍କ ଟୁଇଟରେ ସୂଚନା ଦେଇଥିଲେ । ସାଂସଦ କହିଥିଲେ, ଏହି ଖବର ସତ ଯେ ରାଷ୍ଟ୍ରପତି ଭବନରେ ୯ ସେପ୍ଟେମ୍ବରକୁ ରାତ୍ରିଭୋଜନ ପାଇଁ ଆମନ୍ତ୍ରଣ ପତ୍ର ଦିଆଯାଇଛି ଯେଉଁଥିରେ ଇଣ୍ଡିଆର ରାଷ୍ଟ୍ରପତି ବଦଳରେ ଭାରତର ରାଷ୍ଟ୍ରପତି ଉଲ୍ଲେଖ ରହିଛି ।  ସେ ଏହି ନିମନ୍ତ୍ରଣ ପତ୍ରର ଏକ ଫଟୋ ମଧ୍ୟ ସେୟାର କରିଛନ୍ତି ।

ଏହି ପ୍ରସ୍ତାବ ଆଣିବା ପୂର୍ବରୁ ଅନେକ ସାସଂଦ ମଧ୍ୟ ଇଣ୍ଡିଆ ଶବ୍ଦ ଉଠାଇ ଦେବା ଠିକ ହେବ ବୋଲି ଦାବି କରିଛନ୍ତି  । ରାଜ୍ୟ ସଭା ସାଂସଦ ହରନାଥ ସିଂହ ଯାଦବ ଭାରତ ସମ୍ବିଧାନରୁ ଇଣ୍ଡିଆ ଶବ୍ଦ ହଟାଇବା ପାଇଁ ଦାବି କରିଛନ୍ତି । ସେ କହିଛନ୍ତି, ‘ଇଣ୍ଡିଆ ଶବ୍ଦ ଗୁଲିମୀର ପ୍ରତୀକ, ତେଣୁ ସମ୍ବିଧନ ସଂଶୋଧନ ଦ୍ୱାରା ଏହାକୁ ହଟାଇ ଦେବା ଉଚିତ ।’

ଅବଶ୍ୟ ଏହାକୁ ନେଇ ନରେଶ ବଂଶଲ କହିଥିଲେ, ‘ଏହି ସାଂସଦଙ୍କ କଥା ଯଦି ଅନୁଧ୍ୟାନ କରାଯାଏ ତେବେ ଗୋଟିଏ ପ୍ରଶ୍ନ ମନକୁ ଆସେ । କୌଣସି ଦେଶର କ’ଣ ଦୁଇଟି ନାଁ ହୋଇପାରେ ?  ତାହା ପୁଣି ଇଣ୍ଡିଆ ଗୁଲାମୀର ପ୍ରତୀକ ଏବଂ ଭାରତ ଆମ ସଂସ୍କୃତିର ପରିଚୟ ?’