ଆମେରିକାର ପ୍ରଥମ ଲେଡି ଜିଲ୍ ବାଇଡେନଙ୍କ କରୋନା ପଜିଟିଭକୁ ନେଇ ଉଠୁଛି ପ୍ରଶ୍ନ: ପୁଣି ଥରେ ହୋଇପାରେ ଲକ୍ଡ଼ାଉନ୍

ନୁଆଦିଲ୍ଳୀ: ଜିଲ୍ ବାଇଡେନ୍ କରୋନା ପଜିଟିଭ୍: ଜି-୨୦ ଶିଖର ସମ୍ମିଳନୀ ପୂର୍ବରୁ ଆମେରିକାର ପ୍ରଥମ ଲେଡି ଜିଲ୍ ବାଇଡେନଙ୍କ କରୋନା ପଜିଟିଭ୍ ଖବର ଏବେ ସମସ୍ତଙ୍କୁ ଚକିତ କରିଛି । ଏଥି ସହିତ ଆମେରିକାରେ ମଧ୍ୟ ଏହାକୁ ନେଇ ଅନେକ ପ୍ରଶ୍ନ ଉଠିଛି। ସୋସିଆଲ ମିଡିଆରେ ଅନେକ ଲୋକ ଏହାକୁ ଆମେରିକାର ସରକାରଙ୍କ ଷଡଯନ୍ତ୍ର ବୋଲି କହୁଥିବାବେଳେ ଆମେରିକାରେ ଲକ୍ଡ଼ାଉନ୍ ସମ୍ଭାବନାକୁ ପୁଣି ଥରେ ଗୁରୁତ୍ୱ ଦିଆଯାଉଛି । ପ୍ରଥମ ଲେଡିଙ୍କ ଯୋଗାଯୋଗ ନିର୍ଦ୍ଦେଶକ ଏଲିଜାବେଥ ଆଲେକ୍ସଜାଣ୍ଡାର୍ ନିଶ୍ଚିତ କରିଛନ୍ତି ଯେ ଜିଲ ବାଇଡେନ୍ କରୋନାରେ ସଂକ୍ରମିତ ହୋଇଛନ୍ତି। ସେ କହିଛନ୍ତି ଯେ ଜିଲ୍ ବାଇଡେନ୍ ନିଜ ପରିବାରର ଡେଲାୱେର୍ ବେଳାଭୂମିରେ ଥିବା ଘରେ ନିଜକୁ ଅଲଗା ରଖିବେ। ଏଥି ସହିତ ଜୋ ବାଇଡେନଙ୍କ କରୋନା ରିପୋର୍ଟ ନେଗେଟିଭ୍ ହୋଇଛି । କିନ୍ତୁ ତାଙ୍କ ସ୍ୱାସ୍ଥ୍ୟ ଉପରେ ସ୍ୱତନ୍ତ୍ର ନଜର ରଖାଯାଉଛି ।

ସୁଚନା ଥାଉକି, ଜିଲ୍ ବାଇଡେନଙ୍କ କରୋନା ସଂକ୍ରମିତ ହେବାର ଖବର ଏପରି ଏକ ସମୟରେ ଆସିଛି ଯେତେବେଳେ ଆମେରିକାରେ କରୋନା ସଂକ୍ରମଣ ବଢ଼ିଚାଲିଛି। ଏଭଳି ପରିସ୍ଥିତିରେ ଆମେରିକାକୁ ପୁଣି ଥରେ ଲକ୍ଡ଼ାଉନର ସାମ୍ନା କରିବାକୁ ପଡିପାରେ ବୋଲି କୁହାଯାଉଛି । ବର୍ତ୍ତମାନର ଆକଳନ ଅନୁଯାୟୀ, ଆମେରିକାରେ ୧୯ ଅଗଷ୍ଟ ପର୍ଯ୍ୟନ୍ତ ସାପ୍ତାହିକ ୧୫,୦୦୦ରୁ ଅଧିକ କରୋନା ପଜେଟିଭ୍ ଚିହ୍ନଟ ହୋଇଛି। ଏହା ପୂର୍ବ ସପ୍ତାହ ତୁଳନାରେ ୧୯ ପ୍ରତିଶତ ଅଧିକ ବୋଲି କୁହାଯାଉଛି । ଏନେଇ ଆମେରିକା ସରକାର ଲକ୍ଡ଼ାଉନ୍ ଭଳି ପରିସ୍ଥିତିକୁ ସ୍ପଷ୍ଟ ଭାବେ ଅସ୍ୱୀକାର କରିଛନ୍ତି । କିନ୍ତୁ ଡିସେମ୍ବର ସୁଦ୍ଧା ଆମେରିକାରେ ସମ୍ପୂର୍ଣ୍ଣ କୋଭିଡ ନିୟନ୍ତ୍ରଣ ଭଳି ପରିସ୍ଥିତି ଉପୁଜିପାରେ ବୋଲି ଅନେକ ଲୋକ ସୋସିଆଲ ମିଡିଆରେ ଦାବି କରୁଛନ୍ତି । ଏଥି ସହିତ ଟୀକାକରଣ ଏବଂ ବୁଷ୍ଟର୍ ଡ଼ୋଜ୍ ପରେ ମଧ୍ୟ ଜିଲ୍ ବାଇଡେନ୍ କିପରି କରୋନା ଆକ୍ରାନ୍ତ ହୋଇପାଇପାରିବେ ବୋଲି ଅନେକ ଲୋକ ଏନେଇ ପ୍ରଶ୍ନ ଉଠାଉଛନ୍ତି । ଏଭଳି ପରିସ୍ଥିତିରେ ଜିଲ୍ ବାଇଡେନଙ୍କ କରୋନା ସଂକ୍ରମଣ ଆମେରିକାରେ ଲକ୍ଡ଼ାଉନ୍ କରିବା ପାଇଁ ଏକ ଷଡଯନ୍ତ୍ର ହୋଇପାରେ ବୋଲି ସୋସିଆଲ୍ ମିଡ଼ିଆରେ ଦାବି କରାଯାଉଛି ।