ମୁମ୍ବାଇ: ବଲିଉଡର ଭାଇଜାନ ସଲମାନ ଖାଁଙ୍କ ଏକ ଫଟୋ ଏବେ ସୋସିଆଲ ମିଡ଼ିଆରେ ଘୂରି ବୁଲୁଛି, ଯାହାକୁ ନେଇ ଚର୍ଚ୍ଚା ଜୋର ଧରିଛି । କାରଣ ଏହି ଫଟୋରେ ସେ ଜଣେ ମିଷ୍ଟ୍ରି ଗର୍ଲଙ୍କ ସହ ନଜର ଆସିଛନ୍ତି । ନିକଟରେ ସଲମାନ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏହି ଫଟୋ ସେୟାର କରିଛନ୍ତି । ଏହି ଫଟୋରେ ମିଷ୍ଟ୍ରି ଗର୍ଲଙ୍କ ସହିତ ସଲମାନ ଖାଁଙ୍କୁ ଦେଖି ପ୍ରଶଂସକମାନେ ବହୁତ ଖୁସି ହୋଇଯାଇଛନ୍ତି ।
ସଲମାନଙ୍କର ଦେଶବିଦେଶରେ ଅନେକ ପ୍ରଶଂସକ ଅଛନ୍ତି । ଅଭିନେତା ସର୍ବଦା ତାଙ୍କ ଫିଲ୍ମ, ଷ୍ଟେଜ ଶୋ’ ଏବଂ ବିଜ୍ଞାପନ ତଥା ସୋସିଆଲ ମିଡିଆ ପୋଷ୍ଟ ସହିତ ଚର୍ଚ୍ଚାରେ ରୁହନ୍ତି । ନିକଟରେ ସେ ଜଣେ ମିଷ୍ଟ୍ରି ଗର୍ଲଙ୍କ ସହିତ ଏକ ଫଟୋ ପୋଷ୍ଟ କରି ଏକ ହୃଦୟସ୍ପର୍ଶୀ କ୍ୟାପସନ ଲେଖିଛନ୍ତି । ସେ ଲେଖିଛନ୍ତି ଯେ, ଆସନ୍ତାକାଲି ମୁଁ ମୋର ହୃଦୟର ଏକ ଅଂଶ ବାଣ୍ଟୁଛି । ମୁଁ ଆପଣଙ୍କୁ ସବୁବେଳେ ସମର୍ଥନ କରିବି । ସଲମାନ ଖାଁଙ୍କ ଭାଇରାଲ ଫଟୋ ନେଟିଜେନ୍ସଙ୍କ ଠାରୁ ମଜାଳିଆ କମେଣ୍ଟ ପାଇବାରେ ଲାଗିଛି । ଫଟୋରେ ସଲମାନ ଏବଂ ସେହି ମିଷ୍ଟ୍ରି ଗର୍ଲ ଯାହାର ପିଠି କ୍ୟାମେରା ଆଡକୁ ଅଛି ତାହା ଧଳା ବ୍ଲେଜର ଏବଂ ମ୍ୟାଚିଂ ପ୍ୟାଣ୍ଟରେ ଦେଖାଯାଉଛି ।
ଅଭିନେତା ତାଙ୍କର ଆଗାମୀ ସ୍ପାଇ ଆକ୍ସନ-ଥ୍ରୀଲର ଟାଇଗର ୩ ପାଇଁ ମଧ୍ୟ ଚର୍ଚ୍ଚାରେ ଅଛନ୍ତି । ସିନେ ପ୍ରେମୀମାନେ ୱାଇଆରଏଫ ଆକ୍ସନ ଟାଇଗରର ମେସେଜର ପ୍ରଥମ ଝଲକକୁ ପ୍ରଶଂସା କରୁଛନ୍ତି ।
Comments are closed.