ମୁମ୍ବାଇ : ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି ବଲିଉଡ ଅଭିନେତା ଅମିତାଭ ବଚ୍ଚନଙ୍କୁ ଭେଟିଛନ୍ତି । ଏବେ ମହେନ୍ଦ୍ର ସିଂ ଧୋନି ଏବଂ ଅମିତାଭ ବଚ୍ଚନଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ପ୍ରଶଂସକମାନେ ଉଭୟ କିମ୍ବଦନ୍ତୀଙ୍କୁ ଏକାଠି ଦେଖି ଖୁବ୍ ପସନ୍ଦ କରୁଛନ୍ତି । ଏହି ଫଟୋରେ ମହେନ୍ଦ୍ର ସିଂ ଧୋନି ଜିନ୍ସ ଏବଂ ଟି-ସାର୍ଟ ପିନ୍ଧିଥିବା ବେଳେ ଅମିତାଭ କୁର୍ତ୍ତା ଜ୍ୟାକେଟ୍ ପିନ୍ଧିଥିବା ନଜର ଆସିଛନ୍ତି । ଅମିତାଭ ବଚ୍ଚନ ଏବଂ ମହେନ୍ଦ୍ର ସିଂ ଧୋନିଙ୍କ ବ୍ୟତୀତ ଆଉ ଜଣେ ବ୍ୟକ୍ତି ମଝିରେ ଠିଆ ହୋଇଥିବା ଦେଖିବାକୁ ମିଳିଛି ।
ତେବେ ମହେନ୍ଦ୍ର ସିଂ ଧୋନି ଏବଂ ଅମିତାଭ ବଚ୍ଚନଙ୍କ ଫଟୋକୁ ଦେଖି ଲୋକେ ଭିନ୍ନ ଭିନ୍ନ ମତ ଦେଉଛନ୍ତି । ସୂଚନାଯୋଗ୍ୟ, କ୍ରିକେଟ ଇତିହାସରେ ମହେନ୍ଦ୍ର ସିଂ ଧୋନି ଜଣେ ସଫଳ ଅଧିନାୟକ ଭାବେ ବେଶ ଜଣାଶୁଣା । ଭାରତୀୟ ଟିମ ଦୀର୍ଘ ୨୮ ବର୍ଷ ପରେ ୨୦୧୧ରେ ମେହନ୍ଦ୍ର ସିଂ ଧୋନିଙ୍କ ନେତୃତ୍ୱରେ ୱାନଡେ ୱାର୍ଲଡ କପ ଜିତିଥିଲା । ଏହା ପୂର୍ବରୁ ଭାରତୀୟ ଟିମ ତାଙ୍କ କ୍ୟାପଟେନଶିପରେ ୨୦୦୭ରେ ଟି ୨୦ ୱାର୍ଲଡ କପ ବିଜୟୀ ହୋଇଥିଲା ।
Comments are closed.