ବାଲିପାଟଣା:ଜଳିଗଲା କାର । ରାସ୍ତାରେ ଯାଉଥିବା ସମୟରେ ହୁତ ହୁତ ଜଳିବାକୁ ଆରମ୍ଭ କରିଥିଲା । ଜଳିବା ସମୟରେ କାରରେ ବସିଥିଲେ ଜଣେ ଶିଶୁ ସମେତ ୪ ଜଣ । ଏପରି ଭୟଙ୍କର ଦୁର୍ଘଟଣା ଘଟିଛି ଭୁବନେଶ୍ୱର ଉପଖଣ୍ଡ ବାଲିପାଟଣା ଥାନା ଅନ୍ତର୍ଗତ ନିଶ୍ଚିନ୍ତ ପୁରଠାରେ ।
ମଙ୍ଗଳବାର ରାତିରେ କାରଟି ରାଜସରୁ ପୂବାଗଡ ପଟକୁ ଆସୁଥିଲା । କ’ଣ ହେଲା କେଜାଣି, ନିଶ୍ଚିନ୍ତପୁର ନିକଟରେ ହଠାତ କାରଟି ଜଳିବାକୁ ଆରମ୍ଭ କଲା । ଅଗ୍ନିକାଣ୍ଡରେ କାରଟି ସମ୍ପୂର୍ଣ୍ଣ ଜଳି ଯାଇଥିଲା । ତେବେ କାର ଭିତରେ ଥିବା ୪ ଜଣ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି । ସୁରକ୍ଷିତ ସେମାନଙ୍କୁ ଉଦ୍ଧାର କରାଯାଇଛି ।
କାରଟି ଜଳିବା ଦେଖି ସ୍ଥାନୀୟ ଲୋକେ ଧାଇଁ ଆସିଥିଲେ । ଜଳନ୍ତା କାର ଭିତରୁ ଡ୍ରାଇଭରଙ୍କ ସମେତ ଜଣେ ଶିଶୁ, ଡ୍ରାଇଭର ସମେତ ଅନ୍ୟ ଦୁଇଜଣଙ୍କୁ ଉଦ୍ଧାର କରିଥିଲେ । କାରଟି ଜଳିବା ପରେ ବିଲ ତଳକୁ ଖସି ପଡିଥିଲା । ତେବେ କାର ଜଳିବାର କାରଣ ଏ ଯାଏ ଜଣାପଡି ନାହିଁ ।
Comments are closed.