ଶିକ୍ଷକଙ୍କ ତାଲିବାନୀ ସଜା: ଯୁବକଙ୍କୁ ବନେଟ ଉପରେ ଝୁଲାଇ ୧୦ କିମି ବୁଲାଇଲେ

ଅମୃତସର:ପଞ୍ଜାବର ସୁଲତାନପୁର ଲୋଧିରୁ ଆସିଛି ହୃଦୟ ବିଦାରକ ଘଟଣା । ଏଠାରେ ଜଣେ ଶିକ୍ଷକ ଯୁବକଙ୍କୁ ଗାଡିରେ ଧକ୍କା ଦେଲେ ।ଏହା ପରେ ଯୁବକଙ୍କୁ ଗାଡିର ବନେଟ ଉପରେ ଝୁଲାଇ ପ୍ରାୟ ୧୦ କିମି ବୁଲାଇଲେ । ପୀଡିତ ଯୁବକଙ୍କ କହିବା ଅନୁଯାୟୀ ସେ ଲୋଧିର ଏକ ଘରୋଇ ଏକାଡେମୀରେ ଆଇଲେଟ୍ସ ପଢୁଥିଲେ । ସେ ନିକଟସ୍ଥ ଏକ ଛକରେ ଛିଡା ହୋଇଥିବାବେଳେ ଦ୍ରୁତ ଗତିରେ ଏକ କାର ଆସିଲା ଏବଂ ତାଙ୍କୁ ଧକ୍କା ଦେଲା । ଏହି କାରରେ ଶିକ୍ଷକ ବଲଜିନ୍ଦର ସିଂହ ବସିଥିଲେ । ପୀଡିତ ଯୁବକ ଏବଂ ଶିକ୍ଷକ ବଲଜିନ୍ଦର ଗୋଟିଏ ଗାଁର । ଏହା ପରେ ତାଙ୍କୁ ବନେଟରେ ବାନ୍ଧି ୧୦ କିମି ବୁଲାଇଲେ। ଲୋଧି, ମଣ୍ଡି ରୋଡ, ଉଧମ ସିଂ ଚୌକ, କପୁରଥଲା ରୋଡରେ ତାଙ୍କୁ ପ୍ରାୟ ୧ ଘଣ୍ଟା ଧରି ଘୋଷାଡି ଘୋଷାଡି ନେଲେ ।
ପୀଡିତ ଯୁବକ ଜଣକ ଆହୁରି କହିଛନ୍ତି, ହତ୍ୟା ଉଦ୍ୟମ ନେଇ ଶିକ୍ଷକ ଜଣକ ଏପରି ଆକ୍ରମଣ କରିଛନ୍ତି । ଯୁବକଙ୍କୁ ବନେଟରେ ବାନ୍ଧି ଶାଲାପୁରରୁ ସୁଲତାନପୁର ଏହା ପରେ ସାମ୍ନାରୁ ଏକ ଗାଡି ଆସୁଥିଲା । ତାକୁ ଦେଖି ନିଜ ଜବୀନ ବଞ୍ଚାଇବା ଲାଗି ସେ ଗାଡିରୁ ଡେଇଁ ନିଜର ଜୀବନ ବଞ୍ଚାଇଥିଲେ । ଫଳରେ ଯୁବକ ଜଣକ ଆହତ ହୋଇଥିବା ଜଣାଯାଇଛି ।ଖବର ପାଇ ଯୁବକଙ୍କ ଚାଚା ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଥିଳେ ଏବଂ ଡାକ୍ତରଖାନାରେ ପହଞ୍ଚାଇଥିଲେ ।
ସୂଚନାଥାଉ କି, ଶିକ୍ଷକ ବଲଜିନ୍ଦର ସିଂହଙ୍କ ବିରୋଧରେ ଥାନାରେ ଏକାଧିକ ଏତଲା ରହିଛି । ଏହାବ୍ୟତୀତ ଉକ୍ତ ଯୁବକଙ୍କ ସହ ତାଙ୍କର ପାରିବାରିକ ବିବାଦ ବି ରହିଥିଲା । ବର୍ତ୍ତମାନ ସୁଦ୍ଧା ପୋଲିସ ଅଭିଯୁକ୍ତଙ୍କୁ ଗିରଫ କରିପାରି ନାହିଁ ।ତେବେ ପୋଲିସ ସିସିଟିଭି ଫୁଟେଜକୁ ଆଧାର କରି ଅଭିଯୁକ୍ତକୁ ଖୋଜୁଛି ।