ସିଡନୀ: ଭାରତ ବିପକ୍ଷ ୫ ମ୍ୟାଚ ବିଶିଷ୍ଟ ଟି୨୦ କ୍ରିକେଟ ସିରିଜ ପାଇଁ ଶନିବାର ମାଥ୍ୟୁ ୱାଡେଙ୍କ ନେତୃତ୍ୱରେ ଅଷ୍ଟ୍ରେଲିଆ ଦଳର ଘୋଷଣା କରାଯାଇଛି । ଭାରତରେ ଚାଲିଥିବା ଦିନିକିଆ ବିଶ୍ୱକପର ସମାପ୍ତି ପରେ ଏହି ସିରିଜ ଖେଳାଯିବ । ପ୍ୟାଟ କମିନ୍ସ, ମିଚେଲ ଷ୍ଟାର୍କ ଓ ଜୋଶ ହାଜେଲଉଡଙ୍କ ପରି ସିନିୟର ଖେଳାଳିଙ୍କୁ ଏହି ସିରିଜ ପାଇଁ ବିଶ୍ରାମ ଦିଆଯାଇଛି । ଆସନ୍ତା ବର୍ଷ ଟି୨୦ ବିଶ୍ୱକପ ହେବାକୁ ଥିବାରୁ ଅଷ୍ଟ୍ରେଲିଆ ବୋର୍ଡ ଯୁବ ଖେଳାଳିଉ ଉପରେ ବଡ ଧରଣର ପରୀକ୍ଷଣ କରିଛି ।
ଅଷ୍ଟ୍ରେଲିଆ ଟିମ: ମାଥ୍ୟୁ ୱାଡେ(ଅଧିନାୟକ), ଜେସନ ବେହେନରଡର୍ପ, ଶନ ଆବୋଟ୍ଟ, ଟିମ ଡେଭିଡ, ନାଥାନ ଏଲିସ, ଟ୍ରେଭିସ ହେଡ, ଜୋଶ ଇଂଗିଲିଶ, ଏସ.ଜନଶନ, ଗ୍ଲେନ ମ୍ୟାକ୍ସୱେଲ, ତନଭୀର ସାଂଘା, ମାଥ୍ୟୁ ଶର୍ଟ, ଷ୍ଟିଭ ସ୍ମିଥ, ମାର୍କସ ଷ୍ଟୋଇନିସ, ଡେଭିଡ ୱାର୍ଣ୍ଣର ଓ ଆଡାମ ଜାମ୍ପା ।
କାର୍ଯ୍ୟସୂଚୀ: ୨୩ ନଭେମ୍ବର-ପ୍ରଥମ ଟି୨୦ (ବିଶାଖପାଟନମ) , ୨୬ ନଭେମ୍ବର-ଦ୍ୱିତୀୟ ଟି୨୦(ଥିରୁୱନ୍ତପୁରମ), ୨୮ ନଭେମ୍ବର-ତୃତୀୟ ଟି୨୦ (ଗୌହାଟୀ), ୧ ଡିସେମ୍ବର-ଚତୁର୍ଥ ଟି୨୦(ନାଗପୁର), ୨ ଡିସେମ୍ବର-ପଂଚମ ଟି୨୦ (ହାଇଦ୍ରାବାଦ)।
Comments are closed.