ବାଲେଶ୍ବର: ଚାରିଆଡେ ଏବେ ବୁଲା କୁକୁରଙ୍କ ଉତ୍ପାତ ବଢିବାରେ ଲାଗିଛି । ଯେଉଁଠି ଦେଖିଲେ ସେଠାରେ ଖାଲି ମାଳ ମାଳ କୁକୁର ପଲ । ଗାଡ଼ି ଓ ପଦଚାରୀଙ୍କ ପାଇଁ ଏବେ ଆତଙ୍କ ପାଲଟିଛନ୍ତି ଏହି କୁକୁର ଦଳ । ଯେଉଁଥିପାଇଁ ଅନେକ ସମୟରେ ବହୁ ଦୁର୍ଘଟଣାର ସମ୍ମୁଖୀନ ହେଉଛନ୍ତି ଲୋକେ । ବର୍ତ୍ତମାନ ବାଲେଶ୍ବରରେ ବୁଲା କୁକୁରଙ୍କ ଆତଙ୍କରେ ଭୟଭୀତ ଲୋକେ । ତେବେ ବୁଲା କୁକୁର ଆକ୍ରମଣରେ ୯ ଜଣ ଗୁରୁତର ହୋଇଛନ୍ତି ।
ଖବରମୁତାବକ, ବାଲେଶ୍ବର ଜିଲ୍ଲା ସୋର ବ୍ଲକ ଆଟପୁର, କାନପୁର ଓ ପିତାକାଳିଆ ଆଦି ଅଞ୍ଚଳରେ କୁକୁର ଆତଙ୍କ ଦେଖାଦେଇଛି । ଗତକାଲି ରାତିରେ ୯ ଜଣଙ୍କୁ ଝୁଣି ରକ୍ତାକ୍ତ କରିପକାଇଛନ୍ତି ବୁଲା କୁକୁର ଦଳ । ହାତ ଓ ଗୋଡ଼ରେ ଗଭୀତ କ୍ଷତ ସୃଷ୍ଟି ହେବା ସହିତ ଗୁରୁତର ଆହତ ହୋଇଛନ୍ତି ।
ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ପ୍ରଥମେ ସୋର ଡାକ୍ତର ଖାନାରେ ଭର୍ତ୍ତି କରିଥିଲେ । ତେବେ ଅନେକଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।
Comments are closed.