ନୂଆଦିଲ୍ଲୀ : ୨୦୨୩ ବର୍ଷ ଶେଷ ହେବାକୁ ହାତରେ ମାତ୍ର କିଛିଟା ଦିନ । ଏବର୍ଷର ବିବାହ ଦିନକୁ ଯଦି ଆମେ ଦେଖିବା ତେବେ ଚଳିତବର୍ଷ ଟିମ ଇଣ୍ଡିଆ ପାଇଁ ବିବାହର ବର୍ଷ ଥିଲା । କାରଣ ଏହି ବର୍ଷ ବିବାହ କରିଛନ୍ତି ମୋଟ୍ ୭ ଭାରତୀୟ । ଯେଉଁମାନଙ୍କ ମଧ୍ୟରେ ରହିଛନ୍ତି ଦ୍ରୁତ ବୋଲର ମୁକେଶ କୁମାର । କିଛି ଦିନ ତଳେ ସେ ବିବାହ ବନ୍ଧନରେ ବାନ୍ଧି ହୋଇଛନ୍ତି । ସେହିପରି ୨୦୨୩ ୨୭ ଜାନୁଆରୀରେ ତାଙ୍କ ଗର୍ଲଫ୍ରେଣ୍ଡ ମେହେ ପଟେଲଙ୍କୁ ବିବାହ କରିଛନ୍ତି ଅକ୍ଷର ପଟେଲ ।
ଭାରତୀୟ ଦଳର ଷ୍ଟାର ଓ୍ବିକେଟ୍ କିପର ବ୍ୟାଟ୍ସମ୍ୟାନ୍ କେ.ଏଲ୍ ରାହୁଲ ଜାନୁଆରୀ ୨୩ ତାରିଖରେ ଅଭିନେତ୍ରୀ ଆଖିଆ ଶେଟ୍ଟୀ ଙ୍କୁ ବିବାହ କରିଛନ୍ତି । ଆଥିଆ ହେଉଛନ୍ତି ଅଭିନେତା ସୁନୀଲ ସେଟ୍ଟୀଙ୍କ ଝିଅ । ଯୁବ ବ୍ୟାଟ୍ସମ୍ୟାନ୍ ଋତୁରାଜ ଗାଇକଓ୍ବାଡ୍ ଜାନୁଆରୀ ୩ ତାରିଖରେ ଉତ୍କର୍ଷା ପାଓ୍ବାରଙ୍କୁ ବିବାହ କରିଥିଲେ । ଉତ୍କର୍ଷା ମଧ୍ୟ ଜଣେ କ୍ରିକେଟର । ଭାରତୀୟ ଦ୍ରୁତ ବୋଲର ପ୍ରସିଦ୍ଧ କ୍ରୀଷ୍ଣା ଜୁନ୍ ୮ ଜୁନରେ ବାହା ହୋଇଥିଲେ ।
ଦୀର୍ଘ ଦିନ ଧରି ଦଳ ବାହାରେ ଥିବା ବୋଲର ନବଦୀପ ସାଇନି ୨୪ ନଭେମ୍ବର ରେ ଗର୍ଲଫ୍ରେଣ୍ଡ ସ୍ବାତୀ ଆସ୍ଥାନାଙ୍କୁ ବିବାହ କରିଥିଲେ । ସେହିପରି ଭାରତୀୟ ଦ୍ରୁତ ବୋଲର ଶାଦ୍ଦୁଲ ଠାକୁର ଫେବୃଆରୀ ୨୭ ତାରିଖରେ ମିତାଲି ପାରୁଲକରଙ୍କୁ ବିବାହ କରିଥିଲେ । ନିକଟରେ ଭାରତୀୟ ପେସର ମୁକେଶ କୁମାର ମଧ୍ୟ ଦିବ୍ୟା ସିଂ ଙ୍କୁ ୨୮ ନଭେମ୍ବରରେ ବିବାହ କରିଥିଲେ ।
Comments are closed.