ରିୟାଦ: ସାଉଦି ଆରବରେ ହେବାକୁ ଯାଉଛି ବଡ଼ ପରିବର୍ତ୍ତନ। ପ୍ରଥମଥର ପାଇଁ ଏଠାରେ ଖୋଲାଯିବ ମଦ ଦୋକାନ। ରାଜଧାନୀ ରିୟାଦରେ ମଦ ଦୋକାନ ଖୋଲାଯିବ । ୭୨ବର୍ଷ ପରେ ପ୍ରଥମଥର ପାଇଁ ମଦ ବିକ୍ରି କରାଯିବ। କେବଳ ଅଣ-ମୁସଲମାନ କୂଟନୀତିଜ୍ଞମାନଙ୍କ ପାଇଁ ଏହି ଷ୍ଟୋର ଖୋଲାଯିବ।
ଏନେଇ ଏକ ଡକ୍ୟୁମେଣ୍ଟରେ ଦର୍ଶାଯାଇଛି ଯେ ମଦ କିଣିବା ପାଇଁ ଗ୍ରାହକଙ୍କୁ ମୋବାଇଲ୍ ଆପ୍ ମାଧ୍ୟମରେ ପଞ୍ଜୀକୃତ ହେବାକୁ ପଡିବ ଏବଂ ବୈଦେଶିକ ବ୍ୟାପାର ମନ୍ତ୍ରଣାଳୟରୁ କ୍ଲିୟରାନ୍ସ କୋଡ୍ ପାଇବାକୁ ପଡ଼ିବ। ଏହାପରେ, ଗ୍ରାହକମାନେ ସୀମିତ ପରିମାଣରେ ମଦ କିଣିପାରିବେ। ଡକ୍ୟୁମେଣ୍ଟ ଅନୁଯାୟୀ ଗ୍ରାହକମାନେ କେବଳ ମାସିକ କୋଟା ଅନୁଯାୟୀ ମଦ କିଣିପାରିବେ। ଭିଜନ ୨୦୩୦ ନାମକ ଏକ ବିସ୍ତୃତ ଯୋଜନା ଅଧୀନରେ ସାଉଦି ସରକାର ଏହି ପଦକ୍ଷେପ ନେଇଛନ୍ତି।
ଦଲିଲରେ ଦର୍ଶାଯାଇଛି ଯେ ରିୟାଦର କୂଟନୈତିକ କ୍ୱାର୍ଟରରେ ନୂତନ ଷ୍ଟୋର ଖୋଲାଯିବ ଯେଉଁଠାରେ ଦୂତାବାସ ଏବଂ କୂଟନୀତିଜ୍ଞମାନେ ରହୁଛନ୍ତି। ବର୍ତ୍ତମାନ ଅନ୍ୟ ମୁସଲମାନ ପ୍ରବାସୀମାନେ ଏଠାକୁ ଆସିପାରିବେ କି ନାହିଁ ତାହା ସ୍ପଷ୍ଟ ହୋଇନାହିଁ। ତେବେ ସାଉଦି ଆରବରେ ଲକ୍ଷ ଲକ୍ଷ ବିଦେଶୀ ବାସ କରନ୍ତି। ଏମାନଙ୍କ ମଧ୍ୟରୁ ଅଧିକାଂଶ ଏସିଆ ଏବଂ ଇଜିପ୍ଟର ମୁସଲମାନ ଶ୍ରମିକ। ଆସନ୍ତା ସପ୍ତାହରେ ଏହି ଦୋକାନ ଖୋଲିବ ବୋଲି ସୂଚନା ମିଳିଛି।ସାଉଦି ଆରବରେ ମଦ୍ୟପାନ ବିରୁଦ୍ଧରେ କଡା ନିୟମ ରହିଛି। ମଦ୍ୟପାନ କରୁଥିବା ବ୍ୟକ୍ତିଙ୍କୁ ଏଠାରେ ଚାପୁଡ଼ା ମାରିବା ଦ୍ୱାରା ଦଣ୍ଡିତ କରାଯାଏ । ବର୍ତ୍ତମାନ ଏହାକୁ ଜେଲଦଣ୍ଡରେ ବଦଳାଇ ଦିଆଯାଇଛି।
Comments are closed.