ତୃତୀୟ ଦିନରେ ଚାଷୀ ଆନ୍ଦୋଳନ, ପଞ୍ଜାବରେ ୪ଘଣ୍ଟିଆ ରେଳରୋକ ଅଭିଯାନ, ଟ୍ରାଫିକ୍ ବ୍ୟାନ ଭିତରେ ସିବିଏସଇ ପରୀକ୍ଷାର୍ଥୀ

ନୂଆଦିଲ୍ଲୀ: ତୃତୀୟ ଦିନରେ ପହଞ୍ଚିଛି ଚାଷୀ ଆନ୍ଦୋଳନ । ଆଜି ଚଣ୍ଡିଗଡ଼ରେ ଅପରାହ୍ନ ୫ ଟାରେ କେନ୍ଦ୍ର ସରକାର ଏବଂ କୃଷକ ନେତାଙ୍କ ମଧ୍ୟରେ ଆଲୋଚନା ହେବ । ଏସବୁ ମଧ୍ୟରେ କୃଷକ ଆନ୍ଦୋଳନକୁ ସମର୍ଥନ କରୁଥିବା ଭାରତୀୟ କିସାନ ୟୁନିୟନ ଉଗ୍ରାହାଁ ଦଳ ପଞ୍ଜାବରେ ରେଳ ରୋକ ଆନ୍ଦୋଳନ ଘୋଷଣା କରିଛି ।

ଏଥି ସହିତ, ଶୁକ୍ରବାର (୧୬ ଫେବୃଆରୀ), ସଂଯୁକ୍ତ କିସାନ୍ ମୋର୍ଚା ଏବଂ କିସାନ୍ ମଜଦୁର ସମିତି ସମେତ ୨୬ ଟି ସଂଗଠନ ଭାରତ ବନ୍ଦ ଆହ୍ଵାନ ଦେଇଛନ୍ତି । ଏହି ଆନ୍ଦୋଳନରେ କେନ୍ଦ୍ରୀୟ ଟ୍ରେଡ ୟୁନିଅନମାନେ ସାମିଲ ହେବେ । ଦିନିକିଆ ଭାରତ ବନ୍ଦ ବ୍ୟତୀତ କୃଷକମାନେ ମଧ୍ୟାହ୍ନ ୧୨ ଟାରୁ ୪ ଟା ପର୍ଯ୍ୟନ୍ତ ଦେଶର ମୁଖ୍ୟ ରାସ୍ତାରେ ବିରାଟ ଧରଣର ଚକ୍କା ଜାମ ଆନ୍ଦୋଳନ କରିବେ ।

ଏହା ବ୍ୟତୀତ ଭାରତୀୟ କିସାନ ୟୁନିଅନ (ଚଡୁନି) ଆଜି ସକାଳ ୧୧ ଟାରେ ଜରୁରୀକାଳୀନ ବୈଠକ ଡାକିଛି । ଏହି ବୈଠକ କେନ୍ଦ୍ରୀୟ କାର୍ଯ୍ୟାଳୟ (ଚାଡୁନି ଗ୍ରାମ)ରେ ସଙ୍ଗଠନର ପଦାଧିକାରୀଙ୍କ ସହ ଅନୁଷ୍ଠିତ ହେବ । ଏହି ବୈଠକରେ ଭବିଷ୍ୟତର ରଣନୀତି ପ୍ରସ୍ତୁତ ହେବା ସହିତ ଆନ୍ଦୋଳନର ସାମ୍ପ୍ରତିକ ପରିସ୍ଥିତି ଉପରେ ଆଲୋଚନା କରାଯିବ।

ଦିଲ୍ଲୀ ହରିୟାଣାର ସିଙ୍ଘୁ ସୀମାକୁ ପୋଲିସ ସିଲ୍ କରିଛି । ପୋଲିସ ପଥଚାରୀମାନଙ୍କ ପାଇଁ ଏକ ରାସ୍ତା ଛାଡି ଦେଇଥିଲା କିନ୍ତୁ ବର୍ତ୍ତମାନ ସେହି ରାସ୍ତା ମଧ୍ୟ ସମ୍ପୂର୍ଣ୍ଣ ବନ୍ଦ ହୋଇଯାଇଛି। ସିଙ୍ଘୁ ସୀମାରେ ଏକ ବିରାଟ ସାଇନ୍ ବୋର୍ଡ ଲଗାଯାଇଥିଲା, ଦିଲ୍ଲୀ ପୋଲିସ ମଧ୍ୟ ତାହାକୁ ଗ୍ୟାସ କଟର ଦ୍ୱାରା କାଟି ହଟାଇ ଦେଇଛି | ଏପରି କରିବାର କାରଣ ହେଉଛି ଯେ, ଯଦି କୃଷକମାନେ ସିନ୍ଧୁର ସୀମା ପର୍ଯ୍ୟନ୍ତ ଆସନ୍ତି ଏବଂ ଦିଲ୍ଲୀ ପୋଲିସକୁ ଟିୟର ଗ୍ୟାସ୍ ବ୍ୟବହାର କରିବାକୁ ପଡେ, ତେବେ ସେହି ଗ୍ୟାସ୍ ଶେଲ୍ ଗୁଡିକ ବୋର୍ଡଗୁଡିକୁ ଧକ୍କା ଦେଇ ଦିଲ୍ଲୀ ପୋଲିସ୍ ଉପରେ ପଡ଼ିବ ନାହିଁ। ସିଙ୍ଘୁ ସୀମାରେ ଦିଲ୍ଲୀ ପୋଲିସ୍ ଏବଂ ପାରାମିଲିଟାରୀ ଫୋର୍ସ କର୍ମଚାରୀଙ୍କ ନିୟୋଜନ ବୃଦ୍ଧି କରାଯାଇଛି।

ଏସବୁ ମଧ୍ୟରେ ଆଜିଠାରୁ ସିବିଏସଇ ଦଶମ ଓ ଦ୍ଵାଦଶ ପରୀକ୍ଷା ଆରମ୍ଭ ହୋଇଛି । ଏନେଇ ଏକ ଆଡଭାଇଜୋରୀ ଜାରି କରାଯାଇଛି । ଏହି ଆଡଭାଇଜୋରୀରେ କୁହାଯାଇଛି ଯେ, ପରୀକ୍ଷା ପାଇଁ ଆସୁଥିବା ଛାତ୍ରଛାତ୍ରୀମାନେ ଶୀଘ୍ର ଘରୁ ବାହାରିଜିବା ଉଚିତ ଯାହା ଦ୍ଵାରା ସେମାନେ ପରୀକ୍ଷା କେନ୍ଦ୍ରରେ ଠିକ୍ ସମୟରେ ପହଞ୍ଚି ପାରିବେ।