ନୂଆଦିଲ୍ଲୀ: ବର୍ତ୍ତମାନ ଭାରତୀୟ ବଂଶୋଦ୍ଭବମାନେ ସାରା ବିଶ୍ଵରେ ନିଜକୁ ପ୍ରମାଣିତ କରୁଛନ୍ତି । ଭାରତରେ ଜନ୍ମ ହୋଇ ପୂରା ବିଶ୍ଵରେ ନିଜ ଜନ୍ମଭୂମୀର ନାମକୁ ଗୌରବାନ୍ଵିତ କରୁଛନ୍ତି । ସେହିପରି ଜଣେ ଭାରତୀୟ ବଂଶୋଦ୍ଭବ ରାଜା କୃଷ୍ଣମୂର୍ତ୍ତି ବର୍ତ୍ତମାନ ଚିକାଗୋର ଶ୍ରଷ୍ଠ ୫୦ଜଣ ବ୍ୟକ୍ତିଙ୍କ ମଧ୍ୟରେ ସାମିଲ ହୋଇଛନ୍ତି ।
ରିପୋର୍ଟ ଅନୁଯାୟୀ, ଆମେରିକାର ଚିକାଗୋ ମାଗାଜିନରେ ଚିକାଗୋର ୫୦ ଜଣ ପ୍ରଭାବଶାଳୀ ବ୍ୟକ୍ତିଙ୍କ ନାମ ପ୍ରକାଶ ପାଇଛି । ଏହି ତାଲିକାରେ ଭାରତୀୟ ବଂଶୋଦ୍ଭବ ସାଂସଦ ରାଜ କୃଷ୍ଣମୂର୍ତ୍ତି ୨୪ ନମ୍ବରରେ ସ୍ଥାନ ପାଇଛନ୍ତି । କୁହାଯାଏ ଯେ ଚିକାଗୋ ସହର ହେଉଛି ଆମେରିକାର ସବୁଠାରୁ ବଡ ସହର । ଏହି ମାଗାଜିନରେ ପ୍ରଭାବଶାଳୀ ବ୍ୟକ୍ତିଙ୍କ ତାଲିକାରେ ଇଲିନୋଇସ୍ ରାଜ୍ୟର ରାଜ୍ୟପାଳ ଜେ.ବି ପ୍ରିଟଜକର ପ୍ରଥମ ସ୍ଥାନରେ ଅଛନ୍ତି । ସେହିପରି ଦ୍ୱିତୀୟ ସ୍ଥାନରେ ଚିକାଗୋ ନଗର ମେୟର ବ୍ରେଣ୍ଡନ୍ ଜନସନଙ୍କୁ ସ୍ଥାନ ପାଇଛନ୍ତି ।
ସୂଚନା ଅନୁଯାୟୀ, କୃଷ୍ଣମୂର୍ତ୍ତି ଦକ୍ଷିଣ ଏସୀୟ ଅଞ୍ଚଳର ପ୍ରଥମ ବ୍ୟକ୍ତି ଯିଏ ଏହି ତାଲିକାରେ ଅନ୍ତର୍ଭୁକ୍ତ ହୋଇଛନ୍ତି । ୨୦୧୬ ରେ ଇଲନାଁସ୍ ପ୍ରଦେଶର ଜିଲ୍ଲା -୮ ରୁ କୃଷ୍ଣମୂର୍ତ୍ତି ଲୋକସଭାକୁ ନିର୍ବାଚିତ ହୋଇଥିଲେ । ସେପଟେ ଅନୁମାନ କରାଯାଉଛି ଯେ, ୨୦୨୬ ମସିହାରେ ରାଜା କୃଷ୍ଣମୂର୍ତ୍ତି ମଧ୍ୟ ଡେମୋକ୍ରାଟିକ୍ ପାର୍ଟି ପକ୍ଷରୁ ଆମେରିକା ସଂସଦର ଉପର ଗୃହ ପାଇଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରନ୍ତି । କୃଷ୍ଣମୂର୍ତ୍ତି ଦେଶର ଅନ୍ୟତମ ପ୍ରଭାବଶାଳୀ ବ୍ୟକ୍ତିଙ୍କ ମଧ୍ୟରୁ ଜଣେ ଏବଂ ଚିକାଗୋରେ ଦକ୍ଷିଣ ଏସିଆର ସବୁଠାରୁ ପ୍ରଭାବଶାଳୀ ବ୍ୟକ୍ତି । ଚିକାଗୋ ମାଗାଜିନ୍ ଉଲ୍ଲେଖ କରାଯାଇଛି ଯେ, କୃଷ୍ଣମୂର୍ତ୍ତି ୨୦୨୬ରେ ସିନେଟ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ପାଇଁ ପାଣ୍ଠି ସଂଗ୍ରହ କରୁଛନ୍ତି। ୨୦୨୨ ମସିହାରେ କୃଷ୍ଣମୂର୍ତ୍ତି ଡେମୋକ୍ରେଟ୍ ଏବଂ ଡେମୋକ୍ରେଟିକ୍ ପାର୍ଟିକୁ ୪.୬୦ ଲକ୍ଷ ଟଙ୍କା ଦାନ କରିଛନ୍ତି ।
ରାଜା କୃଷ୍ଣମୂର୍ତ୍ତି ଜୁଲାଇ ୧୯, ୧୯୭୩ରେ ତାମିଲ ପରିବାରରେ ଜନ୍ମଗ୍ରହଣ କରିଥିଲେ । ଯେତେବେଳେ ତାଙ୍କୁ ତିନିମାସ ହୋଇଥିଲା, ସେତେବେଳେ ତାଙ୍କ ପିତା ନୂଆଦିଲ୍ଲୀରୁ ନ୍ୟୁୟର୍କ ଆସିଥିଲେ । ୧୯୮୦ ଦଶକରେ କୃଷ୍ଣମୂର୍ତ୍ତିଙ୍କ ପରିବାର ନ୍ୟୁୟର୍କରୁ ଇଲିନାଁଇସକୁ ସ୍ଥାନାନ୍ତର ହୋଇଥିଲେ। ତାଙ୍କ ପିତା ଇଲିନାଁଇସର ବ୍ରାଡଲେ ୟୁନିଭରସିଟିର ପ୍ରଫେସର ଥିଲେ। ପତ୍ରିକା ଅନୁଯାୟୀ, ହାର୍ଭାର୍ଡରେ ଅଧ୍ୟୟନ କରିବା ପରେ କୃଷ୍ଣମୂର୍ତ୍ତି କିଛି ଦିନ ଆଇନ ଅଭ୍ୟାସ କରିଥିଲେ ଏବଂ ୨୦୦୦ରେ ବାରାକ ଓବାମାଙ୍କ ପ୍ରଚାର ଅଭିଯାନରେ ଯୋଗ ଦେଇଥିଲେ। ୨୦୧୨ ମସିହାରେ କୃଷ୍ଣମୂର୍ତ୍ତି ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ । କିନ୍ତୁ ସେତେବେଳେ ତାଙ୍କୁ ପରାଜୟର ସମ୍ମୁଖୀନ ହେବାକୁ ପଡିଥିବାବେଳେ ୨୦୧୬ ମସିହାରେ ସେ ଜିଲ୍ଲା -୮ ଆସନରୁ ଜିତିଥିଲେ । ବର୍ତ୍ତମାନ କୃଷ୍ଣମୂର୍ତ୍ତି ଜଣେ ଆମେରିକାର ସାଂସଦ।
Comments are closed.