ସ୍ୱାତୀ ମାଲିୱାଲଙ୍କ ସହ ଅସଦାଚରଣକୁ ସ୍ବୀକାର କଲା ଆପ୍, କାର୍ଯ୍ୟାନୁଷ୍ଠାନ ନେବେ କେଜ୍ରିଓ୍ବାଲ୍

ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବାସଭବନରେ ସାଂସଦ ସ୍ୱାତୀ ମାଲିୱାଲଙ୍କୁ କରାଯାଇଥିବା ଦୁର୍ବ୍ୟବହାରକୁ ସ୍ବୀକାର କରିଛି ଆପ୍ । ଏହା ସହ ଦଳର ମୁଖ୍ୟ ତଥା ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏହାକୁ ଗୁରୁତ୍ୱର ସହ ନେଇଛନ୍ତି ଏବଂ ପିଏ ବୈଭବ କୁମାରଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି କହିଛନ୍ତି ଆପ ନେତା ସଞ୍ଜୟ ସିଂ।

ସଞ୍ଜୟ ସିଂହ ଆହୁରି ମଧ୍ୟ କହିଛନ୍ତି ଯେ, ଏକ ସାମ୍ବାଦିକ ସମ୍ମିଳନୀରେ ସାଂସଦ ସଞ୍ଜୟ ସିଂ ସ୍ୱାତୀ ମାଲିୱାଲଙ୍କ ସହିତ ଦୁର୍ବ୍ୟହାର ଘଟଣା ବିଷୟରେ ଉଲ୍ଲେଖ କରି ଏହାକୁ ନିନ୍ଦା କରିବା ସହ କହିଛନ୍ତି ଯେ, ଅରବିନ୍ଦ କେଜ୍ରିୱାଲ ଏ ବିଷୟରେ ଅବଗତ ଅଛନ୍ତି ଏବଂ ସେ ଏହା ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବେ ।

ସଞ୍ଜୟ ସିଂ କହିଛନ୍ତି, ଗତକାଲି (ସୋମବାର) ଏକ ନିନ୍ଦନୀୟ ଘଟଣା ଘଟିଥିଲା । ସକାଳୁ ସ୍ୱାତୀ ମାଲିୱାଲ ତାଙ୍କ ବାସଭବନରେ ଅରବିନ୍ଦ କେଜ୍ରିୱାଲଙ୍କୁ ଭେଟିବାକୁ ଆସିଥିଲେ। ଏହି ସମୟରେ ଅରବିନ୍ଦ କେଜ୍ରିୱାଲଙ୍କ ପିଏ ବୈଭବ କୁମାର ସେଠାକୁ ଆସି ସ୍ୱାତୀ ଙ୍କ ସହ ଅସଦାଚରଣ କରିଥିଲେ । ସ୍ବାତୀ ମାଲିୱାଲ ଏହି ଘଟଣା ସମ୍ପର୍କରେ ପୋଲିସରେ ଅଭିଯୋଗ କରିଥିଲେ ।