ଅଷ୍ଟ୍ରେଲିଆ ବିପକ୍ଷରେ ଯୁବରାଜ ସିଂହଙ୍କ ଧୂଆଁଧାର ବ୍ୟାଟିଂ, ମ୍ୟାଚ ପୂର୍ବରୁ ଟ୍ରେଲର ଦେଖି ପାକିସ୍ତାନ ଚିନ୍ତିତ

ନୂଆଦିଲ୍ଲୀ: ଓ୍ୱାର୍ଲଡ ଚାମ୍ପିୟନଶିପ୍ ଅଫ୍ ଲିଜେଣ୍ଡସ୍ ଫାଇନାଲରେ ଭାରତ ଓ ପାକିସ୍ତାନ ମୁହାଁମୁହିଁ ହେବେ। ଆଜି ସନ୍ଧ୍ୟାରେ ହେବାକୁ ଥିବା ଏହି ଟାଇଟଲ ମୁକାବିଲା ପୂର୍ବରୁ ପାକିସ୍ତାନର ଅବସ୍ଥା ନିଶ୍ଚିତ ଭାବେ ଖରାପ ହୋଇଯିବ। କାରଣ ଡବ୍ଲୁସିଏଲ୍ ୨୦୨୪ର ଦ୍ୱିତୀୟ ସେମିଫାଇନାଲରେ ଅଷ୍ଟ୍ରେଲିଆକୁ ପରାସ୍ତ କରି ଭାରତୀୟ ଅଧିନାୟକ ଯୁବରାଜ ସିଂହ ପାକିସ୍ତାନର ବିପର୍ଯ୍ୟୟ ଓ ବିନାଶର ଟ୍ରେଲର ଦେଖାଇଛନ୍ତି।

ବାସ୍ତବରେ ଏହି ମ୍ୟାଚରେ ଭାରତୀୟ ବ୍ୟାଟିଂର ଅବସ୍ଥା ଏମିତି ଥିଲା ଯେ ଯିଏ ଆସିଲେ ସେ ଅଷ୍ଟ୍ରେଲିଆ ବୋଲରଙ୍କୁ ଧୋଇବା ଆରମ୍ଭ କରିଥିଲେ। ୧୮ଟି ଛକା ଓ ଆକ୍ସନରେ ପରିପୂର୍ଣ୍ଣ ଏହି ବିସ୍ଫୋରକ ଭାରତୀୟ ବ୍ୟାଟିଂର ଅସଲ ରାଜା ଥିଲେ ଯୁବରାଜ ସିଂହ। ଯିଏ କି ମାତ୍ର ୨୮ ବଲ୍ ରେ ହଇଚଇ ସୃଷ୍ଟି କରିଥିଲେ।

ସେମିଫାଇନାଲ ମ୍ୟାଚରେ ଅଷ୍ଟ୍ରେଲିଆ ଚାମ୍ପିୟନ୍ସ ବିପକ୍ଷରେ ଇଣ୍ଡିଆ ଚାମ୍ପିୟନ୍ସ ପ୍ରଥମେ ବ୍ୟାଟିଂ କରିଥିଲା। ୫୦ ରନ ଅତିକ୍ରମ କରିବା ପରେ ପ୍ରଥମ ଦୁଇଟି ୱିକେଟ୍ ପଡ଼ିଯିବାରୁ ଦଳ ଭଲ ଆରମ୍ଭ କରିନଥିଲା କିନ୍ତୁ ଏହା ପରେ ଯାହା ଘଟିଲା ତାହା ଅଷ୍ଟ୍ରେଲିଆ ଚାମ୍ପିୟନ କଳ୍ପନା କରିନଥିବେ।

ଅଧିନାୟକ ଯୁବରାଜ ସିଂହ କ୍ରିଜକୁ ଓହ୍ଲାଇବା ମାତ୍ରେ ସବୁ କିଛି ବଦଳିବା ଆରମ୍ଭ କରିଥିଲା। ପୂର୍ବରୁ ଗୋଟିଏ ସାଇଡରେ ଛିଡା ହୋଇଥିବା ରବିନ୍ ଉଥାପ୍ପା ଥିଲେ। କିନ୍ତୁ ଏବେ ଅଷ୍ଟ୍ରେଲିଆ ବୋଲରଙ୍କ ଉପରେ ଉଥାପ୍ପାଙ୍କ ଆକ୍ରମଣ ଯୁବରାଜଙ୍କ ବ୍ୟାକ୍ ଅପ୍ ପାଇଥିଲା।

ରବିନ୍ ଉଥାପ୍ପା ୩୫ ବଲରୁ ୬୫ ରନ୍ କରିଥିଲେ। ୧୮୫.୪୧ ଷ୍ଟ୍ରାଇକ୍ ରେଟରେ ୬ ଚୌକା ଓ ୪ ଛକା ବାହାରିଥିଲା ରବିନଙ୍କ ବ୍ୟାଟରୁ। ଯୁବରାଜ କ୍ରିଜରେ ଥିଲେ, ୟୁସୁଫ ପଠାନ ମୈଦାନକୁ ଓହ୍ଲାଇଥିଲେ । ଏହାପରେ ଯୁବରାଜ ଓ ୟୁସୁଫ ଅଷ୍ଟ୍ରେଲିଆ ବୋଲରଙ୍କୁ ଧୋଇବା ଆରମ୍ଭ କରିଥିଲେ।

ଯୁବରାଜ ସିଂହ ୨୮ ଟି ବଲର ସମ୍ମୁଖୀନ ହୋଇ ୨୧୦.୭୧ ଷ୍ଟ୍ରାଇକ୍ ରେଟ୍ ରେ ୫୯ ରନ୍ କରିଥିଲେ, ଯେଉଁଥିରେ ଚୌକା ତୁଳନାରେ ଅଧିକ ଛକା ଦେଖିବାକୁ ମିଳିଥିଲା। ବାମହାତୀ ବିସ୍ଫୋରକ ବ୍ୟାଟ୍ସମ୍ୟାନ୍ ତଥା ଇଣ୍ଡିଆ ଚାମ୍ପିୟନ୍ସ ଅଧିନାୟକ ଯୁବରାଜ ସିଂହ ନିଜ ଇନିଂସରେ ୪ ଚୌକା ସହ ୫ଟି ଛକା ମାରିଥିଲେ।

ଯୁବରାଜ ସିଂହ ଆଉଟ୍ ହେବା ପରେ ପଠାନ ବ୍ରଦର୍ସ ମିଳିତ ଭାବେ ଅଷ୍ଟ୍ରେଲିଆର ବିପକ୍ଷରେ ମୁହଁତୋଡ ଜବାବ ଦେଇଥିଲେ। ୟୁସୁଫ ପଠାନଙ୍କ ଷ୍ଟ୍ରାଇକ୍ ରେଟ୍ ୨୨୧। ରନ କରିଥିଲେ ୭୩। ଇରଫାନ ପଠାନ ୨୬୩.୧୫ ର ଷ୍ଟ୍ରାଇକ୍ ରେଟ୍ ସହ ଝଡ଼ ସୃଷ୍ଟି କରିଥିଲେ। ୟୁସୁଫଙ୍କ ଇନିଂସରେ ୪ଟି ଛକା ଓ ଇରଫାନଙ୍କ ବ୍ୟାଟରୁ ୫ଟି ଛକା ଦେଖିବାକୁ ମିଳିଥିଲା। ଏହି ଭଳି ଭାବେ ଇଣ୍ଡିଆ ଚାମ୍ପିୟନ୍ସ ଏହି ମ୍ୟାଚ୍ ରେ ମୋଟ ୧୮ଟି ଛକା ମାରିଥିଲା। ଫଳରେ ସେମିଫାଇନାଲରେ ସେ ୨୫୪ ରନ୍ ର ପାହାଡ଼ ଭଳି ସ୍କୋର କରିଥିଲେ।

ଏବେ ଅଷ୍ଟ୍ରେଲିଆକୁ ୨୫୫ ରନର ଟାର୍ଗେଟ ମିଳିଥିଲା । କିନ୍ତୁ ମାତ୍ର ୧୬୮ ରନରେ ଦଳ ସୀମିତ ରହିଥିଲା।