ନୂଆଦିଲ୍ଲୀ: ବିଶିଷ୍ଟ ଶିଳ୍ପପତି ତଥା ଟାଟା ଗ୍ରୁପର ପୂର୍ବତନ ଅଧ୍ୟକ୍ଷ ରତନ ଟାଟାଙ୍କ ପରଲୋକ ଘଟିଛି। ବୁଧବାର ରାତିରେ ମୁମ୍ବାଇର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୮୬ ବର୍ଷ ବୟସ ହୋଇଥିଲା। ଟାଟା ଗ୍ରୁପର ବିକାଶ ତଥା ସମ୍ପ୍ରସାରଣରେ ସେ ମୁଖ୍ୟ ଭୂମିକା ଗ୍ରହଣ କରିଥିଲେ। ରତନ ଟାଟା ଅନେକ ଦିନରୁ ଅସୁସ୍ଥ ଥିଲେ। କିଛି ଦିନ ପୂର୍ବେ ଦେହ ଅଧିକ ଖରାପ ହେବାରୁ ତାଙ୍କୁ ମୁମ୍ବାଇର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏଠାରେ ସେ ଶେଷ ନିଶ୍ଵାସ ତ୍ୟାଗ କରିଛନ୍ତି।
ଏହି ୮୬ ବର୍ଷ ବୟସ୍କ ବିଜନେସ୍ ଟାଇକୋଣ୍ଡଙ୍କ ବିଷୟରେ ଏପରି କିଛି ରୋଚକ କାହାଣୀ ଅଛି, ଯାହା ବିଷୟରେ ହୁଏତ ଆପଣ ଜାଣି ନଥିବେ । ୧୯୪୮ ମସିହାରେ ରତନ ଟାଟା ମାତ୍ର ୧୦ ବର୍ଷ ବୟସରେ ତାଙ୍କ ପିତାମାତାଙ୍କୁ ହରେଇଥିଲେ । ଛୋଟବେଳୁ ସେ ତାଙ୍କ ଜେଜେମା ନୱାଜବାଇ ଟାଟାଙ୍କ ଲାଳନ ପାଳନରେ ବଢିଥିଲେ । ତେବେ କହିରଖୁଛୁ ଯେ, ରତନ ଟାଟା ଅବିବାହିତ । ତାଙ୍କର ଏହି ଅବିବାହିତ ରହିବା ପଛରେ ରହିଛି ଏକ କୌତୁହଳ କାରଣ । ଚାରି ଚାରି ଥର ବିବାହ ପାଇଁ ପ୍ରସ୍ତୁତ ହୋଇଥିଲେ ମଧ୍ୟ ବିବାହ କରିପାରିନଥିଲେ ।
ଏକ ସାକ୍ଷାତକାରରେ ରତନ ଟାଟା ଥରେ ତାଙ୍କ ପିତାଙ୍କ ସହ ଥିବା ତାଙକ ମତଭେଦ ବିଷୟରେ କହିଥିଲେ। ସେ ତାଙ୍କ ପିତା ନାଭାଲ ଟାଟାଙ୍କ ସହ ଅତିଟା ନିକଟତର ନଥିଲେ । ଅନେକ ଘଟଣାକୁ ନେଇ ଉଭୟଙ୍କ ମଧ୍ୟରେ ମତଭେଦ ଥିଲା । ବାସ୍ତବରେ ରତନ ପିଲାଦିନେ ଭାଓଲିନ୍ ଶିଖିବାକୁ ଚାହୁଁଥିଲେ, କିନ୍ତୁ ତାଙ୍କ ପିତା ସେ ପିଆନୋ ଶିଖନ୍ତୁ ବୋଲି ଚାହୁଁଥିଲେ । ଏହାକୁ ନେଇ ଉଭୟଙ୍କ ମଧ୍ୟରେ ମତଭେଦ ରହିଥିଲା। ଏହା ବ୍ୟତୀତ ଟାଟା ଆମେରିକାରେ ପଢିବାକୁ ଚାହୁଁଥିଲେ କିନ୍ତୁ ତାଙ୍କ ପିତା ତାଙ୍କୁ ବ୍ରିଟେନ ପଠାଇବାକୁ ଚାହୁଁଥିଲେ। ଟାଟା ନିଜେ ଜଣେ ଆର୍କିଟେକ୍ ହେବାକୁ ଚାହୁଁଥିଲେ, କିନ୍ତୁ ତାଙ୍କ ପିତା ସେ ଜଣେ ଇଞ୍ଜିନିୟର ହୁଅନ୍ତୁ ବୋଲି ଚାହୁଁଥିଲେ ।
ଥରେ ରତନ କହିଥିଲେ ଯେ, ଏପରି ଏକ ସମୟ ଥିଲା ଯେତେବେଳେ ସେ ଲସ ଏଞ୍ଜେଲସଙ୍କ ସହ କାମ କରୁଥିବାବେଳେ ତାଙ୍କ ପ୍ରେମରେ ପଡିଥିଲେ । କିନ୍ତୁ ୧୯୬୨ ମସିହାର ଇଣ୍ଡୋ-ଚାଇନା ଯୁଦ୍ଧ ହେତୁ ଝିଅର ପିତାମାତା ତାଙ୍କୁ ଭାରତ ପଠାଇବାକୁ ବିରୋଧ କରିଥିଲେ । ଯାହା ପରେ ସେ କେବେ ବି ବିବାହ କରିନଥିଲେ । ଏହା ପରେ, ରତନ ଟାଟା ବ୍ୟବସାୟ ଜଗତରେ ଏତେ ବ୍ୟସ୍ତ ରହିଲେ ଯେ ତା’ପରେ ସେ ତାଙ୍କ ବ୍ୟକ୍ତିଗତ ଜୀବନ ବିଷୟରେ ଚିନ୍ତା କରିବାର ସୁଯୋଗ ପାଇନାହାଁନ୍ତି ।
୧୯୯୧ ମସିହାରେ, ରତନ ଟାଟା ପ୍ରଥମ ଥର ପାଇଁ ଟାଟା ସନ୍ସର ଚେୟାରମ୍ୟାନ୍ ହୋଇଥିଲେ। ଏହା ପୂର୍ବରୁ ଜେଆରଡି ଟାଟା କମ୍ପାନୀର ଅଧ୍ୟକ୍ଷ ଥିଲେ। ଜେଆରଡି କେବଳ ତିନି ଜଣଙ୍କୁ କମ୍ପାନୀର ସମ୍ପୂର୍ଣ୍ଣ ନିର୍ଦ୍ଦେଶ ଦେଇଥିଲେ । କମ୍ପାନିର ସବୁ ନିଷ୍ପତ୍ତି କେବଳ ଏହି ୩ଜଣ ନେଉଥିଲେ । ଯେତେବେଳେ ରତନ ଟାଟା ଚେୟାରମ୍ୟାନ୍ ହେଲେ, ସେତେବେଳେ ସେ ଅନୁଭବ କଲେ ଯେ ଏହି ତିନିଜଣ କମ୍ପାନୀକୁ ନିଜ ଅଧୀନକୁ ନେବାକୁ ଚେଷ୍ଟା କରୁଛନ୍ତି । ତେଣୁ ପ୍ରଥମେ ଏହି ତିନିଜଣଙ୍କୁ ହଟାଇ କମ୍ପାନୀର ନେତୃତ୍ୱ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଥିଲେ ରତନ। ତା’ପେ ରତନ କମ୍ପାନୀରେ ଅବସର ନୀତି ଆଣିଥିଲେ। ଯେଉଁଥିରେ ୭୫ ବର୍ଷ ବୟସରେ ଯେକୌଣସି କର୍ମଚାରୀ ତାଙ୍କ ଗାଦି ଛାଡିବାକୁ ପଡିବ । ଏହି ନୀତି କାର୍ଯ୍ୟକାରୀ ହେବା ପରେ ପ୍ରଥମ ତିନିଜଣଙ୍କୁ ଅଫିସ ତ୍ୟାଗ କରିବାକୁ ପଡିଥିଲା ।
କହିରଖୁଛୁ ଯେ ୨୦୦୯ରେ ରତନ ସବୁଠାରୁ ଶସ୍ତା କାର ତିଆରି କରିବାକୁ ପ୍ରତିଜ୍ଞା କରିଥିଲେ । ଯାହାକୁ ମଧ୍ୟବିତ୍ତ ଶ୍ରେଣୀର ଲୋକମାନେ କିଣି ପାରିବେ। ସେ ତାଙ୍କ ପ୍ରତିଶ୍ରୁତି ପାଳନ କରି ୧ଲକ୍ଷରେ ଟାଟା ନାନୋ କାର ଲଞ୍ଚ କରିଥିଲେ। ତାଙ୍କ ନେତୃତ୍ୱରେ ଟାଟା ଗ୍ରୁପ୍ ଭାରତରେ ସ୍ନାତକ ଛାତ୍ରମାନଙ୍କୁ ଆର୍ଥିକ ସହାୟତା ଯୋଗାଇବା ପାଇଁ ସେ କର୍ଣ୍ଣେଲ ବିଶ୍ୱବିଦ୍ୟାଳୟରେ 28 ମିଲିୟନ୍ ଡଲାରର ଟାଟା ସ୍କଲାରସିପ୍ ପାଣ୍ଠି ଆରମ୍ଭ କରିଥିଲା।
Comments are closed.