ନୂଆଦିଲ୍ଲୀ: ରାଷ୍ଟ୍ରୀୟ ଡ୍ରଗ୍ ମୂଲ୍ୟ ପ୍ରାଧିକରଣ ୮ଟି ଔଷଧର ୧୧ ଟି ଫର୍ମୁଲେଶନର ସର୍ବାଧିକ ମୂଲ୍ୟରେ ୫୦ ପ୍ରତିଶତ ବୃଦ୍ଧିକୁ ଅନୁମୋଦନ କରିଛି। ଏହି ଔଷଧ ଉତ୍ପାଦନ ଖର୍ଚ୍ଚ ବୃଦ୍ଧି ଯୋଗୁଁ ଏପରି ନିଷ୍ପତ୍ତି ନିଆଯାଇଛି। ଯଦିଓ ଔଷଧ ଉତ୍ପାଦନକାରୀଙ୍କଠାରୁ ଏଥିରେ ସଂଶୋଧନ ପାଇଁ ଦାବି ଥିଲା, କିନ୍ତୁ ଏପିଆଇ (API) ଏହାକୁ ଗ୍ରହଣ କରିନାହିଁ। API କହିଛି ଯେ ଏହି ପଦକ୍ଷେପ ଗ୍ରହଣ କରିବାର ଉଦ୍ଦେଶ୍ୟ ହେଉଛି ଏହି ଔଷଧଗୁଡିକର ଲୋକମାନଙ୍କ ପାଇଁ ନିରନ୍ତର ଉପଲବ୍ଧତା ନିଶ୍ଚିତ କରିବା।
ଔଷଧର ଫର୍ମୁଲେଶନ ମୂଲ୍ୟ ବୃଦ୍ଧି ପାଇଁ ଏହି ନିଷ୍ପତ୍ତି ଜାତୀୟ ଡ୍ରଗ୍ ମୂଲ୍ୟ ପ୍ରାଧିକରଣ ସହିତ ବୈଠକ ପରେ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ନିଆଯାଇଛି। ଏହାପୂର୍ବରୁ ୨୦୧୯ ଏବଂ ୨୦୨୧ ରେ ମଧ୍ୟ ଔଷଧ ଫିର୍ମୁଲେଶନର ମୂଲ୍ୟ ୫୦ ପ୍ରତିଶତ ବୃଦ୍ଧି କରାଯାଇଥିଲା।
ରାଷ୍ଟ୍ରୀୟ ଫାର୍ମାସ୍ୟୁଟିକାଲ୍ ପ୍ରାଇସିଙ୍ଗ୍ ଅଥରିଟି (NPPA) ଦ୍ୱାରା ଔଷଧର ମୂଲ୍ୟ ବୃଦ୍ଧି କରାଯାଇଛି। ଏଥିରେ ଗ୍ଲୁକୋମା, ଆସ୍ଥାମା, ଟିବି, ଥାଲାସେମିଆ ଏବଂ ମାନସିକ ସ୍ୱାସ୍ଥ୍ୟ ଚିକିତ୍ସାରେ ବ୍ୟବହୃତ ଔଷଧ ଅନ୍ତର୍ଭୁକ୍ତ। ଏହି ଔଷଧର ଫର୍ମୁଲେଶନର ଯେଉଁ ମୂଲ୍ୟ ବୃଦ୍ଧି ହୋଇଛି, ବେନଜିଲ୍ ପେନିସିଲିନ୍ ୧୦ ଲକ୍ଷ IU ଇଞ୍ଜେକ୍ସନ୍ ଅନ୍ତର୍ଭୁକ୍ତ କରେ; ଏଥିରେ ସାଲବୁଟାମୋଲ ଟାବଲେଟ୍ ୨ ମିଲିଗ୍ମରା ଏବଂ ୪ ମିଲିଗ୍ରାମ ଏବଂ ରେସ୍ପିରେଟର ସଲ୍ୟୁସନ ୫ ମିଗ୍ରା / ମି.ଲି ସାମିଲ ରହିଛି।
ଇଞ୍ଜେକ୍ସନ୍ ପାଇଁ ସଫଡ୍ରକ୍ସିଲ୍ ଟାବଲେଟ୍ ୫୦୦ ମିଗ୍ରା ଆଟ୍ରୋପାଇନ୍ ଇଞ୍ଜେକ୍ସନ୍ 06.mg/ml; ଷ୍ଟ୍ରେପଟୋମାଇସିନ୍ ପାଉଡର ୭୫୦ ମିଗ୍ରା ଏବଂ ୧୦୦୦ ମିଗ୍ରା ଡେସଫେରାଇକ୍ସାମାଇନ୍ ୫୦୦ ମିଗ୍ରା ଇଞ୍ଜେକ୍ସନ ପାଇଁ ମଧ୍ୟ ଔଷଧ ହାରରେ ଅନ୍ତର୍ଭୂକ୍ତ କରାଯାଇଛି। ଏହି ଔଷଧଗୁଡିକ ପ୍ରଥମ ଧାଡି ଚିକିତ୍ସା ଭାବରେ ବ୍ୟବହୃତ ହୁଏ।
ଔଷଧର ଫର୍ମୁଲେଶନ ହେଉଛି ଏକ ପ୍ରକ୍ରିୟା ଯେଉଁଥିରେ ଔଷଧର ବିଭିନ୍ନ ଉପାଦାନ ମିଶ୍ରିତ ହୋଇ ଏକ ନିର୍ଦ୍ଦିଷ୍ଟ ରୂପରେ ପ୍ରସ୍ତୁତ ହୋଇଥାଏ, ଯାହା ଦ୍ୱାରା ଏହା ଶରୀରରେ ସଠିକ୍ ଭାବରେ କାର୍ଯ୍ୟ କରିପାରିବେ। ଏହି ସବୁ ଔଷଧକୁ ଟାବଲେଟ୍, କ୍ୟାପସୁଲ୍, ସିରପ୍ କିମ୍ବା ଇଞ୍ଜେକ୍ସନ୍ ଆକାରରେ ପ୍ରସ୍ତୁତ କରାଯାଏ।