ଗୌହାଟି: ଆସାମର ଗୌହାଟିରେ ଏକ ଆଶ୍ଚର୍ଯ୍ୟଜନକ ଭଳି ଘଟଣା ସାମ୍ନାକୁ ଆସିଛି, ଯିଏ ଏହା ଶୁଣିଛି ତାର ଭୟରେ ଲୋମ ଟାଙ୍କୁରି ଯାଉଛି। ଜଣେ ବ୍ୟକ୍ତି ଗତ ତିନି ମାସ ଧରି ନିଜ ମା’ର କଙ୍କାଳ ସହିତ ବାସ କରୁଥିଲା। ସେ ପ୍ରତିଦିନ ନିଜ ହାତରେ କଙ୍କାଳକୁ ଖାଇବାକୁ ଦେଉଥିଲା। ଆଶ୍ଚର୍ଯ୍ୟଜନକ କଥା ହେଲା ବ୍ୟକ୍ତି ଜଣକ ନିଜକୁ ଏତେ ଦିନ ପର୍ଯ୍ୟନ୍ତ କୋଠରୀରେ ବନ୍ଦି କରି ରଖିଥିଲା। ସେ ବାହାରକୁ ଯାଏ ନାହିଁ କିମ୍ବା କାହାକୁ ନିଜ ଘରକୁ ପ୍ରବେଶ କରିବାକୁ ଦିଏ ନାହିଁ। ଉକ୍ତ ବ୍ୟକ୍ତି ଜଣଙ୍କ ଘରେ କ’ଣ ଘଟୁଥିଲା ସେ ବିଷୟରେ କାହାରିକୁ ସୂଚନା ମଧ୍ୟ ନଥିଲା।
ସୂଚନା ଅନୁସାରେ ଉକ୍ତ ବ୍ୟକ୍ତିଙ୍କର ମାଆ ଅନେକ ଦିନ ପୂର୍ବେ ପ୍ରାଣ ହରାଇଥିଲେ। କିନ୍ତୁ ବ୍ୟକ୍ତି ଜଣଙ୍କର ନିଜ ମାଆର ମୃତହେହକୁ ଦାହ କରିନିଥିଲେ। ପରେ ମୃତଦେହଟି ଏକ କଙ୍କାଳରେ ପରିଣତ ହେଲା। ଯେତେବେଳେ ବ୍ୟକ୍ତିଙ୍କ ଘରୁ ଦୁର୍ଗନ୍ଧ ନିର୍ଗତ ହେଲା ପଡ଼ୋଶୀମାନେ ସେହି ବ୍ୟକ୍ତିଙ୍କ ସହ କଥା ହେବାକୁ ଚିନ୍ତା କଲେ। ସେମାନେ ମଧ୍ୟ ସେହି ବ୍ୟକ୍ତିଙ୍କ ମା’ଙ୍କୁ ଅନେକ ଦିନ ଧରି ଦେଖିନଥିଲେ। ତେଣୁ ମନରେ ସନ୍ଦେହ ସୃଷ୍ଟି ହେଲା। କିଛି ପଡ଼ୋଶୀ ଏକାଠି ତାଙ୍କ ଘରେ ପହଞ୍ଚିଥିଲେ ଏବଂ ବ୍ୟକ୍ତିଙ୍କ ମାଆ କେଉଁଠାରେ ଅଛନ୍ତି ବୋଲି ପଚାରିଥିଲେ। ବ୍ୟକ୍ତି ହଠାତ୍ କହିଥିଲା, ସେ ମରିଯାଇଛି। ଏହା ଶୁଣି ପଡୋଶୀମାନେ ଆଶ୍ଚର୍ଯ୍ୟ ହୋଇ ପଚାରିଲେ ଯେ ଏ ବିଷୟରେ କାହାକୁ କିଛି ସୂଚନା କାହିଁକି ଦେଲେ ନାହିଁ? ମୃତଦେହ କେବେ ଶବଦାହ କରାଯାଇଥିଲା? ବ୍ୟକ୍ତି ଜଣକ ଏହାର ଉତ୍ତର ଦେଇନଥିଲା ଏବଂ କବାଟ ବନ୍ଦ କରି ଭିତରକୁ ଚାଲିଯାଇଥିଲା।
ଯେତେବେଳେ ପଡ଼ୋଶୀମାନେ ଝରକା ଦେଇ ଦେଖିଲେ, ସେମାନେ ଆଶ୍ଚର୍ଯ୍ୟ ହେଲେ। ବ୍ୟକ୍ତି ଜଣକ ଏକ କଙ୍କାଳଟିକୁ କିଛି ଖାଦ୍ୟ ଖୁଆଇବାକୁ ଚେଷ୍ଟା କରୁଥିଲା। ଲୋକମାନେ ତୁରନ୍ତ ଏନେଇ ପୋଲିସକୁ ସୂଚନା ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଉକ୍ତ ବ୍ୟକ୍ତିଙ୍କ ଘରେ ଖୋଜାଖୋଜି କରିବା ପରେ କଙ୍କାଳଟି ପାଇଥିଲା। ଜାଣିବାକୁ ମିଳିଥିଲା ଯେ ଏହି କଙ୍କାଳଟି ଯୁବକଟିର ମାଙ୍କର ଅଟେ। ପୋଲିସ ତୁରନ୍ତ ଯୁବକକୁ ଅଟକ ରଖିଥିଲା। ପୋଲିସ କହିଛି ଯେ ଯୁବକ ଜଣକ ମାନସିକ ସ୍ତରରେ ଦୁର୍ବଳ ମନେହୁଏ। ସେ କାହିଁକି ଏପରି କଲେ ତାହା ପରେ ହିଁ ସ୍ପଷ୍ଟ ହୋଇଯିବ। ବର୍ତ୍ତମାନ ଯୁବକକୁ ମେଡିକାଲରେ ପରୀକ୍ଷା କରାଯାଉଛି। ଏଥିସହ ମୃତ ମହିଳାଙ୍କ ସମ୍ପର୍କୀୟଙ୍କୁ ଏ ସମ୍ପର୍କରେ ସୂଚନା ଦିଆଯାଇଛି। ଏହି ଘଟଣାରେ ତଦନ୍ତ ଚାଲିଛି।
ଗୌହାଟିର ରବିନ୍ସନ୍ ଷ୍ଟ୍ରିଟରେ ଏହି ଘଟଣା ଘଟିଛି। ପୂର୍ଣ୍ଣିମା ଦେବୀ ନାମକ ଜଣେ ମହିଳା ତାଙ୍କ ୪୦ ବର୍ଷର ପୁଅ ଜୟଦୀପ ଦେବଙ୍କ ସହ ଏଠାରେ ରହୁଥିଲେ। ସ୍ୱାମୀଙ୍କ ମୃତ୍ୟୁ ପରେ ପରିବାର କେବଳ ପେନସନରେ ଚଳୁଥିଲେ। ମାଆ ଏବଂ ପୁଅ କାହା ସହ ଏତେ କଥାବାର୍ତ୍ତା କରନ୍ତି ନାହିଁ। ଯେତେବେଳେ ମହିଳାଙ୍କୁ କିଛି ଦିନ ଦେଖିବାକୁ ପାଇଲେନାହିଁ, ପଡ଼ୋଶୀମାନେ ସନ୍ଦେହ କଲେ। ଏହା ବ୍ୟତୀତ ମହିଳାଙ୍କ ଘରୁ ଏକ ଦୁର୍ଗନ୍ଧ ମଧ୍ୟ ଆସୁଥିଲା। ଏହା ପରେ ଯେତେବେଳେ ପଡ଼ୋଶୀମାନେ ଜୟଦୀପଙ୍କୁ ତାଙ୍କ ମା ବିଷୟରେ ପଚାରିଲେ, ସେ କୌଣସି ସଠିକ୍ ଉତ୍ତର ଦେଇପାରିଲେ ନାହିଁ। ତେଣୁ ପଡ଼ୋଶୀମାନେ ତାଙ୍କ ଝରକା ଦେଇ ସମସ୍ତ ଘଟଣା ଦେଖିଥିଲେ।
ସେମାନେ ଦେଖିଲେ ଜୟଦୀପ ଏକ କଙ୍କାଳକୁ ଖାଇବାକୁ ଦେଉଛି। କେବଳ ସେତେବେଳେ ନୁହେଁ, ସେହି କଙ୍କାଳକୁ ପୂଜା ମଧ୍ୟ କରାଯାଉଛି। ଅନୁସନ୍ଧାନରୁ ଜଣାପଡିଛି ଯେ ଯୁବକଙ୍କର ମାନସିକ ଅବସ୍ଥା ଭଲ ନଥିଲା। ତାଙ୍କ ମା କିପରି ମରିଛନ୍ତି ଜାଣିବା ପାଇଁ ଚେଷ୍ଟା କରାଯାଉଛି। ପଚରାଉଚରା ବେଳେ ଜୟଦୀପ କେବଳ କହିଥିଲେ ଯେ ତାଙ୍କୁ ଜୀବନ୍ତ ଫେରାଇ ଆଣିବା ପାଇଁ ସେ ତାଙ୍କ ମା’ଙ୍କ କଙ୍କାଳକୁ ପୂଜା କରୁଥିଲେ। ସେ ନିଶ୍ଚିତ ଥିଲେ ଯେ ଦିନେ ସେ ନିଜ ମାଆଙ୍କୁ ଜୀବନ୍ତ ପାଇବେ।