ନୂଆଦିଲ୍ଲୀ: ବର୍ତ୍ତମାନ ଭାରତକୁ ଏପରି ଉନ୍ନତ ବିମାନର ଆବଶ୍ୟକତା ରହିଛି, ଯାହା ବାୟୁସେନାର ଶକ୍ତି ବୃଦ୍ଧି କରିପାରିବ । ଏହି ଦିଗରେ, ‘ସୁପର ସୁଖୋଇ’ କାର୍ଯ୍ୟକ୍ରମ ସମସ୍ୟାର ସମାଧାନ ଭାବରେ ଉଭା ହୋଇପାରେ । ଭାରତ ଖୁବ୍ ଶୀଘ୍ର ୮୪ ସୁ-୩୦ଏମକେଆଇ କୁ ଯୁଦ୍ଧ ବିମାନକୁ ‘ସୁପର ସୁଖୋଇ’ କରିବାକୁ ଯୋଜନା କରୁଛି ।
ପ୍ରତିରକ୍ଷା ଅଧିଗ୍ରହଣ ପରିଷଦ ଏଥିପାଇଁ କିଛି ସମୟ ପୂର୍ବରୁ ଅନୁମୋଦନ ଦେଇଥିଲା । ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସୁରକ୍ଷା କ୍ୟାବିନେଟ କମିଟିର ବୈଠକରେ ଖୁବ ଶୀଘ୍ର ଏହା ଉପରେ ନିଷ୍ପତ୍ତି ନିଆଯାଇପାରେ ବୋଲି ବିଶ୍ୱାସ କରାଯାଉଛି । ଏହି କାର୍ଯ୍ୟକ୍ରମର ଆନୁମାନିକ ମୂଲ୍ୟ ପ୍ରାୟ ୬୩ ହଜାର କୋଟି ଟଙ୍କା ।
ଅତ୍ୟାଧୁନିକ ଷ୍ଟେଲଥ ଟେକନୋଲୋଜି, ଉନ୍ନତ ରାଡାର, ମିଶନ କମ୍ପ୍ୟୁଟର, ଇଲେକ୍ଟ୍ରୋନିକ୍ ଓ୍ବାରଫେୟର ସୁଟ୍, ଅପଗ୍ରେଡ୍ କକପିଟ୍ ଲେଆଉଟ୍ ଏବଂ ଆଧୁନିକ ଅସ୍ତ୍ର ପ୍ରଣାଳୀ ଭାରତୀୟ ଟେକ୍ନୋଲୋଜି ସହିତ ସୁପର ସୁଖୋଇରେ ଯୋଡି ହେବ । ଯାହାଦ୍ୱାରା ଏହା ୫ମ ପିଢିର ଯୁଦ୍ଧ ବିମାନ ବର୍ଗରେ ଆସିପାରିବ । ଏହି ବିମାନରେ ‘ମ୍ୟାଣ୍ଡ-ଅନମ୍ୟାଣ୍ଡ ଟିମିଙ୍ଗ’ (MUM-T) ଟେକ୍ନୋଲୋଜି ମଧ୍ୟ ଯୋଗ କରାଯିବ, ଯାହା ମାଧ୍ୟମରେ ଯୁଦ୍ଧ ବିମାନ ସହିତ ଆକ୍ରମଣ କିମ୍ବା ସିସିଟିଭି ଡ୍ରୋନ୍ ଉଡ଼ାଯାଇପାରିବ ।
ଭାରତରେ ନିର୍ମିତ ଏକ ଉନ୍ନତ ରାଡାର ସିଷ୍ଟମ ସୁପର ସୁଖୋଇରେ ସ୍ଥାପିତ ହେବ, ଯାହାର ପରିସର ବର୍ତ୍ତମାନ ସୁଖୋଇ ରାଡାର ଠାରୁ ୧.୫ ରୁ ୧.୭ ଗୁଣ ଅଧିକ ହେବ । ଏହା ବ୍ୟତୀତ, ଏଥିରେ ଇଂଫ୍ରାରେଡ୍ ସର୍ଚ୍ଚ ଏବଂ ଟ୍ରାକ୍ ସେନ୍ସର ମଧ୍ୟ ରହିବ, ଯାହା ଭରତ ଇଲେକ୍ଟ୍ରୋନିକ୍ସ ଲିମିଟେଡ୍ ଦ୍ୱାରା ବିକଶିତ କରାଯାଉଛି । ତିନୋଟି ମିଶନ କମ୍ପ୍ୟୁଟର ସମେତ ମୋଟ ୫୧ଟି ସିଷ୍ଟମ ସ୍ଥାପନ ସହିତ ବିମାନର ଇଲେକ୍ଟ୍ରୋନିକ୍ସକୁ ମଧ୍ୟ ନବୀକରଣ କରାଯିବ । ଏହି ସିଷ୍ଟମଗୁଡିକ ମଧ୍ୟରୁ ୩୦ଟି ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍, ୧୩ ଟି ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ ଏବଂ ଆଠଟି ଘରୋଇ କ୍ଷେତ୍ର ଦ୍ୱାରା ଅପ୍ରଗେଡ୍ କରାଯିବ ।
ସୁପର ସୁଖୋଇର ଅପଗ୍ରେଡ୍, ପରୀକ୍ଷଣ ତଥା ଏହା ସମ୍ପୂର୍ଣ୍ଣ ଭାବେ ପ୍ରସ୍ତୁତ ହେବାକୁ ପ୍ରାୟ ୭ ବର୍ଷ ଲାଗିବ ବୋଲି ଆକଳନ କରାଯାଇଛି, ଏବଂ ସମସ୍ତ ୮୪ ଟି ଜେଟର ଅପଗ୍ରେଡ୍ ସମ୍ପୂର୍ଣ୍ଣ କରିବାକୁ ଆଉ ୮ ବର୍ଷ ସମୟ ଲାଗିପାରେ, ଯାହା ସମୁଦାୟ ଟାଇମଲାଇନ୍ ୧୫ ବର୍ଷ କରିବ । ୨୦୨୮ ସୁଦ୍ଧା ବାୟୁସେନାକୁ ଏହାର ପ୍ରଥମ ୫ମ ପିଢି ଷ୍ଟିଲଥ ଯୁଦ୍ଧ ବିମାନ, ଆଡଭାନ୍ସଡ ମିଡିୟମ୍ କମ୍ବେଟ୍ ବିମାନକୁ ହସ୍ତାନ୍ତର କରିବାର ଯୋଜନା ମଧ୍ୟ ଅଛି ।
Comments are closed.