ନୂଆଦିଲ୍ଲୀ: କୌଣସି ମାମଲାର ଜରୁରୀ ଶୁଣାଣି କିମ୍ବା ତାଲିକାଭୁକ୍ତ କରିବା ପାଇଁ ମୌଖିକ ଉପସ୍ଥାପନାକୁ ଅନୁମତି ଦିଆଯିବ ନାହିଁ ବୋଲି ଭାରତର ପ୍ରଧାନ ବିଚାରପତି (ସିଜେଆଇ) ସଞ୍ଜୀବ ଖାନ୍ନା ଘୋଷଣା କରିଛନ୍ତି।
ଏଣିକି ଏଭଳି ମାମଲାରେ ଆଇନଜୀବୀମାନଙ୍କୁ ଇମେଲ୍ ଯୋଗେ କିମ୍ବା ଲିଖିତ ପତ୍ର ଦ୍ୱାରା ଆବେଦନ ଦାଖଲ କରିବାକୁ ହେବ। ପାରମ୍ପରିକ ଭାବେ ଆଇନଜୀବୀମାନେ ସିଜେଆଇଙ୍କ ନେତୃତ୍ୱାଧୀନ ଖଣ୍ଡପୀଠ ଆଗରେ ଦୈନିକ ଶୁଣାଣି ଆରମ୍ଭ ପୂର୍ବରୁ ଜରୁରୀ ଦର୍ଶାଇ କେତେକ ମାମଲାକୁ ତାଲିକାଭୁକ୍ତ କରିବା ଏବଂ ଶୁଣାଣି କରିବା ପାଇଁ ଉପସ୍ଥାପନ କରୁଥିଲେ।
ତେବେ ଲିଖିତ କିମ୍ବା ମୌଖିକ ଭାବେ ଏଭଳି ଅନୁରୋଧ କରାଯାଇପାରିବ ନାହିଁ। କେବଳ ଇମେଲ୍ କିମ୍ବା ଲିଖିତ ସ୍ଲିପ୍ ବା ପତ୍ରକୁ ଗ୍ରହଣ କରାଯିବ। କେବଳ ଜରୁରୀ କାରଣ ଦର୍ଶାଇବାକୁ ହେବ ବୋଲି ସିଜେଆଇ କହିଛନ୍ତି।
ସିଜେଆଇ ନ୍ୟାୟିକ ସଂସ୍କାର ପାଇଁ ଏକ ନାଗରିକ-କେନ୍ଦ୍ରିକ ଏଜେଣ୍ଡାକୁ ବର୍ଣ୍ଣନା କରିଛି ଏବଂ କହିଛନ୍ତି ଯେ ନ୍ୟାୟ ପାଇବା ସହ ନାଗରିକଙ୍କ ସହ ସମାନ ବ୍ୟବହାର ସୁନିଶ୍ଚିତ କରିବା ହେଉଛି ନ୍ୟାୟପାଳିକାର ସାମ୍ବିଧାନିକ କର୍ତ୍ତବ୍ୟ।
ସୂଚନା ଥାଉକି ରାଷ୍ଟ୍ରପତି ଭବନରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦ୍ୱାରା ୫୧ତମ CJI ଭାବରେ ଶପଥ ଗ୍ରହଣ କରିଥିବା ଜଷ୍ଟିସ୍ ଖାନ୍ନା ଗଣତନ୍ତ୍ରର ତୃତୀୟ ସ୍ତମ୍ଭ ନ୍ୟାୟପାଳିକାକୁ ଆଗେଇ ନେବାରେ ଗଭୀର ସମ୍ମାନ ଜଣାଇଛନ୍ତି।