ବରଗଡ: ସୋଡ଼ା ଗ୍ରାମରେ ନାବାଳିକାଙ୍କୁ ଦୁଷ୍କର୍ମ ପରେ ପଥରରେ ଛେଚି ହତ୍ୟା କରାଯାଇଥିବା ଅଭିଯୋଗ ହୋଇଛି l ହତ୍ୟାରେ ସମ୍ପୃକ୍ତ ଥିବା ସନ୍ଦେହରେ ପୋଲିସ ଜଣେ ଯୁବକଙ୍କୁ ଅଟକ ରଖିଛି ।
ସୂଚନା ଅନୁଯାୟୀ, ବରଗଡ଼ ଜିଲ୍ଲା ପାଇକମାଳ ଥାନା ଅନ୍ତର୍ଗତ ମହୁଲ ପାଳି ଗ୍ରାମର ପ୍ରଶାନ୍ତ ବାଗ (୩୫) ନାମକ ଜଣେ ଯୁବକ ସୋଡ଼ା ଗ୍ରାମରେ ଗତ ତିନିଦିନ ହେଲା ରହୁଥିବା ବେଳେ ଆଜି ସେହି ଗ୍ରାମର ତିନିଜଣ କୁନି ପିଲାଙ୍କୁ ମାଛ ଧରିଯିବା ବୋଲି ଡାକିନେଯାଇଥିଲେ l ପରବର୍ତ୍ତୀ ସମୟରେ ତିନି ଜଣଙ୍କ ମଧ୍ୟରୁ ଦୁଇଜଣ ଶିଶୁଙ୍କୁ କୌଣସି ବାହାନାକରି ସେ ଘରକୁ ଫେରାଇଦେଇଥିଲେ ମାତ୍ର ସାତ ବର୍ଷର ଶିଶୁ କନ୍ୟାକୁ ସେ ରଖିଥିଲେ l
ପରେ ସେହି ଶିଶୁ କନ୍ୟାଙ୍କ ମୃତଦେହ ରକ୍ତାକ୍ତ ଅବସ୍ଥାରେ ଉଦ୍ଧାର କରାଯାଇଥିଲା l ଘଟଣାରେ ପ୍ରଶାନ୍ତ ବାଗ କୁ ପୋଲିସ ସନ୍ଦେହରେ ଅଟକ ରଖିଥିଲା l ତେବେ ଶିଶୁ କନ୍ୟାକୁ ଦୁଷ୍କର୍ମ ଉଦ୍ୟମ କରାଯାଇଥିବା ଓ ପରେ ପଥରରେ ଛେଛି ହତ୍ୟା କରାଯାଇଥିବା ପାରିପାର୍ଶ୍ଵିକ ସ୍ଥିତିରୁ ପୋଲିସ ଅନୁମାନ କରୁଥିବା ବେଳେ ଅଟକ ଥିବା ପ୍ରଶାନ୍ତ ବାଗ କୁ ଜେରା କରି ପଚରା ଉଚୁରା କରୁଛି ପାଇକମାଲ ପୋଲିସ । ଘଟଣାର ତଦନ୍ତ ପରେ ସମସ୍ତ ସତ୍ୟା ସତ୍ୟ ସାମ୍ନାକୁ ଆସିବ l