ଦୌସା: ଜୀବନ ଯୁଦ୍ଧରେ ହାରି ଗଲା କୁନି ପୁଅ ଆର୍ଯ୍ୟନ୍ । ୫୭ ଘଣ୍ଟାର ଅପରେସନ୍ ପରେ ବି ବଞ୍ଚାଇ ହେଲାନି ୫ ବର୍ଷର ନାବାଳକକୁ। ରାଜସ୍ଥାନ ଦୌସା ସ୍ଥିତ କାଲିଖଡ଼ ଗାଁରେ ୫ ବର୍ଷୀୟ ଆର୍ଯ୍ୟନ୍ ଖେଳୁ ଖେଳୁ ପରିତ୍ୟକ୍ତ ବୋରୱେଲ୍ ଗାତରେ ଖସି ପଡ଼ିଥିଲା।
ସୂଚନା ଅନୁସାରେ, ରାଜସ୍ଥାନ ଦୌସା ସ୍ଥିତ କାଲିଘଟ ଗାଁରେ ଗତ ସୋମବାର ଦିନ ୧୪୭ ଫୁଟ୍ର ପରିତ୍ୟକ୍ତ ବୋରଓ୍ୱେଲ ଗାତରେ ଖସି ପଡିଥିଲା ୫ ବର୍ଷର କୁନିପୁଅ ଆର୍ଯ୍ୟନ୍ । ଶିଶୁକୁ ଉଦ୍ଧାର ପାଇଁ ୩ଦିନ ହେବ ଅପରେସନ ଜାରି ରଖିଥିଲେ ଉଦ୍ଦାରକାରୀ ଦଳ । ଦିନ ରାତି ଏକ କରି ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ଗତକାଲି ବିଳମ୍ବିତ ରାତିରେ ବୋରଓ୍ୱେଲ ଗାତ ଭିତରୁ ଉଦ୍ଧାର କରାଯାଇ ତୁରନ୍ତ ତାକୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତର ସେଠାରେ ଆର୍ଯ୍ୟନକୁ ମୃତ ଘୋଷଣା କରିଥିଲେ। ତେବେ ଅତ୍ୟଧିକ ଗରମ ଏବଂ ଅସ୍ୱାସ୍ଥକର ପରିବେଶ ଯୋଗୁ ସେ ଆଖିବୁଜିଥିବା କୁହାଯାଉଛି।