ନଡିଆ ତେଲ କେଶ ପାଇଁ ଲାଭଦାୟକ, ଆପଣ ଜାଣନ୍ତି କି ସପ୍ତାହରେ କେତେ ଦିନ ଏହାକୁ ବ୍ୟବହାର କରିବା କଥା?

ଭୁବନେଶ୍ବର : ଶୀତ ଋତୁ ଆରମ୍ଭ ହେବା ସହିତ ଶୁଖିଲା ଚର୍ମ ସମସ୍ୟା ବଢିଯାଏ | ତାପମାତ୍ରା ଏବଂ ଆର୍ଦ୍ରତା ସ୍ତର ହ୍ରାସ ହେତୁ ଚର୍ମ ଶୁଷ୍କ ହୋଇଯାଏ | ଏହି ଋତୁରେ କେଶ ଝଡିବା ମଧ୍ୟ ଏକ ସାଧାରଣ କଥା | କିନ୍ତୁ ମୁଣ୍ଡର ଚର୍ମର ଯତ୍ନ ନେବା ଅତ୍ୟନ୍ତ ଜରୁରୀ | ବିଶେଷଜ୍ଞଙ୍କ ଅନୁଯାୟୀ, ଯଦି କେଶ ମୂଳ ମଜବୁତ ଥାଏ, ତେବେ କେଶ ଝଡିବା ସମସ୍ୟା ବହୁତ କମ୍ ହୋଇଥାଏ। ଏପରି ପରିସ୍ଥିତିରେ ନଡିଆ ତେଲ କେଶ ସମସ୍ୟାର ସମାଧାନ କରିପାରେ | ବିଶେଷଜ୍ଞମାନେ କହିଛନ୍ତି ଯେ ନଡିଆ ତେଲ କେଶକୁ ମୋଟା, ମଜବୁତ ରଖିବାରେ ସାହାଯ୍ୟ କରିଥାଏ।

କେଶରେ ନଡିଆ ତେଲ ଲଗାଇବାର ଲାଭ ଜାଣନ୍ତୁ

କେଶ ପାଇଁ ଉତ୍ତାପ ରକ୍ଷାକାରୀ ଭାବରେ କାର୍ଯ୍ୟ କରେ: ନଡ଼ିଆ ତେଲରେ ଅନେକ ଭିଟାମିନ୍, ଆଣ୍ଟି-ଅକ୍ସିଡାଣ୍ଟ ଏବଂ ଅତ୍ୟାବଶ୍ୟକ ଫ୍ୟାଟି ଏସିଡ୍ ଭରପୂର ଥାଏ | ଯାହା କେଶ ଉପରେ ଭଲ ପ୍ରଭାବ ପକାଇଥାଏ | ଏହାର ପୋଷକତତ୍ତ୍ବ କେଶକୁ ସୁସ୍ଥ ରଖିଥାଏ | ନଡିଆ ତେଲ ମାଲିସ କରିବା ଦ୍ୱାରା କେଶକୁ ପ୍ରଦୂଷଣ ଏବଂ ଉତ୍ତାପରୁ ରକ୍ଷା କରାଯାଇପାରିବ |

କେଶକୁ ମଇଶ୍ଚରାଇଜ କରେ: ମଇଶ୍ଚରାଇଜ ଅଭାବରୁ କେଶ ପତଳା ଦେଖାଯାଏ, ତେଣୁ ନଡିଆ ତେଲ କେଶର ବିକାଶରେ ସାହାଯ୍ୟ କରେ | ଏହା ଆପଣଙ୍କ କେଶକୁ ଗଭୀର ଭାବରେ ମଇଶ୍ଚରାଇଜ କରିଥାଏ, ଯାହା ପୂର୍ବ ଅପେକ୍ଷା ନରମ ଏବଂ ଘନ ଦେଖାଯାଏ |

କେଶ ଝଡିବା କମାଏ : ଷ୍ଟାଇଲ ଏବଂ ଫ୍ୟାଶନ ହେତୁ କେଶରେ କେମିକାଲ ପ୍ରଡକ୍ଟ ବ୍ୟବହୃତ ହୁଏ, ଫଳସ୍ୱରୂପ କେଶର ଗୁଣବତ୍ତା ନଷ୍ଟ ହୋଇଯାଏ | ତେଣୁ କେଶର ଗୁଣବତ୍ତା ବଢାଇବା ପାଇଁ ନଡ଼ିଆ ତେଲକୁ ସଠିକ୍ ଭାବରେ ବ୍ୟବହାର କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ | ଏଥିପାଇଁ କେଶମୂଳରେ ହାଲୁକା ହାତରେ ମାଲିସ କରନ୍ତୁ । ଏପରି ତେଲ ମାଲିସ କରନ୍ତୁ ଯେପରି କେଶମୂଳରେ ତେଲ ପହଞ୍ଚିବ । ଏହାଦ୍ବାରା କେଶ ଝଡିବା କମ୍ ହେବ ଓ କେଶ ଛିଣ୍ଡିବାବି କମ୍ ହୁଏ ।

ରୂପି ସମସ୍ୟା ଦୂର କରିଥାଏ: ନଡିଆ ତେଲ ଆଣ୍ଟି-ଫଙ୍ଗଲ୍ ଏବଂ ଆଣ୍ଟି-ମାଇକ୍ରୋବାୟଲ୍ ଗୁଣରେ ଭରପୂର | ଏଥିପାଇଁ ରୂପି ସମସ୍ୟା ମଧ୍ୟ ଦୂର ହୋଇଯାଏ ଓ କେଶ ମଧ୍ୟ ସୁନ୍ଦର ଦିଶେ ।

ନଡିଆ ତେଲ କେଶ ପାଇଁ ଅତ୍ୟନ୍ତ ଲାଭଦାୟକ ଅଟେ |ତେବେ ବିଶେଷଜ୍ଞଙ୍କ ଅନୁଯାୟୀ ସପ୍ତାହରେ ଦୁଇ / ତିନି ଦିନ ଏହାର ପ୍ରୟୋଗ ଦ୍ବାରା ଅନେକ ଲାଭ ମିଳେ ।