ଲକ୍ଷ୍ନୌ: ଉତ୍ତରପ୍ରଦେଶ ପିଲଭିତ୍ରେ ଏନକାଉଣ୍ଟର। ୩ ଖଲିସ୍ତାନୀ ଆତଙ୍କବାଦୀ ନିହତ ହୋଇଥିବା ସୂଚନା। ୟୁପି ଓ ପଞ୍ଜାବ ପୋଲିସର ମିଳିତ ଅପରେସନ ବେଳେ ଏହି ଏନକାଉଣ୍ଟର ହୋଇଛି। ସେମାନଙ୍କ ନିକଟରୁ ୨ଟି ଏକେ-47 ଓ ୨ଟି ପିସ୍ତଲ ସହ ଅନ୍ୟ ମାରଣାସ୍ତ୍ର ଜବତ କରିଛି ପୋଲିସ।
ଗୁରୁଦାସପୁରର ଏକ ଥାନା ଉପରେ ହମ୍ଲା କରିଥିଲେ ୩ ଆତଙ୍କବାଦୀ। ଗ୍ରେନ୍ଡ୍ ମାଡ କରିବା ସହ ବୋମା ମଧ୍ୟ ଫିଙ୍ଗିଥିଲେ। ପ୍ରଥମେ ପୋଲିସ ଉପରକୁ ଗୁଳିମାଡ଼ କରିଥିଲେ ୩ ଖଲିସ୍ତାନୀ ଆତଙ୍କବାଦୀ। ପୋଲିସର ପାଲଟା ଜବାବରେ ୩ଆତଙ୍କୀ ନିହତ ହୋଇଛନ୍ତି । ମୃତ ୩ ଆଙ୍କବାଦୀ ହେଲେ ଗୁରବିନ୍ଦର ସିଂହ, ଜସନପ୍ରିତ ସିଂହ ଏବଂ ବୀରେନ୍ଦ୍ର ସିଂହ। ସମସ୍ତ ଖଲିସ୍ତାନୀ କମାଣ୍ଡ ଫୋର୍ସର ସଦସ୍ୟ ।
ଗତ ଡିସେମ୍ବର ୧୯ ତାରିଖରେ ପଞ୍ଚାବ ଗୁରୁଦାସପୁରର ଏକ ପୋଲିସ ପୋଷ୍ଟ ଉପରେ ଗ୍ରେନେଡ ଓ ବୋମା ମାଡ଼ କରିଥିଲେ । ସେହିଦିନରୁ ଏମାନଙ୍କୁ ଖୋଜୁଥିଲା ପୋଲିସ । ଏମାନେ ପିଲିଭିତ ଅଞ୍ଚଳରେ ଉପସ୍ଥିତ ଥିବା ଜାଣିବା ପରେ ମିଳିତ ଅପରେସନ କରିଥିଲା ପୋଲିସ ।