ଢ଼ାକା: ବାଂଲାଦେଶର ଷ୍ଟାର ବ୍ୟାଟ୍ସମ୍ୟାନ ତାମିମ ଇକବାଲ ପୂନର୍ବାର ଆନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି । ୨୦୨୩ରେ ସେ ହଠାତ ଏକ ପ୍ରେସ କନଫେରେନ୍ସ କରି ଅବସର ଘୋଷଣା କରିଥିଲେ । ବାଂଲାଦେଶର ତତ୍କାଳୀନ ପ୍ରଧାନମନ୍ତ୍ରୀ ଶେଖ ହସୀନା ହସ୍ତକ୍ଷେପ କରିବା ଯୋଗୁ ସେ ତାଙ୍କ ନିଷ୍ପତିରୁ ଓହରି ଯାଇଥିଲା । ଚାମ୍ପିୟନ୍ସ ଟ୍ରଫି ପାଇଁ ବାଂଲାଦେଶ ଦଳ ଘୋଷଣା କରାଯାଇଥିଲା । ଚୟନ କମିଟି ତାଙ୍କୁ ଦଳରେ ସାମିଲ ହେବା ପାଇଁ ଅନୁରୋଧ କରିଥିଲେ । ମାତ୍ର ତାମିମ ଅବସର ନେବେ ବୋଲି ଜିଦ ଧରିଥିଲେ ।
ମୁଁ ଦୀର୍ଘ ଦିନ ହେବ ଆନ୍ତର୍ଜାତୀୟ କ୍ରିକେଟଠାରୁ ଦୂରରେ ରହିଛି । ଏହା ବଜାୟ ରଖିବି । ଆନ୍ତର୍ଜାତୀୟ କ୍ରିକେଟରେ ମୋ ଅଧ୍ୟାୟ ଶେଷ ହୋଇଯାଇଛି । ଅଧିନାୟକ ନଜମୁଲ ହୁସେନ ଶାନ୍ତୋ ମୋତେ ଅନୁରୋଧ କରିଥିଲେ ସୁଦ୍ଧା ଏବେ ଏହା ଆଉ ସମ୍ଭବପର ନୁହେଁ ବୋଲି ସେ କହିଛନ୍ତି । ୨୦୦୭ରେ ସେ ଆନ୍ତର୍ଜାତୀୟ କ୍ରିକେଟରେ ପଦାର୍ପଣ କରିଥିଲେ । ବାଂଲାଦେଶ ପକ୍ଷରୁ ତାମିମ ୭୦ ଟେଷ୍ଟ, ୨୪୩ ଦିିନିକିଆ ଓ ୭୮ ଟି୨୦ ମ୍ୟାଚ ଖେଳିଛନ୍ତି ।