ମୁମ୍ବାଇ: ପୁଣି ଫୁଲେରା ଗାଁରେ ଦେଖିବାକୁ ମିଳିବ ହାଇଡ୍ରାମା । ଗ୍ରାମୀଣ ଜୀବନ ଏବଂ ଗାଁ ସମସ୍ୟାକୁ ନେଇ ଅତି ଚମତ୍କାର ଭାବେ ନିର୍ମାଣ ହୋଇଥିବା ପଞ୍ଚାୟତ ୱେବ-ସିରିଜ ଏବେ ପଞ୍ଚାୟତ-୪କୁ ରିଲିଜ କରିବ। ତେବେ ଜୁଲାଇ ୨, ୨୦୨୫ରେ ପଞ୍ଚାୟତ-୪ ରିଲିଜ ହେବ ବୋଲି ଘୋଷଣା କରିଛନ୍ତି ନିର୍ମାତା ।
ପଞ୍ଚାୟତ ୱେବ ସିରିଜ କୋଟି କୋଟି ଦର୍ଶକଙ୍କ ପ୍ରିୟ ପାଲଟି ଯାଇଛି । ଆଉ ପଞ୍ଚାୟତର କଳାକାରଙ୍କୁ ବି ଦର୍ଶକମାନେ ବହୁତ ଭଲ ପାଇବା ଦେଇଛନ୍ତି । ପଞ୍ଚାୟତ-୪କୁ ଅପେକ୍ଷା କରି ବସିଛନ୍ତି ଦର୍ଶକ, କାରଣ ପ୍ରଧାନଜୀଙ୍କୁ କିଏ ମାରିଲା ଗୁଳି ? ସଚିବ ଜୀ କଣ ରିଙ୍କିକୁ ଏଥର ବାହାହେବେ , ସେମାନଙ୍କ ପ୍ରେମ କାହାଣୀ ? ଏସବୁ ଦେଖିବାକୁ ଦର୍ଶକ ଅପେକ୍ଷାରେ ଅଛନ୍ତି ।
ପଞ୍ଚାୟତ ସିରିଜକୁ ଚଳିତ ଥର ୫ ବର୍ଷ ପୂରଣ ହୋଇଛି । ୨୦୨୦ ମସିହାରେ ଆରମ୍ଭ ହୋଇଥିଲା ଏହି ସିରିଜ । ଯାହାର ଗୋଟେ ପରେ ଗୋଟେ ସିରିଜ ଦର୍ଶକଙ୍କ ମନ ଛୁଇଁଛି । ଏବେ ୪ର୍ଥ ସିଜିନ ଆସିବାକୁ ଯାଉଛି । ପଞ୍ଚାୟତ- ୪ ଜୁଲାଇ ୨, ୨୦୨୫ରେ ଆମାଜନ ପ୍ରାଇମ ଭିଡିଓରେ ଷ୍ଟ୍ରିମ୍ ହେବ । ନିର୍ମାତାମାନେ ସୋସିଆଲ ମିଡିଆ ମାଧ୍ୟମରେ ଏକ ଭିଡିଓ ରିଲିଜ୍ କରି ରିଲିଜ ଘୋଷଣା କରିଥିଲେ।
Comments are closed.