ନୂଆଦିଲ୍ଲୀ: ପୁଣି ସ୍ଥଗିତ ହେଲା ଆକ୍ସିଅମ୍-୪ ମିଶନ୍ । ଲଞ୍ଚ୍ ହେବାକୁ ଥିବା ଆକ୍ସିଅମ୍-୪ ମିଶନ୍ ଜୁନ ୧୧ ପର୍ଯ୍ୟନ୍ତ ସ୍ଥଗିତ।ପ୍ରତିକୂଳ ପାଗ ପାଇଁ ଆକ୍ସିଅମ୍-୪ ମିଶନ୍ ସ୍ଥଗିତ ନେଇ ISROର ସୂଚନା। ଭାରତୀୟ ମହାକାଶଚାରୀ ଗ୍ରୁପ୍ କ୍ୟାପଟେନ୍ ଶୁଭାଂଶୁ ଶୁକ୍ଲା ISS ଯିବେ। ଜୁନ୍ ୧୧ ଭାରତୀୟ ସମୟ ଅପରାହ୍ନ ୫ଟା ୩୦ରେ ଲଞ୍ଚ୍ ନେଇ ସୂଚନା।
ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ଏହାର ଅଫିସିଆଲ୍ ଏକ୍ସ ହ୍ୟାଣ୍ଡେଲରୁ ପୋଷ୍ଟ କରି ଏହି ସୂଚନା ଦେଇଛି। ଶୁଭାଂଶୁ ଶୁକ୍ଳା ଅନ୍ତର୍ଜାତୀୟ ମହାକାଶ ଷ୍ଟେସନ (ISS) ପରିଦର୍ଶନ କରିବାରେ ପ୍ରଥମ ଭାରତୀୟ ହେବାକୁ ଯାଉଛନ୍ତି। ଶୁଭାଂଶୁ ଶୁକ୍ଳାଙ୍କ ଏହି ଯାତ୍ରା ୧୯୮୪ ମସିହାରେ ରାକେଶ ଶର୍ମାଙ୍କ ଯାତ୍ରାର ଚାରି ଦଶନ୍ଧି ପରେ ଘଟୁଛି। ସେ ରୁଷିଆର ସୋୟୁଜ୍ ମହାକାଶଯାନରେ ମହାକାଶ ଯାତ୍ରା କରିଥିଲେ। ୨୦୧୮ ମସିହାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲାଲକିଲ୍ଲାରୁ ଘୋଷଣା କରିଥିଲେ ଯେ ଭାରତର ପୁଅ ଝିଅମାନେ ଖୁବ୍ ଶୀଘ୍ର ମହାକାଶକୁ ଯିବେ। ଏହା ପରେ, ୨୦୧୯ ମସିହାରେ ଶୁକ୍ଲାଙ୍କୁ ଇସ୍ରୋର ମହାକାଶଚାରୀ ଚୟନ ପ୍ରକ୍ରିୟାରେ ସାମିଲ କରାଯାଇଥିଲା।
ନାସା ଏବଂ ଭାରତର ଏକ ମିଳିତ ପ୍ରୟାସ
ଆକ୍ସିଅମ୍ ମିଶନ୍ ହେଉଛି ଆମେରିକୀୟ ମହାକାଶ ସଂସ୍ଥା ନାସା ଏବଂ ଭାରତର ISROର ଏକ ମିଳିତ ପ୍ରୟାସ। ଆକ୍ସିଅମ୍-୪ ମିଶନର କ୍ରୁ ସଦସ୍ୟମାନେ ଅନ୍ତର୍ଜାତୀୟ ମହାକାଶ ଷ୍ଟେସନକୁ ଯାତ୍ରା କରିବେ। ଏଠାରେ ସେମାନେ ପ୍ରୟୋଗଶାଳାକୁ ପରିକ୍ରମା କରିବା ସହିତ ବିଜ୍ଞାନ, ପ୍ରସାର ଏବଂ ବାଣିଜ୍ୟିକ ପ୍ରୟାସ ଉପରେ କେନ୍ଦ୍ରିତ ମିଶନ୍ କରିବେ। ଶୁଭାଂଶୁ ଶୁକ୍ଳାଙ୍କୁ ଜାନୁଆରୀ ୨୦୨୫ ରେ NASA ଏବଂ ISRO ର X-4 ମିଶନ ପାଇଁ ପାଇଲଟ୍ ଭାବରେ ମନୋନୀତ କରାଯାଇଥିଲା।
Comments are closed.