ନୂଆଦିଲ୍ଲୀ: ଇରାନ ଉପରେ ଇସ୍ରାଏଲ ଏୟାରଷ୍ଟ୍ରାଇକ କରିଛି। ଆକ୍ରମଣର କାରଣ ଜଣାପଡ଼ି ନଥିବା ବେଳେ ଇସ୍ରାଏଲର ଏହି ପଦକ୍ଷେପ ଆଉ ଏକ ଯୁଦ୍ଧର ସଙ୍କେତ ଦେଇଛି। ଇରାନ ପ୍ରତି ଆକ୍ରମଣ କଲେ ବିଶ୍ଵ ପୁଣି ଏକ ଯୁଦ୍ଧକୁ ସାମ୍ନା କରିବା ନିଶ୍ଚିତ ବୋଲି କୁହାଯାଉଛି।
ଇସ୍ରାଏଲ ରାଜଧାନୀ ତେହେରାନକୁ ଟାର୍ଗେଟ କରି ବୋମା ପକାଇଥିଲା ଇରାନ। ଏହି ଆକ୍ରମଣରେ ସମଗ୍ର ତେହେରାନ ଥରି ଉଠିଥିଲା। ଇସ୍ରାଏଲ ଇରାନର ପରମାଣୁ ସ୍ଥାନଗୁଡ଼ିକୁ ଧ୍ୱଂସ କରିଦେଇଛି। ଏହି ଆକ୍ରମଣ ଏପରି ଏକ ସମୟରେ ହୋଇଛି ଯେତେବେଳେ ତେହେରାନର ଦ୍ରୁତ ଗତିରେ ଅଗ୍ରଗତି କରୁଥିବା ପରମାଣୁ କାର୍ଯ୍ୟକ୍ରମକୁ ନେଇ ଉତ୍ତେଜନା ନୂତନ ଶିଖରରେ ପହଞ୍ଚିଛି। ଏହି ଆକ୍ରମଣରେ ଇରାନର ସେନା ମୁଖ୍ୟ ଏବଂ ପରମାଣୁ ବୈଜ୍ଞାନିକଙ୍କ ସମେତ ଅନେକ ଉଚ୍ଚ ପଦାଧିକାରୀଙ୍କ ମୃତ୍ୟୁ ହୋଇଥିବା ମଧ୍ୟ ଦାବି କରାଯାଉଛି।
ଏହି ଆକ୍ରମଣ ସମ୍ପର୍କରେ ଇସ୍ରାଏଲୀ ପ୍ରଧାନମନ୍ତ୍ରୀ ନେତାନ୍ୟାହୁ ଦାବି କରିଛନ୍ତି ଯେ ଇସ୍ରାଏଲ ଏକ ‘ଲକ୍ଷ୍ୟଯୁକ୍ତ’ ଅଭିଯାନ ଆରମ୍ଭ କରିଛି। ନେତାନ୍ୟାହୁ କହିଛନ୍ତି ଯେ ଇରାନର ପରମାଣୁ ବୈଜ୍ଞାନିକମାନଙ୍କୁ ଟାର୍ଗେଟ କରାଯାଇଛି। ଏହି ଆକ୍ରମଣରେ ଇସ୍ରାଏଲ ଇରାନର ଭାରୀ କ୍ଷତି କରିଥିବା ଦାବି କରିଛି। ଇସ୍ରାଏଲ କହିଛି ଯେ ଏହା ପରମାଣୁ ଏବଂ ସାମରିକ ସ୍ଥାନଗୁଡ଼ିକୁ ଟାର୍ଗେଟ କରିଛି। ତଥାପି, ଇରାନ ଉପରେ ଆକ୍ରମଣ କରିବା ପରେ, ଇସ୍ରାଏଲ ଏହାର ଆକାଶପଥ ବନ୍ଦ କରିଦେଇଛି।
ଅନ୍ୟପଟେ ଇରାନ ଉପରେ ଆକ୍ରମଣ ମଧ୍ୟରେ, ଇସ୍ରାଏଲୀ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଏବଂ ତାଙ୍କ ପରିବାର ଦେଶ ଛାଡି ଯାଇଥିବା ଖବର ଚର୍ଚ୍ଚା ହେଉଛି। ପ୍ରକୃତରେ, ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ସରକାରୀ ବିମାନ ୱିଙ୍ଗ ଅଫ୍ ଜୋୟନ୍ ବେନ୍ ଗଭିର ବିମାନବନ୍ଦରରୁ ଉଡ଼ୁଥିବାର ଦେଖାଯାଇଥିଲା। ଏହା ପରେ ହିଁ ଏହି ବିଷୟରେ ଆଲୋଚନା ଆରମ୍ଭ ହୋଇଛି। ଏହି ବିମାନଟି କେଉଁଠାକୁ ଯାଉଛି ତାହା ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ।
ଟାଇମ୍ସ ଅଫ୍ ଇସ୍ରାଏଲ, ଫ୍ଲାଇଟ୍ ରାଡାରକୁ ଉଦ୍ଧୃତ କରି ରିପୋର୍ଟ କରିଛି ଯେ ୱିଙ୍ଗ ଅଫ୍ ଜୋୟନ୍ ବିମାନଟି ବେନ୍ ଗ୍ଭିର୍ ବେସ୍ ରୁ ଉଡ଼ାଣ କରିଥିଲା। ବିମାନଟି କେଉଁ ଦିଗକୁ ନିଆଯାଇଛି ସେ ବିଷୟରେ ସୂଚନା ମିଳିନାହିଁ।
୨୦୧୯ ମସିହାରେ, ବେଞ୍ଜାମିନ୍ ନେତାନ୍ୟାହୁ ଆନୁଷ୍ଠାନିକ ଭାବରେ ଏହି ବିମାନଟି ଗ୍ରହଣ କରିଥିଲେ। ଏହି ବିମାନଟି ବୋଇଂ 767-300ER ମଡେଲର। ଏହାକୁ ଇସ୍ରାଏଲ ଆମେରିକାଠାରୁ କିଣିଥିଲା। ନେତାନ୍ୟାହୁ ଏହି ବିମାନରେ ଯାତ୍ରା କରନ୍ତି।
Comments are closed.