ଭାରତ-ବ୍ରିଟେନ୍ ମଧ୍ୟରେ ଐତିହାସିକ ମୁକ୍ତ ବାଣିଜ୍ୟ ଚୁକ୍ତି, ଜାଣନ୍ତୁ କ’ଣ ଶସ୍ତା ହେବ…

ନୂଆଦିଲ୍ଲୀ: ଭାରତ ଏବଂ ବ୍ରିଟେନ ଆଜି ଏକ ନୂତନ ଐତିହାସିକ ନିଷ୍ପତ୍ତି ନେଇଛନ୍ତି । ଉଭୟ ଦେଶ ଏକ ଐତିହାସିକ ମୁକ୍ତ ବାଣିଜ୍ୟ ଚୁକ୍ତିନାମା (FTA) ସ୍ୱାକ୍ଷର କରିଛନ୍ତି, ଯାହା ବ୍ୟବସାୟୀଙ୍କ ସମେତ ସାଧାରଣ ଲୋକଙ୍କୁ ବହୁତ ଲାଭ ମିଳିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତ ଏବଂ ବ୍ରିଟେନ ମଧ୍ୟରେ ହୋଇଥିବା ବ୍ୟାପକ ଅର୍ଥନୈତିକ ଏବଂ ବାଣିଜ୍ୟ ଚୁକ୍ତିନାମା (FTA)କୁ ଐତିହାସିକ ବୋଲି ଅଭିହିତ କରି କହିଛନ୍ତି ଯେ ଏହି ଚୁକ୍ତିନାମା କେବଳ ଏକ ଅର୍ଥନୈତିକ ଚୁକ୍ତି ନୁହେଁ ବରଂ ଦୁଇ ଦେଶର ସହଭାଗୀ ସମୃଦ୍ଧି ପାଇଁ ଏକ ରୋଡମ୍ୟାପ୍। ସେ କହିଥିଲେ ଯେ ଏହି ଚୁକ୍ତିନାମା ସିଧାସଳଖ ଚାଷୀ, ମତ୍ସ୍ୟଜୀବୀ, ଏମଏସଏମଇ କ୍ଷେତ୍ର, ଯୁବପିଢ଼ି ଏବଂ ଭାରତର ବିଭିନ୍ନ ଶିଳ୍ପକୁ ଲାଭ ଦେବ।

Addressing the press meet with UK PM @Keir_Starmer. https://t.co/mHEk8Fz1Q7

— Narendra Modi (@narendramodi) July 24, 2025

ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଏହି ଚୁକ୍ତିନାମା ଦ୍ବାରା, ଭାରତୀୟ ବୟନଶିଳ୍ପ,ଜୋତା-ଚପଲ, ରତ୍ନ ଏବଂ ଅଳଙ୍କାର, ସାମୁଦ୍ରିକ ଖାଦ୍ୟ ଏବଂ ଇଞ୍ଜିନିୟରିଂ ସାମଗ୍ରୀକୁ ବ୍ରିଟେନରେ ଏକ ଭଲ ବଜାର ମିଳିବ। ଏହା ବ୍ୟତୀତ, ଭାରତର କୃଷି ଉତ୍ପାଦ ଏବଂ ପ୍ରକ୍ରିୟାକୃତ ଖାଦ୍ୟ ଶିଳ୍ପ ପାଇଁ ବ୍ରିଟେନରେ ନୂତନ ସୁଯୋଗ ସୃଷ୍ଟି ହେବ।

ମୋଦୀ ଏହା ମଧ୍ୟ କହିଛନ୍ତି ଯେ, ଭାରତର ଲୋକମାନେ ଏବଂ ଶିଳ୍ପ ଜଗତକୁ ଏବେ ବ୍ରିଟେନରେ ନିର୍ମିତ ଉଚ୍ଚମାନର ଔଷଧ ଯେପରିକି ଚିକିତ୍ସା ଉପକରଣ ଉଚିତ୍ ଏବଂ ସୁଲଭ ମୂଲ୍ୟରେ ପାଇପାରିବେ। ଏହା କେବଳ ସ୍ୱାସ୍ଥ୍ୟ କ୍ଷେତ୍ରକୁ ପ୍ରୋତ୍ସାହିତ କରିବ ନାହିଁ ବରଂ ଟେକ୍ନୋଲୋଜି ଟ୍ରାନ୍ସଫର ଏବଂ ନବସୃଜନକୁ ମଧ୍ୟ ପ୍ରୋତ୍ସାହିତ କରିବ।

ଏହି ଅବସରରେ ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାର୍ମର କହିଛନ୍ତି ଯେ, ୟୁରୋପୀୟ ସଂଘରୁ ବାହାରିବା ପରେ ଏହା ବ୍ରିଟେନର ସବୁଠାରୁ ବଡ଼ ଏବଂ ଗୁରୁତ୍ୱପୂର୍ଣ୍ଣ ଅର୍ଥନୈତିକ ବାଣିଜ୍ୟ ଚୁକ୍ତି।

୨୦୨୦ରେ ବ୍ରିଟେନ ଇଉରୋପୀୟ ସଂଘ ଛାଡ଼ିଥିଲା ।

ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାର୍ମର କହିଛନ୍ତି ଯେ, ଏହା ଏକ ଚୁକ୍ତି ଯାହା ଉଭୟ ଦେଶକୁ ବିପୁଳ ଲାଭ ଦେବ, ବେତନ ବୃଦ୍ଧି ପାଇବ, ଜୀବନଧାରଣ ମାନରେ ଉନ୍ନତି ଆସିବ ଏବଂ କାମ କରୁଥିବା ଲୋକଙ୍କ ପକେଟକୁ ଅଧିକ ଟଙ୍କା ଆସିବ । ଏହା ଚାକିରି ପାଇଁ ଏକ ଭଲ ଚୁକ୍ତି ,ଏହା ବ୍ୟବସାୟ ପାଇଁ ଭଲ, ଏହା ଶୁଳ୍କ ହ୍ରାସ କରିବ ଏବଂ ବ୍ୟବସାୟ କରିବା ସହଜ କରିବ।

ଭାରତ-ୟୁକେ ମୁକ୍ତ ବାଣିଜ୍ୟ ଚୁକ୍ତିନାମା (FTA) ୨୦୩୦ସୁଦ୍ଧା ଦୁଇ ଅର୍ଥନୀତି ମଧ୍ୟରେ ବାଣିଜ୍ୟକୁ ଦ୍ୱିଗୁଣିତ କରି ୧୨୦ବିଲିୟନ ଆମେରିକୀୟ ଡଲାରରେ ପହଞ୍ଚାଇବାରେ ମଧ୍ୟ ସାହାଯ୍ୟ କରିବ।

ଚୁକ୍ତିନାମା ସ୍ୱାକ୍ଷରିତ ହେବା ପରେ, ଏହାକୁ କାର୍ଯ୍ୟକାରୀ କରିବା ପୂର୍ବରୁ ଏବେ ବ୍ରିଟିଶ ସଂସଦର ଅନୁମୋଦନ ଆବଶ୍ୟକ ହେବ। ଏହି ପ୍ରକ୍ରିୟା ପାଇଁ ପ୍ରାୟ ଗୋଟିଏ ବର୍ଷ ସମୟ ଲାଗିପାରେ।

ଏହା ସହିତ ବ୍ରିଟେନରୁ ଆସୁଥିବା ସାମଗ୍ରୀର ଆମଦାନୀ ମଧ୍ୟ ଶସ୍ତା ହେବ, ଯାହା ଦ୍ଵାରା ଭାରତୀୟମାନେ ଶସ୍ତା ହାରରେ ସାମଗ୍ରୀ ପାଇବେ। ଏହି ଜିନିଷଗୁଡ଼ିକ ମଧ୍ୟରେ…

-ହ୍ୱିସ୍କି
-ଚକୋଲେଟ୍
-ବିସ୍କୁଟ୍
-ସାଲମନ ମାଛ
-କସମେଟିକ୍ ସାମଗ୍ରୀ
-ଡାକ୍ତରୀ ଉତ୍ପାଦ
-ବିଳାସପୂର୍ଣ୍ଣ କାର

ପ୍ରଧାନମନ୍ତ୍ରୀ ମୋଦୀ ତାଙ୍କ ଅଭିଭାଷଣରେ ଗତ ମାସରେ ଅହମ୍ମଦାବାଦରେ ଘଟିଥିବା ଦୁର୍ଘଟଣାର ମଧ୍ୟ ଉଲ୍ଲେଖ କରିଥିଲେ, ଯେଉଁଥିରେ ଅନେକ ବ୍ରିଟିଶ ନାଗରିକଙ୍କ ମୃତ୍ୟୁ ହୋଇଥିଲା। ସେ ଶୋକସନ୍ତପ୍ତ ପରିବାର ପ୍ରତି ସମବେଦନା ପ୍ରକାଶ କରି କହିଛନ୍ତି ଯେ ବ୍ରିଟେନରେ ରହୁଥିବା ଭାରତୀୟ ବଂଶୋଦ୍ଭବ ଲୋକମାନେ ଦୁଇ ଦେଶ ମଧ୍ୟରେ ଏକ ଜୀବନ୍ତ ସେତୁ ସଦୃଶ। ସେମାନେ ବ୍ରିଟେନର ଅର୍ଥନୀତି, ସଂସ୍କୃତି, କ୍ରୀଡା ଏବଂ ସାର୍ବଜନୀନ ସେବାରେ ସ୍ପଷ୍ଟ ସୃଜନଶୀଳତା, ପ୍ରତିବଦ୍ଧତା ଆଣିଛନ୍ତି।

ପ୍ରଧାନମନ୍ତ୍ରୀ ମୋଦୀ ଗଣମାଧ୍ୟମ ସହିତ କଥାବାର୍ତ୍ତାରେ କହିଛନ୍ତି ଯେ, “ଆମ ଦୁହିଁଙ୍କ ପାଇଁ କ୍ରିକେଟ କେବଳ ଏକ ଖେଳ ନୁହେଁ ବରଂ ଏକ ଉତ୍ସାହ ଏବଂ ଆମର ସହଭାଗୀର ଏକ ମହାନ ପ୍ରତୀକ।