ଭୁବନେଶ୍ୱର: ବାତ୍ୟା ମୋନ୍ଥା ଯୋଗୁଁ ସୃଷ୍ଟି ହୋଇଥିବା ସ୍ଥିତିକୁ ଦେଖି ଯୁକ୍ତ ୨ ପରୀକ୍ଷା ୨୦୨୬ ପାଇଁ ଫର୍ମ ପୂରଣର ଶେଷ ତାରିଖକୁ ନଭେମ୍ବର ୩ ପର୍ଯ୍ୟନ୍ତ ବୃଦ୍ଧି କରାଯାଇଛି।
ଓଡ଼ିଶାର ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚଏସଇ) ପୂର୍ବରୁ ଆବେଦନ ଫର୍ମ ଦାଖଲର ଶେଷ ତାରିଖ ଅକ୍ଟୋବର ୨୮ ତାରିଖ ଧାର୍ଯ୍ୟ କରିଥିଲା। ଫର୍ମ ପୂରଣ ତାରିଖ ବୃଦ୍ଧି ସହିତ SBI କଲେକ୍ଟ ମାଧ୍ୟମରେ ଫି ପେମେଣ୍ଟର ଶେଷ ତାରିଖ ମଧ୍ୟ ନଭେମ୍ବର ୩ ତାରିଖକୁ ବୃଦ୍ଧି କରାଯାଇଛି।
ସୂଚନା ଅନୁଯାୟୀ, ବାତ୍ୟା ଯୋଗୁଁ ସୃଷ୍ଟି ହୋଇଥିବା ସମସ୍ୟା ପାଇଁ ଅନେକ ଉଚ୍ଚ ମାଧ୍ୟମିକ ବିଦ୍ୟାଳୟ ଫର୍ମ ପୂରଣ ତାରିଖ ବୃଦ୍ଧି କରିବାକୁ ସିଏଚଏସଇକୁ ନିବେଦନ କରିଥିଲେ। ଏକ ସରକାରୀ ବିଜ୍ଞପ୍ତି ଅନୁଯାୟୀ, “୨୦୦ ଟଙ୍କା ଏବଂ ୬୦୦ ଟଙ୍କା ଜରିମାନା ସହିତ ଫର୍ମ ପୂରଣ ଏବଂ ନାମଲେଖା ସମ୍ପର୍କରେ ପୂର୍ବରୁ ସୂଚିତ ସମସ୍ତ ତାରିଖ ଅପରିବର୍ତ୍ତିତ ରହିଛି।”
Comments are closed.