ଯାଜପୁର: ଯାଜପୁର ଜିଲ୍ଲା ବୈରୀ ନିକଟ ବିଦ୍ୟାଧରପୁର ଗ୍ରାମରେ ସୋମବାର ଦିନ ପୋଲିସ ପକ୍ଷରୁ ଏକ ନକଲି ଗୁଟଖା ତିଆରି କାରଖାନା ଠାବ କରାଯାଇଛି । ଏହି ଘଟଣାରେ ୪ ଜଣକୁ ଗିରଫ କରାଯାଇଛି ।
ପ୍ରାପ୍ତ ସୂଚନାନୁଯାୟୀ କୌଣସି ସୁତ୍ରରୁ ଖବର ପାଇ ସଦର ଏସଡିପିଓ ଚିନ୍ମୟ ନାୟକ ଓ ଡିଏସପି ଦୀପକ ଗୋଚ୍ଛାୟତଙ୍କ ନେତୃତ୍ୱରେ ପୋଲିସର ଏକ ଟିମ୍ ଓ ଅବକାରୀ ବିଭାଗର ଏକ ସ୍କ୍ୱାଡ୍ ଆଜି ସକାଳେ ଉକ୍ତ ଗ୍ରାମରେ ପହଞ୍ଚି ଚଢାଉ କରିଥିଲେ । ଚଢାଉ ବେଳେ ଉକ୍ତ କାରଖାନାରୁ ଖାଲି ଟିଣ, ତମ୍ବାକୁ ସମେତ କିଛି ମେସିନ୍ ମଧ୍ୟ ଜବତ କରିଥିଲେ ।
ଏହି ନକଲି ୟୁନିଟ୍ ବ୍ରାଣ୍ଡେଡ୍ କମ୍ପାନୀ ନାମରେ ଗୁଟଖା ଉତ୍ପାଦନ କରି ବିକ୍ରି କରୁଥିବା ନେଇ ପୋଲିସ ସୁତ୍ରରୁ ପ୍ରକାଶ ।
Comments are closed.