ବଲାଙ୍ଗିର: ମାନବ ଚାଲାଣ ବିରୋଧରେ ଏକ ବଡ଼ ସଫଳତା ହାସଲ କରିଛି ପୋଲିସ। ବଲାଙ୍ଗୀର ଜିଲ୍ଲାର ଖପ୍ରାଖୋଲ ଅଞ୍ଚଳରେ ଦୁଇ ଶିଶୁ ସମେତ ଦଶ ଜଣଙ୍କୁ ଉଦ୍ଧାର କରିଛି। ସେମାନଙ୍କୁ ବିଜୟୱାଡାରେ ଶ୍ରମିକ ଭାବରେ ନିୟୋଜିତ କରିବାକୁ ନିଆଯାଉଥିବା ଜଣାପଡ଼ିଛି।
ସୂଚନା ଅନୁଯାୟୀ, ଖପ୍ରାଖୋଲ ପୋଲିସ ଏହି ଅଞ୍ଚଳରେ ଅବୈଧ ମାନବ ଚାଲାଣ ବିରୋଧରେ ଅଭିଯାନ ଚଳାଇଥିଲା। ଫଳରେ ବଡ଼ଗୁର୍ଜିଭଟା ଗାଁ ନିକଟରେ ଦଶ ଜଣ ଶ୍ରମିକଙ୍କୁ ଉଦ୍ଧାର କରିଛି।
ପୋଲିସ ଘଟଣାସ୍ଥଳରୁ ଶ୍ରମିକ ଠିକାଦାର ଘନଶ୍ୟାମ ସବର ଏବଂ ଡ୍ରାଇଭର ତୱାସିର ମହମ୍ମଦଙ୍କୁ ମଧ୍ୟ ଗିରଫ କରିଛି। ପ୍ରାଥମିକ ତଦନ୍ତରୁ ଜଣାପଡିଛି ଯେ ବେଆଇନ ଅଗ୍ରିମ ମାଧ୍ୟମରେ ନିଯୁକ୍ତି ପରେ ଶ୍ରମିକମାନଙ୍କୁ ବିଜୟୱାଡାକୁ ଚାଲାଣ କରାଯାଉଥିଲା। ଏକ ଗାଡ଼ି ମଧ୍ୟ ଜବତ କରାଯାଇଛି।
ଅଭିଯୁକ୍ତ ଉଭୟ ନୂଆପଡା ଜିଲ୍ଲାର କୋମନା ଥାନା ଅନ୍ତର୍ଗତ ସୁଖାଲିମୁଣ୍ଡା ଗାଁର ବୋଲି ଜଣାପଡ଼ିଛି।
Comments are closed.