ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡା: ସନ୍ତରଣରେ ସାବିତ୍ରୀ, ଆର୍ଯ୍ୟଙ୍କୁ ପଦକ

ନୂଆଦିଲ୍ଲୀ: ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡାର ସନ୍ତରଣ ବିଭାଗରେ ପୁଣେର ସାବିତ୍ରୀ ବାଇ ୫୦ ମିଟର ବ୍ୟାକଷ୍ଟ୍ରୋକରେ ରୌପ୍ୟ ଏବଂ ଆର୍ଯ୍ୟା ରାଜଗୁରୁ ବଟରଫ୍ଲାଏରେ ସ୍ୱର୍ଣ୍ଣ ପଦକ ହାସଲ କରିଛନ୍ତି । ଆର୍ଯ୍ୟା ପୂର୍ବରୁ କେତେକ ଅନ୍ତର୍ଜାତୀୟ ପ୍ରତିଯୋଗିତାରେ ଭାଗ ନେଇଥିଲେ ମଧ୍ୟ ବିଶେଷ ସଫଳତା ହାସଲ କରି ନ ଥିଲେ । ଖେଲୋ ଇଣ୍ଡିଆରେ ଭଲ ପ୍ରଦର୍ଶନ ମୋ ମନୋବଳ ବଢ଼ାଇଛି ବୋଲି ସେ କହିଛନ୍ତି । ସେହିପରି ମୁମ୍ବାଇ ବିଶ୍ୱବିଦ୍ୟାଳୟର ଜ୍ୟୋତି ପ୍ରଭାବୀ ପ୍ରଦର୍ଶନ କରି ୪ ପଦକ ହାସଲ କରିସାରିଛନ୍ତି ।