ଏଣିକି ବାଇକ ସହ ଡବଲ ହେଲ୍‌ମେଟ୍ ବାଧ୍ୟ, ଜାଣନ୍ତୁ କେଉଁଠି ଲାଗୁ ହେଲା ଏହି ନିୟମ

ମହାରାଷ୍ଟ୍ର: ଏଣିକି ବାଇକ କିଣିବା ସହ ଡବଲ ହେଲ୍‌ମେଟ୍ ବାଧ୍ୟତାମୂଳକ । ଯଦି ଗାଡି କିଣୁଛନ୍ତି ତେବେ ସାଥିରେ ଗୋଟିଏ ନୁହେଁ ଦୁଇଟି ହେଲମେଟ୍ କିଣିବାକୁ ପଡିବ । ନଚେତ ଆପଣଙ୍କ ଗାଡିର ରେଜିଷ୍ଟ୍ରେସନ ହେବ ନାହିଁ ।
ଏପରିକି ଗାଡି ରେଜିଷ୍ଟ୍ରେସନ ପୂର୍ବରୁ ଆବେଦନକାରୀଙ୍କ ନିକଟରେ ଦୁଇଟି ହେଲ୍‌ମେଟ୍ ଅଛି କି ନାହିଁ, ତାର ପ୍ରମାଣ ମଧ୍ୟ ଦେଖାଇବାକୁ ପଡିବ । ଉଭୟ ଗାଡି ଚାଳକ ଓ ଯାତ୍ରୀଙ୍କ ସୁରକ୍ଷାକୁ ନଜରରେ ରଖି ଏଭଳି ନୂଆ ନିୟମ ଲାଗୁ କରିଛନ୍ତି ମହାରାଷ୍ଟ୍ର ସରକାର ।
ନୂଆ ମୋଟରଯାନ ଆଇନ ଅନୁଯାୟୀ ଦୁଇ ଚକିଆ ଗାଡି କିଣିବା ସମୟରେ ଗ୍ରାହକଙ୍କୁ କମ୍ପାନୀ ପକ୍ଷରୁ ଏକ ସୁରକ୍ଷାତ୍ମକ ହେଲମେଟ ଦେବା ବାଧ୍ୟତାମୂଳକ କରାଯାଇଛି । ଏହି ନିୟମକୁ ରାଜ୍ୟରେ କଡାକଡି ଭାବେ ଲାଗୁ କରିବାକୁ ମହାରାଷ୍ଟ୍ର ସରକାର ନିର୍ଦ୍ଦେଶ ଦେଇଛନ୍ତି ।