ସିଲ୍ ହେଲା ଭୁବନେଶ୍ୱରର ସୁନ୍ଦରପଦା ଅଂଚଳ

ଭୁବନେଶ୍ୱର: ସିଲ୍ ହେଲା ଭୁବନେଶ୍ୱରର ସୁନ୍ଦରପଦା ଅଂଚଳ । କପିଳ ପ୍ରସାଦ ଓ ଏବରଙ୍ଗ ସମେତ ପୁରା ସୁନ୍ଦରପଦା ଅଂଚଳକୁ ସିଲ୍ କରାଯାଇଛି । ରବିବାର କପିଳ ପ୍ରସାଦ ଅଂଚଳରୁ ଜଣେ କରୋନା ପଜିଟିଭ ଚିହ୍ନଟ ହେବା ପରେ ବିଏମ୍ସି ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି ।
ସୁନ୍ଦରପଦା ମ୍ୟୁନିସିପାଲଟି ହସ୍ପିଟାଲ ଛକଠାରୁ କାଳୁଆଶୁଣି ମନ୍ଦିର, କାଳୁଆଶୁଣି ମନ୍ଦିରରୁ ଟାଟା ପ୍ରୋଜେକ୍ଟ ଏସ୍‌ଇଟିପି ସେହିପରି ଟାଟା ପ୍ରୋଜେକ୍ଟ ଏସ୍‌ଇଟିପି ଠାରୁ ସରକନ୍ତରା ନ୍ୟୁ କଲର୍ଭଟ ଯାଏଁ ସିଲ୍ ହୋଇଛି । ଏହି ପୁରା ଅଂଚଳକୁ ଅବରୋଧ ଘୋଷଣା କରାଯାଇଛି । ଏହି ଅଂଚଳ ଦେଇ ପ୍ରବେଶ ଓ ପ୍ରସ୍ଥାନ ମନା ହୋଇଛି ।
କେବଳ ଅତ୍ୟାବଶ୍ୟକ ସାମଗ୍ରୀ ଦୋକାନକୁ ଛାଡି ଦେଲେ ଆଉ ସମସ୍ତ ଦୋକାନ ବଜାର ବନ୍ଦ ରହିଛି । ଘରୁ ପଦାକୁ ବାହାରିବା ପାଇଁ ସମସ୍ତ ଅଂଚଳବାସୀଙ୍କୁ ମନା କରାଯାଇଛି ।