ନୂଆଦିଲ୍ଲୀ: ଦେଶରେ କରୋନା ମୁକାବିଲା ଲାଗି କେନ୍ଦ୍ର ସରକାର ନୂଆ ରଣନୀତି ଅବଲମ୍ବନ କରିଛନ୍ତି। ଏଥିରେ ଦେଶର ୧୭୦ଟି ଜିଲ୍ଲାକୁ କୋଭିଡ ହଟ୍ସ୍ପଟ୍ ଚିହ୍ନଟ କରାଯାଇଥିବା ଏଗୁଡିକୁ ରେଡ୍ ଜୋନରେ ରଖାଯାଇଛି। ଏହି ରେଡ୍ ଜୋନ୍ ଭିତରେ ଅଛନ୍ତି ଦିଲ୍ଲୀ, ମୁମ୍ବାଇ, ବେଙ୍ଗାଲୁରୁ, ହାଇଦ୍ରାବାଦ, ଚଣ୍ଡିଗଡ, ଶ୍ରୀନଗର, ନାଗପୁର, ପୁଣେ ଓ ଇନ୍ଦୋର ଆଦି ସହର ।
ଏହି ରେଡ୍ ଜୋନ୍ ଅଚଂଳରେ କଟକଣା ଆହୁରି କଡାକଡି କରାଯିବ । ଏହି ସବୁ ସହରାଞ୍ଚଳରେ ଏବେ ସରକାରଙ୍କ ଗାଇଡଲାଇନ ଅନୁସାରେ କରୋନା ମୁକାବିଲା କରାଯିବ ବୋଲି ଗୃସଚିବ ଅଜୟ ଭଲ୍ଲାଙ୍କ ଉପସ୍ଥିତିରେ ଅନୁଷ୍ଠିତ କ୍ୟାବିନେଟ୍ ସଚିବ ରାଜିବ ଗୁଭା ଭିଡିଓ କନଫରେନସିଂରେ କହିଛନ୍ତି।
ସେହିପରି ଅଣ ହଟ୍ସ୍ପଟ୍ ଜିଲ୍ଲାଙ୍କୁ ହ୍ୱାଇଟ୍ ଜୋନରେ ରଖାଯାଇଥିବା ବେଳେ ଏଥିରେ ୩୫୩ଟି ଜିଲ୍ଲା ଅଛନ୍ତି । ସେହିପରି ଯେଉଁ ଜିଲ୍ଲାକୁ କରୋନା ଛୁଇଁ ନାହିଁ ସେହି ସବୁ ଜିଲ୍ଲାକୁ ଗ୍ରୀନ ଜୋନରେ ରଖିଛନ୍ତି ସରକାର। ଏ ନେଇ ବୁଧବାର ଭିଡିଓ କନଫରେନସିଂ ମାଧ୍ୟମରେ ବିଭିନ୍ନ ରାଜ୍ୟର ମୁଖ୍ୟଶାସନ ସଚିବ, ଡିଜିପି, ସ୍ୱାସ୍ଥ୍ୟ ସଚିବ, ଜିଲ୍ଲାପାଳ, ଏସପି, ନଗରପାଳ ଓ ମୁଖ୍ୟମନ୍ତ୍ରୀଙ୍କ କାର୍ୟ୍ୟାଳୟଙ୍କ ସହ ଆଲୋଚନା ହୋଇଛି। ଏଥିରୁ ଏପ୍ରିଲ ୨୦ ତାରିଖ ପରେ ଯଦି ହ୍ୱାଇଟ୍ ଜୋନରେ ଥିବା ଦେଶର ୨୫୩ଟି ଜିଲ୍ଲାରେ ନୂଆ ସଂକ୍ରମିତ ନ ଆସନ୍ତି ତେବେ ସେହି ସବୁ ଜିଲ୍ଲାକୁ ହୁଏତ କଟକଣା ମୁକ୍ତ କରାଯାଇପାରେ ବୋଲି ଅନୁମାନ କରାଯାଉଛି।
Comments are closed.