ଭୁବନେଶ୍ୱର: କରୋନା ମୁକାବିଲା ମଧ୍ୟରେ କୁନି କୁନି ସ୍କୁଲ ପିଲାଙ୍କ ପାଇଁ ମୁଖ୍ୟମନ୍ତ୍ରୀ ବାର୍ତ୍ତା ଦେଇଛନ୍ତି । କରୋନାକୁ ଡରିବା ନାହିଁ, ସାହାସର ସହ ସମସ୍ତେ ମିଳିମିଶି ଲଢ଼ିବା ବୋଲି ନବୀନ କହିଛନ୍ତି ।
ଆମେ ସମସ୍ତେ ହାତ ଧୋଇବା । ବାପା, ମା’ଙ୍କୁ ହାତ ଧୋଇବାକୁ ଏବଂ ଘରେ ରହିବାକୁ କହିବା । ବାହାରକୁ ଯିବାକୁ ହେଲେ ମାସ୍କ ପିନ୍ଧିବାକୁ କହିବା । ଭାଇ ଭଉଣୀଙ୍କ ସାଙ୍ଗରେ ଝଗଡା ଲାଗିବା ନାହିଁ । ମନକୁ ଖୁସି ରଖିବା । ଗପ ବହି ପଢ଼ିବା, ଚିତ୍ର ଆଙ୍କିବା ଏବଂ ଏ ବର୍ଷର ସ୍କୁଲ ବହିକୁ କାଢ଼ି ଆଉଥରେ ପଢ଼ିବା । ସବୁ ସପ୍ତାହରେ ନୂଆ କଥାଟିଏ ଶିଖିବାକୁ ଚେଷ୍ଟା କରିବା ବୋଲି ନବୀନ ପିଲାଙ୍କୁ ବାର୍ତ୍ତା ଦେଇଛନ୍ତି ।
ସେହିପରି ପିଲାଙ୍କୁ ସେ ଧର୍ମପଦ ଓ ବାଜି ରାଉତଙ୍କ ଉଦାହାରଣ ଦେଇଛନ୍ତି । କୋଣାର୍କ ମୁଣ୍ଡି ମାରିବାକୁ ସମସ୍ତେ ଡରିଥିଲେ । ହେଲେ ୧୨ ଧରମା କୋଣାର୍କ ମୁଣ୍ଡି ମାରିଥିଲା । ଠିକ୍ ସେହିପରି ୧୨ ବର୍ଷର ପୁଅ ବାଜି ରାଉତ ଇଂରେଜଙ୍କୁ ଛାଡି ନଥିଲା । ଆମେ ସବୁ ଧରମା ଓ ବାଜିଙ୍କ ପରି ସାହସୀ ହେବା ବୋଲି ମୁଖ୍ୟମନ୍ତ୍ରୀ କହିଛନ୍ତି ।
Comments are closed.