ଭୁବନେଶ୍ୱର: ପୁଣି ଝଲସିବ ଶ୍ରୀମନ୍ଦିର ଓ ଲିଙ୍ଗରାଜ ମନ୍ଦିର । ଆରମ୍ଭ ହେବ ପୁରୀ ଓ ଲିଙ୍ଗରାଜ ମନ୍ଦିର ଉନ୍ନତି କାମ । ଏନେଇ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିଡିଓ କନଫରେନ୍ସିଂ ଜରିଆରେ ଜିଲ୍ଲାପାଳ ଓ ବରିଷ୍ଠ ଅଧିକାରୀଙ୍କ ସହ ଅଲୋଚନା ପରେ ପୂର୍ବଭଳି ନିର୍ମାଣ କାମ ଆରମ୍ଭ କରିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।
ମନ୍ଦିରର ଚତୁଃପାଶ୍ୱର୍ରୁ ଉଚ୍ଛେଦ ସହ ସୌନ୍ଦର୍ୟ୍ୟକରଣ କାମ ଆରମ୍ଭ ହେବ । ଲକଡାଉନ ପାଇଁ ବିକାଶ କାମ ବନ୍ଦ ଥିବାରୁ ଏବେ ପୁଣି କାମ ଆରମ୍ଭ କରିବାକୁ ନବୀନ କହିଛନ୍ତି । କରୋନା ଓ ତାଲାବନ୍ଦ ପାଇଁ ୨ ମାସ ହେବ ବନ୍ଦ ଥିଲା ନିର୍ମାଣ କାମ । ତେବେ ଏହି କାର୍ଯ୍ୟକୁ ଚଳିତ ମାସ ୨୯ରୁ ପୁନର୍ବାର ଆରମ୍ଭ କରାଯିବ । କରୋନା ସଂକ୍ରମଣକୁ ପ୍ରତିହତ କରିବା ପାଇଁ କାର୍ଯ୍ୟ ସମୟରେ ସାମାଜିକ ଗୁରୁତ୍ୱ ଏବଂ ଅନ୍ୟ ଗାଇଡ୍ଲାଇନ୍କୁ କଡ଼ାକଡ଼ି ଭାବେ ପାଳନ କରିବାନେଇ ମୁଖ୍ୟମନ୍ତ୍ରୀ ଗୁରୁତ୍ୱାରୋପ କରିଛନ୍ତି ।
Comments are closed.