ବେଙ୍ଗାଲୁରୁ: ବିଜୟପୁରାରୁ ବେଙ୍ଗାଲୁରୁ ଅଭିମୁଖେ ଯାଉଥିବା ଏକ ଚଳନ୍ତା ବସରେ ଅଗ୍ନିକାଣ୍ଡ। ବୁଧବାର ସକାଳୁ କର୍ଣ୍ଣାଟକର ଚିତ୍ରାଦୁର୍ଗା ଜିଲ୍ଲା ଦେଇ ଯାଇଥିବା ରାଜପଥରେ ବସ ଟି ଯାଉଥିବା ସମୟରେ ଏଥିରେ ନିଆଁ ଲାଗିଯାଇଥିବା ସୂଚନା ମିଳିଛି । ଏହି ଦୁର୍ଘଟଣାରେ ପାଞ୍ଚ ଜଣ ଜୀବନ୍ତ ଦଗ୍ଧ ହୋଇଯାଇଥିବା ଜଣାପଡିଛି।
ସୂଚନା ଅନୁଯାୟୀ, ୩୨ ଜଣ ଯାତ୍ରୀଙ୍କୁ ନେଇ ଯାଉଥିବା ଏହି ଘରୋଇ ବସ ଟି ରେ ହିରିୟୁର ନିକଟସ୍ଥ ୪ ନମ୍ବର ଜାତୀୟ ରାଜପଥରେ କୌଣସି କାରଣ ବଶତଃ ନିଆଁ ଲାଗି ଯାଇଥିଲା ।
ମୃତକଙ୍କ ମଧ୍ୟରେ ଦୁଇ ଶିଶୁ ଏବଂ ଜଣେ ମହିଳା ଥିବା ଜଣାପଡ଼ିଛି। ଇଞ୍ଜିନ ସମସ୍ୟା ଯୋଗୁଁ ବସଟିରେ ନିଆଁ ଲାଗି ଯାଇଥିବା କୁହାଯାଉଛି। ହିରିୟୁର ଏସପି ରାଧିକା ଦୁର୍ଘଟଣାସ୍ଥଳ ପରିଦର୍ଶନ କରି ଘଟଣାର ତଦାରଖ କରିଛନ୍ତି। ସମସ୍ତ ଆହତଙ୍କୁ ଉଦ୍ଧାର କରି ଜିଲ୍ଲା ସରକାରୀ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ନେଇ ସୂଚନା ମିଳିଛି ।
Comments are closed.