ରାୟଗଡା: ରାୟଗଡା ବ୍ଲକ୍ ଡାଙ୍ଗୋଲୋଡ଼ି ଗ୍ରାମ ପଞ୍ଚାୟତର ପେନିକଣା ଗ୍ରାମର ଆବାସିକ ସରକାରୀ ଉଚ୍ଚ ବିଦ୍ୟାଳୟର ଦଶମ ଶ୍ରେଣୀ ଛାତ୍ର ଲିଙ୍ଗରାଜ ନାଏକ ଦଶ ଦିନ ହେଲା ନିଖୋଜ ଅଛନ୍ତି।
ସୂଚନା ମୁତାବକ କାଶିପୁର ବ୍ଲକ ବେନ୍ଦଲ ପାସ ଗ୍ରାମ ବାସିନ୍ଦା ଚିତ୍ର ନାଏକଙ୍କ ପୁଅ ଲିଙ୍ଗରାଜ ନାଏକ ପେନିକଣା ଆବାସିକ ସରକାରୀ ଉଚ୍ଚ ବିଦ୍ୟାଳୟରେ ଦଶମ ଶ୍ରେଣୀ ପାଠ ପଢୁଛି । ସେ ଅଗଷ୍ଟ ମାସ ୧୭ ତାରିଖ ଦିନରୁ ପେନିକଣା ବିଦ୍ୟାଳୟରୁ ନିଖୋଜ ଅଛି ।
ଲିଙ୍ଗରାଜ ନାଏକଙ୍କ ଭଉଣୀ ଧର୍ମେନ୍ଦ୍ରି ନାଏକ ମଧ୍ୟ ଉକ୍ତ ବିଦ୍ୟାଳୟର ଦଶମ ଶ୍ରେଣୀ ଛାତ୍ରୀ । ଧର୍ମେନ୍ଦ୍ରିଙ୍କ ଠାରୁ ଖବର ପାଇ ବାପା ଚିତ୍ର ନାଏକ ବିଦ୍ୟାଳୟ ରେ ପହଞ୍ଚି ଲିଙ୍ଗରାଜଙ୍କ ବିଷୟରେ ଜାଣିବାକୁ ଚାହିଁଥିଲେ ।
ତେବେ ପ୍ରଧାନ ଶିକ୍ଷକ ଶ୍ରୀ ଡମ୍ବୁରୁଧର କନ୍ଧପାଣିଙ୍କ ସୂଚନା ଅଧାରରେ ଲିଙ୍ଗରାଜ ନିଜ ଘରକୁ ଯିବ କହି ଯାଇଥିବା ଜଣାପଡିଥିଲା । ତେବେ ସେ ଘରକୁ ନଯାଇ କେଉଁଆଡେ ନିଖୋଜ ହୋଇଥିବା ଥିବା ଜଣାପଡିବା ପରେ ବିଦ୍ୟାଳୟ ପ୍ରଧାନ ଶିକ୍ଷକ ଡମ୍ବୁରୁଧର କନ୍ଧପାଣି ଓ ବାପା ଚିତ୍ର ନାଏକ ଥାନାରେ ଏତାଲା ଦେଇଛନ୍ତି ।
ତେବେ ଦୀର୍ଘଦିନ ଧରି ଛାତ୍ର ନିଖୋଜ ନେଇ କିପରି ସ୍କୁଲ କତୃପକ୍ଷ ଜାଣିପାରିଲେଣି ବୋଲି ପରିବାର ଲୋକେ ଅଭିଯୋଗ କରିବାସହ ଏଥିପାଇଁ ବିଦ୍ୟାଳୟ ଶିକ୍ଷକଙ୍କୁ ଦାୟୀ କରିଛନ୍ତି । ଶେଷଖାଲ ଥାନା ପୋଲିସ ଏବଂ ଜିଲ୍ଲା ମଙ୍ଗଲ ଅଧିକାରୀ ଅଶୋକ କୁମାର ଶତପଥି ପେନିକଣା ସରକାରୀ ଉଚ୍ଚ ବିଦ୍ୟାଳୟ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
Comments are closed.