ମୁମ୍ବାଇ: ଆଜି ସକାଳେ ମୁମ୍ବାଇର ଗୋରେଗାଓଁ ସ୍ଥିତ ଫିଲ୍ମ ସିଟିରେ ଅଗ୍ନିକାଣ୍ଡ ଘଟିଛି । ଲୋକପ୍ରିୟ ଟିଭି ଶୋ ‘ଅନୁପମା’ ସେଟରେ ହଠାତ୍ ନିଆଁ ଲାଗିଯିବାରୁ ସେଟ୍ ଟି ସମ୍ପୂର୍ଣ୍ଣ ଡଳିପୋଡି ପାଇଁଶ ହୋଇଯାଇଛି । ଘଟଣାଟି ସକାଳ ପ୍ରାୟ ୫ଟା ସମୟରେ ଘଟିଥିଲା, ଯେତେବେଳେ ସେଟରେ ଉପସ୍ଥିତ କିଛି ଲୋକ ଧୂଆଁ ଉଠିବା ଦେଖି ତୁରନ୍ତ ଅଗ୍ନିଶମ ବାହିନୀକୁ ଖବର ଦେଇଥିଲେ ।
ତେବେ ଆଶ୍ୱସ୍ତିର କଥା ହେଉଛି ଯେ ଏହି ଦୁର୍ଘଟଣାରେ କୌଣସି ଜୀବନହାନି ହୋଇନାହିଁ ଏବଂ ସମସ୍ତ ଅଭିନେତା ଏବଂ କ୍ରୁ ମେମ୍ବର ସୁରକ୍ଷିତ ଭାବରେ ବାହାରକୁ ଆସିପାରିଛନ୍ତି । ଘଟଣାସ୍ଥଳକୁ ଅଗ୍ନିଶମ ବାହିନୀର ଏହାଧିକ ଗାଡ଼ି ପହଞ୍ଚି ବହୁତ ଚେଷ୍ଟା ପରେ ନିଆଁକୁ ନିୟନ୍ତ୍ରଣ କରାଯାଇଥିଲା । ନିଆଁ ପୁଣି ଯେପରି ନ ବ୍ୟାପୁ ବର୍ତ୍ତମାନ, ଅଞ୍ଚଳରେ କୁଲିଂ ଅପରେସନ୍ ଚାଲିଛି ।
ପ୍ରଶାସନ ଏବଂ ପୋଲିସ ଟିମ୍ ଘଟଣାସ୍ଥଳରେ ଉପସ୍ଥିତ ଅଛନ୍ତି ଏବଂ ଅଗ୍ନିକାଣ୍ଡର କାରଣ ତଦନ୍ତ କରାଯାଉଛି ।
ତେବେ ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ହୋଇଥାଇପାରେ ବୋଲି ଅନୁମାନ କରାଯାଉଛି । ହେଲେ ତଦନ୍ତ ଶେଷ ହେବା ପରେ ହିଁ ଏହା ନିଶ୍ଚିତ ହୋଇପାରିବ । ‘ଅନୁପମା’ ଏକ ଲୋକପ୍ରିୟ ଟେଲିଭିଜନ ଧାରାବାହିକ, ଯାହାକୁ ପ୍ରତିଦିନ ଲକ୍ଷ ଲକ୍ଷ ଦର୍ଶକ ଦେଖନ୍ତି । ଏପରି ଘଟଣା କେବଳ ସେଟ୍କୁ କ୍ଷତି ପହଞ୍ଚାଏ ନାହିଁ ବରଂ ସୁଟିଂ ସମୟକୁ ମଧ୍ୟ ପ୍ରଭାବିତ କରିପାରେ । ନିର୍ମାତାମାନଙ୍କ ଦ୍ବାରା ଖୁବ୍ ଶୀଘ୍ର ଆହୁରି ଯୋଜନା ସେୟାର କରିବାର ସମ୍ଭାବନା ଅଛି । ଏହି ସମ୍ପର୍କରେ, ଅଲ୍ ଇଣ୍ଡିଆ ସିନେ ୱାର୍କର୍ସ ଆସୋସିଏସନ୍ ସୂଚନା ସେୟାର କରିଛି ଏବଂ ଏକ କଡ଼ା ତଦନ୍ତ ଦାବି କରିଛି ।
Massive Fire Breaks Out on the Set of ‘Anupamaa’ in Mumbai’s Film City – AICWA Demands High-Level Investigation and Accountability
Mumbai, 23rd June 2025 – A major fire broke out early this morning at 5:00 AM on the set of the popular television serial Anupamaa in Film City,… pic.twitter.com/KjxXGyM9mn
— All Indian Cine Workers Association (@AICWAOfficial) June 23, 2025
ଅଲ୍ ଇଣ୍ଡିଆ ସିନେ ୱାର୍କର୍ସ ଆସୋସିଏସନର ପ୍ରଥମ ପୋଷ୍ଟରେ ଲେଖାଯାଇଥିଲା, ‘ଆଜି ସକାଳ ୫ଟାରେ ମୁମ୍ବାଇର ଫିଲ୍ମ ସିଟିରେ ପ୍ରସିଦ୍ଧ ଟିଭି ସିରିଏଲ ଅନୁପମାର ସେଟରେ ଏକ ଭୟଙ୍କର ଅଗ୍ନିକାଣ୍ଡ ଘଟିଛି ।’ ସକାଳ ୭ଟାରେ ସୁଟିଂ ଆରମ୍ଭ ହେବାର ମାତ୍ର ଦୁଇ ଘଣ୍ଟା ପୂର୍ବରୁ ଅଗ୍ନିକାଣ୍ଡରେ ସେଟ୍ ଟ ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ସେହି ଦିନର ସୁଟିଂ ପାଇଁ ପ୍ରସ୍ତୁତି ଚାଲିଥିଲା ଯେତେବେଳେ ନିଆଁ ଲାଗିଗଲା । ଘଟଣା ସମୟରେ ଅନେକ କର୍ମଚାରୀ ଏବଂ କ୍ରୁ ମେମ୍ବର ମହଲାରେ ଉପସ୍ଥିତ ଥିଲେ । ଭଗବାନଙ୍କୁ ଧନ୍ୟବାଦ, ଏପର୍ଯ୍ୟନ୍ତ କୌଣସି ମୃତାହତର ଖବର ନାହିଁ । ତଥାପି, ଯଦି ସୁଟିଂ ଠିକ୍ ସମୟରେ ଆରମ୍ଭ ହୋଇଥାନ୍ତା, ତେବେ ପରିସ୍ଥିତି ଭୟଙ୍କର ହୋଇଥାନ୍ତା, ଯାହା ଫଳରେ ଅନେକ ଧନ ଜୀବନ କ୍ଷତି ହୋଇଥାନ୍ତା । ଏହି ଘଟଣା ମୁମ୍ବାଇ ଏବଂ ଏହାର ଆଖପାଖରେ ଥିବା ଫିଲ୍ମ ଷ୍ଟୁଡିଓରେ ବାରମ୍ବାର ଅଗ୍ନିକାଣ୍ଡ ଘଟଣାର ଆଉ ଏକ ଦୁଃଖଦ ଘଟଣା ମନେପକାଇଦେଇଛି ।
Comments are closed.