ଭୁବନେଶ୍ବର: ଗତ ପାଞ୍ଚ ବର୍ଷ ମଧ୍ୟରେ ଗୁଣିଗାରେଡ଼ି ସନ୍ଦେହ ମାମଲାରେ ମୋଟ ୩୮୭ ଜଣଙ୍କୁ ଗିରଫ କରାଯାଇଛି ।ଏନେଇ ସୋମବାର ଦିନ ରାଜ୍ୟ ବିଧାନସଭାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସୂଚନା ଦେଇଛନ୍ତି।
ଜୟପୁର ବିଧାୟକ ତାରା ପ୍ରସାଦ ବାହିନୀପତିଙ୍କ ଏକ ପ୍ରଶ୍ନର ଲିଖିତ ଉତ୍ତରରେ ମୁଖ୍ୟମନ୍ତ୍ରୀ କହିଛନ୍ତି ଯେ, ରାଜ୍ୟରେ ୱିଚ୍ ହଣ୍ଟିଂ ନିବାରଣ ଆଇନ, ୨୦୧୩ ଅନୁଯାୟୀ, ୨୦୨୪ ମସିହାରେ ୱିଚ୍ ପ୍ରଥା ସହିତ ଜଡିତ ୬୨ଟି ମାମଲା ପଞ୍ଜୀକୃତ ହୋଇଥିଲା, ଯାହା ଫଳରେ ଏହି ମାମଲାରେ ୪୮ ଜଣଙ୍କୁ ଗିରଫ କରାଯାଇଥିଲା। ୨୦୨୩ ମସିହାରେ ୭୦ଟି ମାମଲା ରିପୋର୍ଟ ହୋଇଥିଲା;୪୪ ଜଣଙ୍କୁ ଗିରଫ କରାଯାଇଥିଲା। ୨୦୨୦ ମସିହାରେ ୯୫ଟି ଗୁଣିଗାରେଡ଼ି ସନ୍ଦେହ ମାମଲା ପଞ୍ଜୀକୃତ ହୋଇଥିବା ବେଳେ ୯୬ ଜଣଙ୍କୁ ଗିରଫ କରାଯାଇଥିଲା। ୨୦୨୧ ମସିହାରେ ଏହି ସଂଖ୍ୟା ୭୯କୁ ହ୍ରାସ ପାଇ ୧୦୩ ଜଣଙ୍କୁ ଗିରଫ କରାଯାଇଥିଲା। ୨୦୨୨ ମସିହାରେ ୧୦୨ଟି ମାମଲା ପଞ୍ଜୀକୃତ ହୋଇଥିଲା ଏବଂ ୮୯ ଜଣଙ୍କୁ ଗିରଫ କରାଯାଇଥିଲା। ୨୦୨୩ ଏବଂ ୨୦୨୪ ମସିହାରେ ଏହି ମାମଲା ୭୦ ଏବଂ ୬୨କୁ ହ୍ରାସ ପାଇ ଯଥାକ୍ରମେ ୫୨ ଏବଂ ୪୮ ଜଣଙ୍କୁ ଗିରଫ କରାଯାଇଥିଲା ।
ଆଦିବାସୀ ବହୁଳ ମୟୂରଭଞ୍ଜ ଜିଲ୍ଲାରେ ୨୦୨୦-୨୪ ବର୍ଷରେ ସର୍ବାଧିକ ଗୁଣିଗାରେଡ଼ି ସନ୍ଦେହ ମାମଲା ପଞ୍ଜୀକୃତ ହୋଇଛି। ୨୦୨୦ରେ ୩୫ଟି, ୨୦୨୧ରେ ୨୮ଟି, ୨୦୨୨ରେ ୪୦ଟି ଏବଂ ୨୦୨୩ ଓ ୨୦୨୪ରେ ଯଥାକ୍ରମେ ୨୬ ଓ ୧୬ଟି ମାମଲା ଘଟିଛି।
ମାମଲା ହ୍ରାସ ପାଇବାର କାରଣ ହେଉଛି ଓଡ଼ିଶା ଗୁଣିଗାରେଡ଼ି ସନ୍ଦେହ ମାମଲା ନିବାରଣ ଆଇନ। ଯାହା ଆଦିବାସୀମାନଙ୍କୁ ଗୁଣିଗାରେଡ଼ି ସନ୍ଦେହରୁ ସୁରକ୍ଷା ପ୍ରଦାନ କରିଛି।
Comments are closed.