ରୋମ: ନିରାଶ ମଧ୍ୟରେ ଆଶାର ଝଲକ ଦେଖାଉଥିବା ଏକ ଫଟୋ ସୋସିଆଲ ସାଇଟରେ ଭାଇରାଲ ହେବା ପରେ ଏବେ ଏହା ସମ୍ମାନଜନକ ସିଏନା ଇଂଟରନ୍ୟାଶନାଲ ଫଟୋ ଆୱାର୍ଡ୍ସ ଜିତିଛି । ଏହି ଫଟୋ ଅନେକଙ୍କ ଆଖିରେ ଲୁହ ଦେଇଥିଲେ ମଧ୍ୟ, ବଂଚିବାର ଆଗ୍ରହ ମଧ୍ୟ ଦର୍ଶାଇଥିଲା । ସିରିୟାରେ ବୋମା ବିସ୍ଫୋରଣରେ ଗୋଟିଏ ଗୋଡ ହରାଇଥିବା ମୁଂଜିର ଏଲ ନେଜେଲ ତାଙ୍କ ପୁଅ ମୁସ୍ତାଫାକୁ ଗେହ୍ଲ କରୁଛନ୍ତି । ଏଥିରେ ଛୋଟ ପିଲାଟିର ୨ଟି ଯାକ ଗୋଡ ମଧ୍ୟ ନାହିଁ ।
ନେଜେଲଙ୍କ ପତ୍ନୀ ପ୍ରେଗନେଂଟ ଥିବା ବେଳେ ବିଷାକ୍ତ ଗ୍ୟାସ ଯୋଗୁ ଅସୁସ୍ଥ ହୋଇ ପଡିଥିଲେ । ତାଙ୍କୁ ସୁସ୍ଥ କରିବା ପାଇଁ ଡାକ୍ତର ଦେଇଥିବା ଔଷଧ ଯୋଗୁ ପିଲାଟିର ଗୋଡ ନଷ୍ଟ ହୋଇ ଯାଇଥିଲା । ଉକ୍ତ ପ୍ରତିଯୋଗିତାର ଆୟୋଜକ କଠିନ ପରିଶ୍ରମ କରି ଏହି ପରିବାରକୁ ତୁର୍କୀରେ ଠାବ କରିଥିଲେ । ସେଠାରୁ ସେମାନଙ୍କୁ ଇଟାଲୀ ଅଣାଯାଇଛି । ଏହା ଖବର ପ୍ରସାରିତ ହେବା ପରେ ସମସ୍ତେ ଏହି ପରିବାରକୁ ଦେଖିବା ପାଇଁ ବ୍ୟଗ୍ର ହୋଇ ଉଠିଥିଲେ ।
Comments are closed, but trackbacks and pingbacks are open.