ଜନ୍ମବେଦୀରେ ଚତୁର୍ଦ୍ଧାମୂର୍ତ୍ତି; ଆଜି ବାହାରିବ ଆଡ଼ପ ଅବଢ଼ା

ପୁରୀ: ଜନ୍ମବେଦୀରେ ଶ୍ରୀଜିଉ । ଆଜି ଆଡପମଣ୍ଡରେ ଚାଲିଛି ଚତୁର୍ଦ୍ଧାମୂର୍ତ୍ତିଙ୍କ ସ୍ୱତନ୍ତ୍ର ନୀତିକାନ୍ତି । ଆଡପ ମଣ୍ଡପରୁ ଆଜିଠାରୁ ବାହାରିବ ଅବଢା । ମହାପ୍ରସାଦ ପାଇବା ପାଇଁ କରାଯିବ ସ୍ୱତନ୍ତ୍ର ବ୍ୟବସ୍ଥା । ଭକ୍ତମାନେ କିପରି ସୁରୁଖୁରୁରେ ଅବଢା ପାଇ ପାରିବେ ସେ ନେଇ ବ୍ୟବସ୍ଥା କରାଯାଇଥିବା ସୂଚନା ମିଳିଛି ।
ଆଜି ମହାପ୍ରସାଦ ପାଇଁ ହେବ ଟୋକନ ବ୍ୟବସ୍ଥା । ସୁଆର ମହାସୁଆର ନିଯୋଗଠାରୁ ଟୋକନ ନେଇ ପାରିବେ ଭକ୍ତ । ମନ୍ଦିର ବାହାର କାଉଣ୍ଟରରେ ବୋଝିଆ ଦ୍ବାରା ମହାପ୍ରସାଦ ଦିଆଯିବ ।
ଗୋଟିପହଣ୍ଡିରେ ଯାଇ ବୁଧବାର ଦିନ ଆଡପ ମଣ୍ଡପ ବିଜେ କରିଛନ୍ତି ଶ୍ରୀଜିଉ । ଆଡ଼ପ ମଣ୍ଡପ ବିଜେ ପରେ ମହାପ୍ରଭୁଙ୍କୁ ରୁନ୍ଧା ଯାଇ ବଡ଼ ସିଂହାର ବେଶ କରାଯାଇଥିଲା ।