ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତା ଅମୀର ଖାଁ ବୁଧବାର ତାଙ୍କ ଆଗାମୀ ଫିଲ୍ମର ନାମ ଘୋଷଣା କରିଛନ୍ତି । ସିତାରେ ଜମୀନ ପର ନାମକ ଏହି ଫିଲ୍ମରେ ଅମୀର ପ୍ରଡ୍ୟୁସର ମଧ୍ୟ ରହିବେ । ତାରେ ଜମୀନ ପର ଏକ ଇମୋଶନାଲ ଫିଲ୍ମ ଥିବା ବେଳେ ଏହି ଫିଲ୍ମ କିନ୍ତୁ ଆପଣମାନଙ୍କୁ ମନୋରଞ୍ଜନ କରାଇବ ବୋଲି ଅମୀର ଏକ ସାକ୍ଷାତକାରରେ କହିଛନ୍ତି । ଫିଲ୍ମର ଥିମ ସମାନ ରହିବ । ତାରେ ଜମୀନ ପରରେ ମୋ ଚରିତ୍ର ଈଶାନକୁ ସହଯୋଗ କରିଥିଲା । ମାତ୍ର ଏହି ଫିଲ୍ମରେ ୯ଜଣ ମୋତେ ସାହାଯ୍ୟ କରିବେ ଯାହାଙ୍କର ନିଜସ୍ୱ ସମସ୍ୟା ରହିଛି । ତାରେ ଜମୀନ ପରର ସମ୍ପୂର୍ଣ୍ଣ ଓଲଟା ଏହି ଫିଲ୍ମ । ଖୁବ ଶୀଘ୍ର ଫିଲ୍ମର ଅନ୍ୟ କଳାକାରଙ୍କ ନାମ ଘୋଷଣା କରାଯିବ ବୋଲି ଅମୀର କହିଛନ୍ତି ।
ସେ ଆଉ ଅଧିକ ଫିଲ୍ମ ସମ୍ପର୍କରେ କହିବାକୁ ମନା କରି ଦେଇଥିଲେ । ସୂଚନାଯୋଗ୍ୟ, ତାରେ ଜମୀନ ପର ଫିଲ୍ମକୁ ଦର୍ଶକମାନେ ବେଶ ପସନ୍ଦ କରିଥିଲେ । ଏହା ଏକପ୍ରକାର ଏହାର ସୀକ୍ୱେଲ ହେବ । ଲାଲ ସିଂ ଚଢ଼ା ଫ୍ଲପ ହେବା ପରେ ଅମୀର କିଛି ଦିନ ନୀରବ ରହି ଯାଇଥିଲେ । ଏବେ ସେ ପୁନର୍ବାର ସକ୍ରିୟ ହୋଇ ଉଠିଛନ୍ତି । ଏପରିକି ସନୀ ଦେଓଲଙ୍କ ସହ ଏକ ଫିଲ୍ମ ମଧ୍ୟ କରିବାକୁ ଯାଉଛନ୍ତି ।
Comments are closed.