ବ୍ରହ୍ମପୁର:ଏକ ପରିତ୍ୟକ୍ତ ଘରେ ବିଦେଶୀ ମଦ କାରଖାନା ଚାଲିଥିବା ଗ୍ୟାଙ୍ଗ୍କୁ ଧରିଛି ପୋଲିସ । ମିଳିଥିବା ସୂଚନା ଅନୁଯାୟୀ, ରବିବାର ସନ୍ଧ୍ୟାରେ ଗୋଳନ୍ଥରା ଥାନା ଅନ୍ତର୍ଗତ ଟାମଣା ଓ ସିଅଳା ରୋଡ୍ରେ ପାଟ୍ରୋଲିଂ ଚାଲିଥିଲା । ଏହି ସମୟରେ ୪ଜଣ ଯୁବକ ବିଦେଶୀ ମଦ ବିକ୍ରି କରିବାକୁ ନେଉଥିଲେ । ପୋଲିସ ସେମାନଙ୍କ ନିକଟରୁ ସୂଚନା ପାଇଥିଲା । ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ମହନ୍ତଙ୍କ ନେତୃତ୍ୱରେ ଏକ ଟିମ୍ ବେତଝରୀ ଗ୍ରାମ ନିକଟରେ ଚଢ଼ାଉକରି ସେଠାରେ ଏକ ପରିତ୍ୟକ୍ତ ଘରେ ନକଲି ମଦ ପ୍ରସ୍ତୁତ ଚାଲିଥିବା ଦେଖିବାକୁ ପାଇଥିଲା । ସେଠାରୁ ୪୦ଲିଟର ସ୍ପିରିଟ୍, ୫୦୦ବିଭିନ୍ନ ବ୍ରାଣ୍ଡର ବୋତଲ, ୩ହଜାର ଠିପି, ବିଭିନ୍ନ ବ୍ରାଣ୍ଡର ୫୦୦ ଲେବଲ୍, ବିଭିନ୍ନ ବ୍ରାଣ୍ଡର ୨୦ଲିଟର ନକଲି ମଦ, ଏକ ଅଟୋ ରିକ୍ସାକୁ ଜବତ କରିଛି ପୋଲିସ। ଏନେଇ ଗୋଳନ୍ଥରା ଥାନାରେ ଏକ ମାମଲା ରୁଜୁ କରାଯାଇଛି । ପୋଲିସ ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ହରିଡାଖଣ୍ଡି ଛକର ମୁନା ନାୟକ(୪୨), ସୀତାରାମ ସାହିର ବୁଲୁ ପାତ୍ର(୫୦), ଜଗବନ୍ଧୁ ସାହିର ସନିଆ ସାହୁ(୩୭)ଙ୍କ ସମେତ ଗୋଳନ୍ଥରା ଥାନା ଅନ୍ତର୍ଗତ କନିଷି ହାଟର ନିଲୁ ସାହୁ(୨୭)ଙ୍କୁ ଗିରଫ କରିଛି । ସୂଚନାଥାଉକି, କିଛିଦିନ ତଳେ ଇନ୍ଦ୍ରାକ୍ଷୀର ନକଲି ମଦ କାରବାରରେ ସମ୍ପୃକ୍ତ ଥିବା ଅଭିଯୋଗରେ କନିଷିର ନିଲୁ ଗିରଫ ହୋଇ କୋର୍ଟଚାଲାଣ ହୋଇଥିବା ବେଳେ ପୁଣିଥରେ ଆସି ଏହି ନକଲି ମଦ କାରଖାନା ଚଲାଉଥିଲା ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି।
BREAKING NEWS
- ୧୯ ରେ ଆଣ୍ଡାମାନ ଛୁଇଁବ ମୌସୁମୀ, ୧୭ରୁ ୪ ଡିଗ୍ରୀ ଯାଏ ବଢ଼ିବ ତାପମାତ୍ରା
- ପାଟିକୁ ସୁଆଦ, ପେଟକୁ ଶାନ୍ତି: ଜାଣନ୍ତୁ ଦକ୍ଷିଣ ଭାରତର ପ୍ରସିଦ୍ଧ ଖାଦ୍ୟ ଦୋସାର ଇତିହାସ..
- ମୁମ୍ବାଇରେ ଘୂର୍ଣ୍ଣିଝଡ଼ର ତାଣ୍ଡବ: ଏଯାବତ୍ ୧୨ ଜଣଙ୍କ ମୃତ୍ୟୁ, ୫୦ରୁ ଅଧିକ ଆହତ
- ଆଜି ଆସୁଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ଜୟରାମ ରମେଶ
- ଶେଷ ହେଲା ପ୍ରଥମ ପର୍ଯ୍ୟାୟ ଲେଢଇ: ୭୪ ପ୍ରତିଶତ ମତଦାନ, ୨୮୦ ପ୍ରାର୍ଥୀଙ୍କ ଭାଗ୍ୟ ସିଲ୍
- ଶାନ୍ତିପୂର୍ଣ୍ଣ ଭାବରେ ସରିଲା ଚତୁର୍ଥ ପର୍ଯ୍ୟାୟ ମତଦାନ, ବଙ୍ଗଳାରେ ସର୍ବାଧିକ ଭୋଟିଂ
- ଖରାଦିନେ ଖାଆନ୍ତୁ ତାଳସଜ, ମିଳିବ ଅନେକ ଫାଇଦା
- ସିବିଏସଇ ଦଶମ ଓ ଦ୍ଵାଦଶ ପରୀକ୍ଷାରେ ଶତ ପ୍ରତିଶତ ସଫଳତା ହାସଲ କରିଛି ବିଜେଇଏମ୍-୨
- ବିଜେଡି ନେତ୍ରୀ ଅପୂର୍ବା ଅପରୁପାଙ୍କ କାରରୁ ୧୦ ଲକ୍ଷରୁ ଅଧିକ ଟଙ୍କା ଜବତ
- ବ୍ରହ୍ମପୁରରେ ବିଜେପିର ସାଂସଦ ପ୍ରାର୍ଥୀ ପ୍ରଦୀପ ପାଣିଗ୍ରାହୀଙ୍କୁ ଆକ୍ରମଣ ଅଭିଯୋଗ