ପୁଣେ: ସମାଜସେବୀ ତଥା ଗାନ୍ଧିବାଦୀ ନେତା ଆନ୍ନା ହଜାରେ ଆଜି ଅସୁସ୍ଥ ହୋଇ ପଡିଛନ୍ତି । ସେ ଛାତିରେ ପ୍ରବଳ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତି କରାଯାଇଛି । ତେବେ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି ବୋଲି ଚିକିତ୍ସା କରୁଥିବା ଡାକ୍ତର କହିଛନ୍ତି । ୮୪ ବର୍ଷୀୟ ଆନ୍ନା ଅନେକ ବଡ ଆନ୍ଦୋଳନର ନେତୃତ୍ୱ ନେଇଛନ୍ତି । ୨୦୧୧ ଜନ ଲୋକପାଳ ବିଲ ନେଇ କରିଥିବା ଆମରଣ ଅନଶନ ତାଙ୍କୁ ସମସ୍ତଙ୍କ ଆଗରେ ଲୋକପ୍ରିୟ କରାଇଥିଲା ।
ପଦ୍ମ ଭୂଷଣ ସମ୍ମାନର ଅଧିକାରୀ ଆନ୍ନା ହଜାରେ ବିଭିନ୍ନ ସମାଜସେବୀଙ୍କ ପାଇଁ ଆଦର୍ଶ ସାଜିଛନ୍ତି । ସୂଚନା ଅଧିକାର ନିୟମ ଲାଗୁ କରିବା ପାଇଁ ମଧ୍ୟ ସେ ଆନ୍ଦୋଳନ କରିଥିଲେ । ତାଙ୍କର ୨୦୧୧ ଅନଶନ କଂଗ୍ରେସ ପାଇଁ କାଳ ସାଜିଥିବା ବେଳେ ଅରବିନ୍ଦ କେଜ୍ରିୱାଲଙ୍କ ପାଇଁ ବରଦାନ ସାବ୍ୟସ୍ତ ହୋଇଥିଲା ।
Comments are closed.