ମୁମ୍ବାଇ: ‘ଫୁକ୍ରେ’ ଅଭିନେତା ପୁଲକିତ ସମ୍ରାଟ ଏବଂ ଅଭିନେତ୍ରୀ କ୍ରିତି ଖରବନ୍ଦା ଏବେ ବିବାହ ପାଇଁ ପ୍ରସ୍ତୁତ ହେଉଛନ୍ତି । ଉଭୟ ଖୁବ୍ ଶୀଘ୍ର ସାତଫେରେ ନେବାକୁ ଯାଉଛନ୍ତି । ଉଭୟଙ୍କ ବିବାହ କାର୍ଡ ମଧ୍ୟ ଲିକ ହୋଇଛି, ଯାହା ସୋସିଆଲ ମିଡିଆରେ ଏବେ ଭାଇରାଲ ହେବାରେ ଲାଗିଛି । ଦୀର୍ଘ ଦିନ ହେବ ପୁଲକିତ ଓ କ୍ରିତି ଉଭୟଙ୍କୁ ଡେଟ୍ କରୁଛନ୍ତି । କିଛି ଦିନ ପୂର୍ବେ ଉଭୟ ନିଜର ଲଭ୍ ଲାଇଫ କୁ ନେଇ ମଧ୍ୟ ଖୁଲାସା କରିଥିଲେ । ଆଉ ଏବେ ଏହି ସମ୍ପର୍କକୁ ନୂଆ ନାଁ ଦେବାକୁ ନିଷ୍ପତ୍ତି ନେଇଛନ୍ତି ।
ଉଭୟଙ୍କ ବିବାହ କାର୍ଡ ଲିକ୍ ହେବା ପରେ ପ୍ରଶଂସକମାନେ ଜାଣିବାକୁ ପାଇଛନ୍ତି ଯେ, ଉଭୟ ବିବାହ କରିବାକୁ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି । ବିବାହ କାର୍ଡ ଭାଇରାଲ ହେବାରେ ଲାଗିଛି ଏବଂ ଲୋକମାନେ ଏହାକୁ ବହୁତ ପସନ୍ଦ କରୁଛନ୍ତି । ସାଧାରଣ କାର୍ଡଠାରୁ ଏହା ସମ୍ପୂର୍ଣ୍ଣ ଭିନ୍ନ ଅଟେ, କାରଣ ଏହା ଏକ ଆନିମେଟେଡ୍ କାର୍ଡ ଅଟେ ।
ଏହି ଆନିମେଟେଡ୍ ବିବାହ କାର୍ଡରେ ଲେଖାଯାଇଛି ଯେ, ‘ନିଜ ଲୋକଙ୍କ ସହିତ ଏହି ସେଲିବ୍ରେସନ କରିବାକୁ ଅପେକ୍ଷା କରିପାରୁ ନାହିଁ । ଲଭ୍ ପୁଲକିତ ଏବଂ କ୍ରିତି । ସୋସିଆଲ ମିଡିଆରେ ଏହି ବିବାହ କାର୍ଡ ଅଭିନେତା ପୁଲକିତ ଏବଂ କ୍ରିତି ୱେଡିଂ ବୋଲି କୁହାଯାଉଛି । କିନ୍ତୁ ଏନେଇ କପଲଙ୍କ ଦ୍ଵାରା ଅଫିସିଆଲ ଭାବେ ବିବାହ ତାରିଖ ପ୍ରକାଶ କରାଯାଇ ନାହିଁ ।
Comments are closed.