ମୁମ୍ବାଇ: ସାଉଥ୍ ସୁପରଷ୍ଟାର ପ୍ରଭାସଙ୍କ ଅଭିନିତ ଫିଲ୍ମ‘ଆଦିପୁରୁଷ’ ଏବେ ଖୁବ୍ ଚର୍ଚ୍ଚାରେ । ଫିଲ୍ମର କାହାଣୀ,ସଂଳାପ,ଚରିତ୍ରକୁ ନେଇ ବିବାଦ ଦେଖାଦେଇଛି । ବିବାଦସତ୍ତ୍ୱେ ରିଲିଜ୍ର ତିନିଦିନ ଯାଏଁ ଫିଲ୍ମଟି ଭଲ ବ୍ୟବସାୟ କରିଲା । ହେଲେ ଧୀରେ ଧୀରେ ଏହାର ବ୍ୟବସାୟରେ ମାନ୍ଦା ଅବସ୍ଥା ଦେଖିବାକୁ ମିଳିଛି । ରିଲିଜ୍ର ଚତୁର୍ଥ ଦିନରେ ଏହାର ମାନ୍ଦାବସ୍ଥା ପଡ଼ିଛି । ସୋମବାର ସମସ୍ତ ଭାଷାରେ ମାତ୍ର ୨୦-୨୨ କୋଟି ରୋଜଗାର କରିଥିବା ବେଳେ ରବିବାର ୬୯ କୋଟି କରିଥିଲା । ଏଥିରୁ ସ୍ପଷ୍ଟ ବୁଝାପଡ଼ିଛି ଯେ, ଫିଲ୍ମଟି ରିଲିଜ୍ ହେବା ପରେ ପରେ ବିବାଦ ଦେଖାଦେବାରୁ ଦର୍ଶକଙ୍କ ଉପରେ ଏହାର ନକାରାତ୍ମକ ପ୍ରଭାବ ପକାଇଛି ।
ଗତ ୧୬ ତାରିଖରେ ଫିଲ୍ମ ‘ଆଦିପୁରୁଷ’ ମୁକ୍ତିଲାଭ କରିଛି । ଏଥିରେ ସାଉଥ ସୁପରଷ୍ଟାର ପ୍ରଭାସ ରାମ ଭୂମିକାରେ ଅଭିନୟ କରିଥିବା ବେଳେ ଅଭିନେତ୍ରୀ କ୍ରିତି ସାନନ୍ ସୀତା ଏବଂ ସୈଫ ଅଲି ଖାନ ରାବଣ ଭୂମିକାରେ ନଜର ଆସିଛନ୍ତି । ଫିଲ୍ମରେ ଅତି ନିମ୍ନମାନର ସଂଳାପ କେତୋଟି ରହିଛି, ଯାହାକୁ ନେଇ ବିବାଦ ମୁଣ୍ଡ ଟେକିଛି । ଫିଲ୍ମକୁ ସାରା ଦେଶରେ ବିରୋଧ କରାଯାଉଛି । ଏମିତି କି ଫିଲ୍ମର ପ୍ରଦର୍ଶନ ଉପରେ ରୋକ ଲଗାଇବାକୁ ଦାବି କରାଯାଉଛି ।
Comments are closed.