ନୂଆଦିଲ୍ଲୀ: ପୂର୍ବତନ ଉପରାଷ୍ଟ୍ରପତି ହମିଦ ଅନସାରୀଙ୍କୁ ନେଇ ବଡ଼ ବୟାନ ଦେଇଛନ୍ତି ପାକିସ୍ତାନର ସାମ୍ବାଦିକ ନୁସରତ ମିର୍ଜା। ସେ ଦାବି କରିଛନ୍ତି ଯେ ହମିଦ ଅନସାରୀଙ୍କ ନିମନ୍ତ୍ରଣ କ୍ରମେ ସେ ଭାରତ ଆସି ଗୁଇନ୍ଦାଗିରି କରୁଥିଲେ। ଏପରିକି ନୁସରତ ମିର୍ଜା କହିଛନ୍ତି ସେ ଭାରତରୁ ଅନେକ ଗୁପ୍ତ ତଥ୍ୟ ସଂଗ୍ରହ କରି ଆଇଏସଆଇକୁ ପ୍ରଦାନ କରିଥିଲେ।
ପୂର୍ବତନ ଉପରାଷ୍ଟ୍ରପତି ହମିଦ ଅନସାରୀଙ୍କ ଉପରେ ପାକିସ୍ତାନୀ ସାମ୍ବାଦିକ ନୁସରତ ମିର୍ଜାଙ୍କ ଏପରି ଦାବି ସାରା ଭାରତକୁ ବିଚଳିତ କରିଛି। ଏକ ୟୁଟ୍ୟୁବ ଚ୍ୟାନେଲକୁ ଦିଆଯାଇଥିବା ସାକ୍ଷାତକାରରେ ପାକିସ୍ତାନୀ ସାମ୍ବାଦିକ ତତ୍କାଳୀନ ଉପରାଷ୍ଟ୍ରପତି ହମିଦ ଅନସାରୀ ଏବଂ ଏକ ଇଂରାଜୀ ଖବରକାଗଜ ମିଲି ଗେଜେଟର ପ୍ରତିଷ୍ଠାତା ଜାଫରୁଲ ଇସଲାମ ଖାନଙ୍କ ବିଷୟରେ ଏକ ବଡ଼ ଦାବି କରିଛନ୍ତି ନୁସରତ। ପାକିସ୍ତାନୀ ସାମ୍ବାଦିକ ନୁସରତ ମିର୍ଜା କହିଛନ୍ତି ଯେ ସେ ହମିଦ ଅନସାରୀ ଏବଂ ଜାଫରଲ ଇସଲାମ ଖାନଙ୍କ ନିମନ୍ତ୍ରଣ କ୍ରମେ ଭାରତ ଆସିଥିଲେ। ଏହି ସମୟରେ ସେ ଭାରତରୁ ଅନେକ ଗୁପ୍ତ ତଥ୍ୟ ସଂଗ୍ରହ କରି ଆଇଏସଆଇକୁ ପ୍ରଦାନ କରିଥିଲେ।
ଏହି ସାକ୍ଷାତକାରରେ ନୁସରଚ ମିର୍ଜା ଦାବି କରିଛନ୍ତି ଯେ ସେ 2005 ରୁ 2011 ମଧ୍ୟରେ ଭାରତର 15 ଟି ରାଜ୍ୟ ଗସ୍ତ କରିଥିଲେ ଏବଂ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ସଂଗ୍ରହ କରିଥିଲେ । ଏହି ସମୟ ମଧ୍ୟରେ ଭାରତର 56 ମୁସଲମାନ ସାଂସଦ ତାଙ୍କୁ ବହୁତ ସାହାଯ୍ୟ କରିଥିଲେ । ପାକ୍ ସାମ୍ବାଦିକ ନୁସରତ ମିର୍ଜାଙ୍କ ଦାବି ସୋସିଆଲ ମିଡିଆରେ ଏକ ଅଡୁଆ ସୃଷ୍ଟି କରିଛି। ହମିଦ ଅନସାରୀ ଏବଂ ଜାଫରୁଲ ଇସଲାମ ଖାନଙ୍କ ସହ ଲୋକମାନେ ସେହି ସମୟରେ କେନ୍ଦ୍ରରେ ମନମୋହନ ସିଂ ସରକାରଙ୍କୁ ସମାଲୋଚନା କରିଛନ୍ତି। ଉଲ୍ଲେଖଯୋଗ୍ୟ, ହମିଦ ଅନସାରୀ ଦୁଇଥର ଦେଶର ଉପରାଷ୍ଟ୍ରପତି ହୋଇଛନ୍ତି।
ଏହି ପାକିସ୍ତାନ ସାମ୍ବାଦିକ ଚଣ୍ଡିଗଡ଼, ହାଇଦ୍ରାବାଦ, ବେଙ୍ଗାଲୁରୁ ଏବଂ ଅନ୍ୟାନ୍ୟ ସହର ପରିଦର୍ଶନ କରିଥିଲେ। ତେବେ 2010ରେ ତତ୍କାଳୀନ ଉପରାଷ୍ଟ୍ରପତି ହମିଦ ଅନସାରୀ ତାଙ୍କୁ ଆତଙ୍କବାଦ ଉପରେ ଏକ ସେମିନାର ପାଇଁ ନିମନ୍ତ୍ରଣ କରିଥିଲେ।
ଏବେର କଂଗ୍ରେସ ମୁଖପାତ୍ର ତଥା ତତ୍କାଳୀନ ହମିଦ ଅନସାରୀଙ୍କ ସ୍ପେଶାଲ ଡ୍ୟୁଟି (ଓଏସଡି) ଅଫିସର ଗୁରୁଦୀପ ସିଂ ସପାଲ ଏହି ଅଭିଯୋଗକୁ ଖଣ୍ଡନ କରିଛନ୍ତି । ଏପରି ଅଭିଯୋଗର ରାଜନୀତିକ ଉଦ୍ଦେଶ୍ୟ ରହିଛି । 2007-2012 ଏବଂ 2012-2017 ସପଲ କ୍ରମାଗତ ଭାବେ ହମିଦ ଅନସାରୀଙ୍କ ପରାମର୍ଶଦାତା ଭାବରେ କାମ କରିଥିଲେ।
ସପାଲ ସିରିଜ ଟୁଇଟ୍ କରି କହିଛନ୍ତି ଯେ ପାକିସ୍ତାନୀ ସ୍ତମ୍ଭକାର କ୍ୟାମେରାରେ କେବେ କହି ନାହାଁନ୍ତି ଯେ ତାଙ୍କୁ ହମିଦ ଅନସାରୀ ତାଙ୍କୁ ନିମନ୍ତ୍ରଣ କରିଛନ୍ତି।
