ଧାରାବାହିକ ‘ଗୁମ୍ ହୈ କିସି କେ ପ୍ୟାର୍ ମୈ’ ରେ ଆଉ ନଜର ଆସିବେ ନାହିଁ ଐଶ୍ୱର୍ଯ୍ୟା

ମୁମ୍ବାଇ: ଧାରାବାହିକ ‘ଗୁମ୍ ହୈ କିସି କେ ପ୍ୟାର୍ ମୈ’ ରେ ଆଉ ନଜର ଆସିବେ ନାହିଁ ଐଶ୍ୱର୍ଯ୍ୟା ଶର୍ମା । ଟିଭି ଦୁନିଆର ଲୋକପିୟ ଧାରାବାହିକ ‘ଗୁମ୍ ହୈ କିସି କେ ପ୍ୟାର୍ ମୈ’ । ଏହି ଧାରାବାହିକୁ ଲୋକେ ଖୁବ୍ ପସନ୍ଦ କରିଛନ୍ତି । କିନ୍ତୁ ଏଥିରେ ମୁଖ୍ୟ ଭୂମିକାରେ ଅଭିନୟ କରିଥିବା ଐଶ୍ୱର୍ଯ୍ୟା ଏହି ଧାରାବାହିକରୁ ବିଦାୟ ନେଇଛନ୍ତି । ତେଣୁ ଏବେ କାହାଣୀରେ ସାମାନ୍ୟ ପରିବର୍ତ୍ତନ କରାଯାଇଛି ।

ଧାରାବାହିକ ‘ଗୁମ୍ ହୈ କିସି କେ ପ୍ୟାର୍ ମୈ’ ରେ ଐଶ୍ୱର୍ଯ୍ୟା ଅଢେଇ ବର୍ଷରୁ ଅଧିକ ସମୟ ଧରି ଅଭିନୟ କରିଛନ୍ତି । ଏହି ଧାରାବାହିକ ଜରିଆରେ ଐଶ୍ୱର୍ଯ୍ୟା ଘରେ ଘରେ ପରିଚିତ ହୋଇପାରିଛନ୍ତି । ଏଥିରେ ଐଶ୍ୱର୍ଯ୍ୟାଙ୍କ ନିଖୁଣ ଅଭିନୟକୁ ଦର୍ଶକ ମଧ୍ୟ ବେଶ୍ ପସନ୍ଦ କରିଛନ୍ତି । ଏନେଇ ଐଶ୍ୱର୍ଯ୍ୟା କହିଛନ୍ତି ଯେ, ଆଜି ମୁଁ ଯାହା କିଛି ପରିଚୟ ପାଇଛି କେବଳ ଏହି ଧାରାବାହିକରୁ । ଏହି ଧାରାବାହିକ ମୋତେ ସବୁକିଛି ଦେଇଛି, ଯାହା ମୁଁ କେବେ ଭାବି ନ ଥିଲି ।

ସେ ଆହୁରି କହିଛନ୍ତି ଯେ, ମୁଁ ଏହି ଧାରାବାହିକରେ ଅଢେଇ ବର୍ଷରୁ ଅଧିକ ସମୟ କାମ କରିସାରିଲିଣି । ଏହାକୁ ଛାଡ଼ିବା ସହଜ ନୁହେଁ । ତଥାପି ମୋତେ ନୂଆ କିଛି ଭାବିବାକୁ ପଡ଼ିବ । ଜଣେ କଳାକାର ସର୍ବଦା କିଛି ନୂଆ କରିବା ଉଚିତ୍ । ଏହି ଧାରାବାହିକରେ ମୋର ଚରିତ୍ର ପଜିଟିଭ୍‌ରୁ ନେଗେଟିଭ୍‌କୁ ଚାଲିଯାଇଥିଲା । ଏହା ମୋତେ ପସନ୍ଦ ହୋଇ ନ ଥିଲା । ତଥାପି ଗୋଟେ କଳାକାର ସବୁ ଚରିତ୍ର କରିବା ଉଚିତ ବୋଲି ଭାବିଥିଲି ।